تحضى نار قلبي

حلقة:الخامسة والاربعون

 بعدني عنة مسح دموعي بيدة  مركز بعيوني .

رغم كلامة بس حواجبة معقودة  وينافخ 

تمسك بكف ايدي وحجة بهدوء

-نارفين شلونها   و يم منو تاركتها 

مجرد ذكر نارفين احس كلبي يريد يطلع  زادن دموعي ومااكدر احجي احس احد حاط ايدة على حلكي  

بهل اثناء نقذتني لباب من انطرقت ودخل خالي عيونة مركزة علية شكلة مايبشر بخير  ركزت بعيونة واشرت بحواجبي 

تحمحم خالي وكال

-سرور لازم  تجين حتى يكملون  الفحوصات

غمضت عيوني بقوة  وبلعت الغصة وحجيت بهمس بالكوة كدرت انطق

-اجيتتت

 ردت امشي لزم ايدي ياسين وكال

-وين رايحة و يا فحوصات  شكو شصاير 

علي- لاتخاف صار عدها هبوط وطلبت من دكتورة تسويلها فحوصات 

رد ياسين -أجلها  هسة  علي 

صديت علية ميلت راسي وحجيت 

-لازم أروح ياسين  

هز حواجبة وحجة ويا خالي

- علي شوف تكدر اليوم تخليني أطلع  

علي- لا مستحيل  ماتكدر 

ياسين -بداعة الخوة حاول روحي متلوعة أريد أشوف  ناري مشتاقلها 

 سرور- من كال مشتاق لنارفين ماكدرت اتحمل  بجيت بصوت مرتفع   واختنكت بحيث  احس  كلبي خلص وروحي تلوب  فلتت ايدي وفقدت الوعي 

 ما حسيت غير على صوت خالي  يحجي بس مافهمت كلامة 

فتحت عيوني  وبسرعة رجعت  لأخر موقف  ابتلعت ريكي وحجيت 

-خالوو نارفييين

تقرب علية حضني وكال

-تنتضرج يروحي  لاتخافين  ماكو شيء 

غمضت عيوني شكرت ربي   وقاطعني خالي يكو ل

-نارفين قوية   على امها لدرجة  صابرة ومتحملة هل مرض بس حتى تكون موجودة  بجية المولود الجديد 

فتحت عيوني ركزت علية وابتلعت ريكي وحجيت

-مفهمت

ابتسم واردف بهدوء

-علويتي  مبارك انت حامل 

بين المصدومة والمامصدكة  رمشت اكثر من مرة 

 وخالي ضحك وكال

- هم كولي ما ادري وبالغلط  بعد خالج راح تسوين درزن بحجة الغلط 

رديت بغباء 

-هاا 

ضحك وكام وكف  كال