الهاوية

مشاهد🤍

صِرت حَاير
بيَن أراسل
بيَن أخابِر
بيَن أكابَر
بيَن أضَم
شَوگي القَديم
وأبقى حايِر .

______

... واكفة واراقب اخاف الكف اعصابي كلها ترجف.

باوعت ورة ورجعت حجيت ويا
اني كلش خايفة مااكدر اسويها
مااكدر افهمني فدوة العينك مااكدر اخون ثقة اهلي عفية صح انظلمنة بس مااكدر اسويها..

______

؟.. اعوضج صدكيني بس خلي ايدج باايدي حياة مااكدر بدونج عيوني متغمض اذا تصيرين الغيري وعلي اطشرهم..

حياة.. ميسويها ابد؟

______

حياة... طلعت من المصرف اركض وبيدي جنطة الفلوس وكل جسمي يرجف خوف احس ريكي نشف مااعرف شلون سويتها منين اجتني الجرئة واخون ابوية؟

_______

خلود... خوف ورعب وعياط امي من الصار عطت شبيهااا

يمة حياااة انخطفت؟؟

عاطت ولج يمعزاية انهبنة...

______

باوع عليه وكال انته اذا رجال تقرب الا رجلك اكسرها وعلي شايف هذا العالم كلة مايوكف بعيني..

..مرررتي ياناس ياعالم مرررتي اريدها.

اطلع جنازتها وماانطيك اظفرها..

_________

فاتت حياة بس مو ذيج وجهة اصفر ذبلانة محزمة بالعباية وراها واحد شايل سلاح يحاميها مني؟
ليش مو اني عمتها؟

باوعت عليه وكالت بكل صلافة كلشي ماغزر بعينها..

عمة اني مرتاحة بعد ماريد تدخلون بحياتي فهمتي؟

وصلي كلامي الابوية ادري سويت غلط بس خلي يتركني بحالي ماريد احد منكم بحياتي..

_______

كعدت من نومي العميق من بعد مااخذت كومة فاليوم
جسمي مكسر من الكتل والذل شوكت اخلص؟؟
شوكت اشوفة واكحل عيوني بشوفتة شوكت مو تعبت ياربي مسحت دموعي الي وكمت وصلت يم الباب واذكرت اليوم جمعة يعني موجود؟

_______

خلود.. اني مو لعبة بين ايدج كومة ناس خطبتني
حتى الشخص الاحبة عافني من وراج

انتي ليش هيج انانية ترديني
بس للخدمة لأن بعد ماكو حياة حياة..
راحت ماتت وهي عايشة
من وراكم وهسه اجة الدور الي موو؟؟

_______

بعد مكدر يوكف وكع من طولة وعاط لااااا يعني سوتها؟
وانهزمت مرة الثانية؟

♥️
♥️
♥️

مساء الخير حبايبي ان شاءالله رجعت وياكم بقصة جديدة واحداث جديدة ماكتبت هواي مشاهد حتى القصة مااحركها الكم لأن مليانة غموض وضلم
بس هالمرة بطلتنة وكحة كلش وكحة جذب😁
طبعآ من استلمت القصة وحجتلي الأحداث براسي مااكدر اذا مااكتب مع العلم صار شهرين اكتب وامسح احس ايدي متاخذ كتابة وسرد لأن صار هواي تاركة ان شاءالله فترة بين مااكتب كم بارت واحسن سردي انزلها

أحبكم كلش هواية 😘♥️

تبارك الشمري..✍🏻