طلع سعيد لها وهو مبتسم وضمها: الف مبروك الله يعوضك
رانيا ابتسمت له: الله يبارك فيك
طلعت معاه راجعين للبيت واستقبلوها اهل ضاري يسلمون عليها ويباركون لها وهي صارت بذمة ضاري
دخلت وهي بس تنتظر ترجع للمدينه وبيتها ملت من الديره وكرهتها...
ضاري طلع بعد المباركه له واستأذن انه بيطلع لشغل ضروري وبيرجع بكره يسوون العشاء ويرجعون
شاف نواف جاي له وواضح التعب بوجهه وهو شكله مريض: وش بك انت الثاني
نواف بتعب: تعبان وش تشوف
ضاري بعصبيه: اخلص معانا شغل كثير
نواف طلع معاه بسيارته وتوجهو راجعين للقسم
ضاري يتأمل الطريق وهو مو مستوعب صار متزوج ومن الي كانت زوجة اخوه!!!
نواف بتعب: صح الف مبروك
ضاري مارد عليه وكمل يسوق
نواف ناضره شوي وهو مكشر ولف وجهه
عند اسامه كانو يسولفون هو وهذال ومو عارفين البث عليهم وهذال مطلع رجوله للجدار وبطنه وراسه في الأرض لأنه كان يحس بدوخه ومنسجم مع اسامه الي يسولف وهو منسدح لكن عكس هذال منسدح طبيعي : وبعدين تخيل الا واشوف ذاك الضل الاسود متحرك صوبي كنت بموت من الخوف قلت يارجال قو قلبك وروح شوف وشو ذا الضل
هذال: ورحت؟
اسامه تنهد: رحت وليتني مارحت بقول لك لكن بيننا لاحد يعرف
هذال يتعدل: ابشر
اسامه لفت نظره الكميرا تتحرك لقم وسكت
وهذال قال: ها وش شفت وش كان الضل
اسامه كتم ضحكته بفشله ويأشر لهذال بعيونه على الكاميرا
هذال غمض عيونه: لاتقول
اسامه ضحك عليه
هذال تعدل بجلسته بفشله : احـــــــم الله يسامحك يامخرج كان تنبهتنا
اسامه بضحك: اي تعرف هذال طويل الدم ماياصل لراسه يبي يرفع رجوله عشان يرجع الدم لراسه ولاعد يحس بدوخه
هذال يهز راسه بأدب وبعدين استوعب وبهمس: لايكونو سمعو سالفتنا
اسامه يدقه يسكت
وعلى طول غيرو الموضوع
عند ساره كانت جالسه هي وريم وقمر في غرفتها والأكل عندهم وهم كلعاده متابعين للبرنامج: يوووووه ودي اعرف وش السالفه وش شاف
ريم بحماس مثلها: اي والله ودي اعرف وش السالفه
ساره خذت جوالها وعلى طول عادت اللقطه يوتيوب وهي تصمم عليها في التيك توك
ريم ضحكت: ارحمي نفسك شوي توك شفتيها
ساره: لازم اصمم عليها قبل احد يسبقني
قمر ضحكت عليها وهي تكمل اكلها بهدوء
وكملو سهرتهم على البرنامج وكل شوي اسامه اعياده تكثر هو وهذال ومعهم كم شخص محيين للبث.
جاء الصبح والكل عرف بأن اليوم العشاء وبدا التجهيز له ورانيا تتجهز وكل شوي وحده من الحريم تجي تشوفها ومرام وسمر وسما مبسوطات بجلساتهم وسوالفهم ولاعليهم من احد واتفقو يلبسون مثل بعض فساتين وكانهم جايبين الفستان معاهم من المدينه لسما
وهي مره انبسطت وشكرتهم وراحو يساعدو الحريم في التجهيزات دخلو للمطبخ وهم كل وحده ماسكه شب بيدها وتشتغل وهم كل شوي يضحكون ويسولفون مع بعض تذكرت سما وقالت: الا صدق يامرام ماقد قال لك اسامه اخوك وش الضل الي شافه جاني فضول
مرام: والله مدري
سمر تدقها: يمكن يقصد ذيك الي شافها
سما بفضول: وش شاف
مرام بحماس: اي شاف بنت بلبر تخيلي
سما: كيف؟
مرام: مدري قال شافها يوم اختفاء اربعه ايام ووووووو.... (وبدت تقول لها السالفه بحماس)
سما وهي تقطع السلطه : الله وش ذا حماس لو انا مكانه والله لربطها لاتضيع الا صدق وين تتوقعون راحت
مرام: مدري دورها كثير بس ماعد شافها
سمر: بنات تخيلو كذا يصيرون مسلسل رومنسي ويشوفها وحركات بركات
مرام ضحكت: ويصير اسم مسلسلهم بين الضبان التقاء القلبان
سما ضحكت: الله يقلعك
ČTEŠ
مابعد الصبر إلا الجميل
Beletrieرواية سعودية ابطالها. بدو وحضر. في المدينة وفي الديرة. وابطال مشاركين في برامج واقعيه تحمل هذه المناطق قصص حب نظيفة وطاهرة لقلوب لاتحمل الحقد تعاني لتصل الى هذا الحب ولكن مابعد الصبر الا الجميل للكاتبة /الرنيد
البــ16ــــارت
Začít od začátku
