مابعد الصبر إلا الجميل

البــ5ــارت

موضي وهي خلاص معصبه دفتها لبرا البيت وسكرت وتكلمت من ورا الباب: قسم بالله لو يسكر الهندي ماقد جبتي الي قلت لك عليه لتنامين عندك. عجلي

نوف ضربت رجلها في الأرض بقهر ودموعها تنزل ولمت العباه عليها من البرد والخوف ومشت بخطوات ثقيله مرتجفه من الخوف رايحه للبقالة. الي تبعد عن بيتهم بثلاثة ازقة ( ازقة جمع زقاق يطلق على الشارع الضيق الي موجود باأغلب القرى )

وصلت وكان رحيم يمشي وراها بدون متحس عليه ونواف وراه هو الثاني دخلت البقاله وهي ترجف اخذت جبن  وبعض الأغراض الي موصيتها خالتها وهي تتحسب عليها الي ماتطلع لها الشغلات الا بالليل ودها تشتكي لبوها بس تعرف مابيقول شي واخوانها اي كلمه تقول امهم سمعاً وطاعة هي معاها اخوها عاصم حنين عليها بس مابيقدر يقول لأمه شي. تنهدت وحاسبت وطلعت وهي تدعي بخوف ان الله يحفظها
وصلت للشارع الثاني وسمعت صوت وراها لفت بخوف ماكان في حد وبدت تمشي بخوف وهي تتلفت ماحست. إلا بحد يسحبها من يدها  صرخت وسكر فمها بيدها. :اشششش ولاصوت
نوف جاها هبوط من الخوف وتهاوت  بضعف وهي شبه فاقده الوعي.
رحيم طلع تلفونه بسرعه وخوف واتصل : الو. فاهد البنت معي بسرعه تعال بالسياره قبل يطلع واحد من اخوانها ...... اي اي الي قلت لك ..بسرعت بعدين نتفاهم .......وسكر التلفون. وجابيشيلها إلا ويحس بيد تنتشله بقوه وتصفقه باالأرض ويعتليه نواف وهو يضربه بكل قوته :ياخسيس. بتخطف بنات الناس يانذل ياـ*&$#  ياخسيس يارحيم تغدر بأهل ديرتك يانذل يا!! *!!!!* وبدء يضرب فيه لين حس بروحه بتطلع. ورحيم يالله قدر يدفه عنه ويهرب بكل قوته طالع من الديرة. اما نواف حس بصوت والناس طالعه بتشوف وش. الصراخ. بسرعه تصرف وحمل نوف وخباها خلف احد الجدران وهي نص واعيه. ورجع وهو ينفض يديه وتجمعو الجيران وسئله واحد بخوف: نواف ياوليدي وش فيه صوتك من كنت تضرب وش ذا الصراخ.
نواف وجه نظراته بحده لهم :ابد كان في حرامي حاول يتسلل وأدبته بس هرب مامسكته بس ماعليكم ابمسكه وانا له بالمرصاد.  ...
الجيران خافو وبدو يتكلمون انهم بيتوزعو يدورو عليه بكل انحاء الديره بس نواف اعترض وقال لهم انا من رجال الأمن واعرف شغلي. بس بحركتكم ذي بتعيقوني كل واحد يروح بيته وخلو شغلي لي وبكره بتشوفون الحرامي بين رجولكم. بعد مده اقتنعو وهم واثقين كل الثقة بنواف الضابط البطل. ورجعو بيوتهم وهم متوجسين ومترقبين ..
بعد مافضي الشارع منهم اخذ نفس وراح وراء الجدار وماشافها مسك راسه بقلق بس لمحها تحاول تتخبى خلف واحده من السيارات القديمه  تقدم منها وجلس على وحده من رجوله وتكلم. بحدة وهو صاد  :من انتي بنته ووش مطلعك بذي الساعة هاه ?!

نوف وهي ترجف وتبكي: وو...الله .. اني......
نواف بحده وهو مقطب حواجبه : انتي وش ?!
نوف ماتكلمت وهي ترجف وشوي وتموت من كثر ماقلبها يدق بخوف من الموقف
نواف وهو يصر على اسنانه : انطقــــــــي. ?!
نوف شهقت : ا. ا..انـا بنت ...ابو.. ساالــم ..
نواف رفع حاجب وهو مغبون من ذا الرجال الي يكرهه ويكره طاريه : وابو ساالم ديوث يوم انه مايغار على بنته تطلع بذا الوقت هاااه. وين امك عنك يابنت دام ابوك لاهي عنك تكلمي
نوف اوجعها كلامه بقوووه ونزلت راسها بقههرررر وتكلت بصوت خافت مغبون  ' : مالي ...ذنب ..انا ... ا ا امي متوفية ...وخالتي تجبرني اطلع بذا الوقت للبقالة ...ابوي واخواني مايدرون ولا مايسكتون لها تكفى استر علي تكفى لاتعلم احد تكفى مابي انزل راس ابوي تكفى والله العظيم مالي ذنب والله العظيم. "اجهشت بالبكاء"
نواف حزن عليها واخذ نفس : وانتي وشو له تطاوعينها. وطلعين
نوف بقهر: ان ماطاوعتها بتسوي لي اخس من كذا
نواف مسح وجهه ووقف : قومي اوصلك لبيتكم ومره ثانيه خلي عقلك براسك مو تطاوعينها. فزي
نوف وقفت بصعوبه ورجولها مو شايلتها ...
ومشت وراه وهو مايناظرها ابداً لين وصلت للباب وجت بتدق الباب
نواف : خذي اغراضك
نوف انتبهت لأغراضها وخذتها من يده بسرعه ودقت الباب بقوه
وهو مشى وانتظر خلف الجدار يراقبها لين دخلت. وتسكر الباب. اخذ نفس ومشى راجع من الطريق الي جاء منها. لين وصل لمكان ماصار الي صار ولمح شي بالأرض نزل له وشاف سواره. اخذها وتأملها شوي ودخلها بجيبه (اخخخ يالأسم. نــــوف الله يرحمك يمه الله يرحمك يابوي الله يرحمكم جميع )