يوسف : متضايقنيش مش كفاية انك عازماه وهيكون في الفرح
علياء ' بحدة ' : خلاص لو شايف انك هتضايق ماتجيش
يوسف : ماجيش !
علياء : اه ماتجيش
___________________
منة قاعدة مع حمزة في كافيه ..
حمزة : ياستي والله اتغيرت
منة ' بتشرب العصير ' : والله العظيم انت كداب اتغيرت وعازم اكساتك كلهم في العيد ميلاد
حمزة ' بيضحك ' : هما اللي جم
منة : لا وهما صحبات واجب اوي بس اقولك
حمزة : قولي
منة : استنتجت ان زوقك حلو وكل مرة بتكون اروع من اللي قبلها
حمزة ' ضحك ' : بس انا الحلو الحقيقي بتاعي وصل ومافيش بعدها
منة | ضحكت وفهمت انه يقصدها هي
منة : ايه ده هو انت طلبت حلو
حمزة : تنحة
منة ' ضحكت ' : هاتيجي الفرح
حمزة : هاجي لوحدي يعني لا
منة : هو يوسف مش جي
حمزة : هيجي ازاي يا منة وهو ينفع اللي علياء قالته
منة : مينفعش ماشي بس هي كانت مضايقة واكيد متقصدش تقولوا ما تجيش
حمزة : مضايقة بس مكبرة الموضوع العقد وخلاص يعني وكان المفروض بعديها تكلمه حتي توضحله
منة : علياء مبتتنازلش عشان حد مهما كان وهي بتفكر ومضايقة ومضايقة عشان عارفة ان يوسف مش جي
________________
يوم الفرح الصبح ..
علياء | وهي نازلة مع بسمة
علياء : بابا سجلتلك رقم محمد ماشي
الاب : ماشي
بسمة : انتي قولتي لبابا علي يوسف وحمزة
علياء : اه قولتلوا اني عازمة ناس من الشركة
بسمة : طيب
في الفندق علياء لبست فستانها وخلصت ميكاب وطالعة تشوف بسمة ..
علياء ' بذهول ' : انتي حلوة اوي ' عينيها بتدمع ' انا مش مصدقة تحفة .. ما شاء الله ماشاء الله ' بتحضنها '
منة ' بصريخ ' : عندناااااااا فرح
بسمة ' بتدمع ، حاضنة علياء ' : عقبالك يا حبيبتي عقبالك
علياء | بعدت وبتمسح دموعها ، بصت لمنة
منة : ايه الحلاوة ديه كلها
علياء : ده انتي اللي ايه الحلاوة ديه .. اتاخرتي ليه
منة : علي اما خلصت وحمزة اللي جابني
بسمة : هو جي مع يوسف صح
منة ' بضيق ' : لا يابسمة يوسف مش جي
علياء | دارت زعلها ..
___________________
يوسف | بيرد عالموبايل بعد محاولات اتصال كتيرة ..
يوسف ' بنفاذ صبر ' : الو
هنا : ايه يا يوسف كل ده عشان ترد
يوسف ' عرف الصوت ، بنفاذ صبر ' : بتكلميني ليه
هنا : انا عارفة انك زعلان بس انا مكنتش اقصد وانت عارف اني بحبك
يوسف : بتحبيني كنتي استني مش بعد كل اللي عملته علشانك تروحي توافقي علي اللي امك عاوزاه وتتخطبي لواحد انتي مبتحبهوش
هنا : لا انا بحبك والله انا جاية ابات عندك انهاردة ممكن
يوسف | سكت للحظات وهو متردد
__________________
علياء | واقفة بتتمايل يمين وشمال وهي مندمجة مع الاغنية ، وعينيها بتدمع من الفرحة وبتتفرج علي بسمة وخالد وهما بيرقصوا ..
منة | واقفة جمبها شالت عينيها من علي بسمة وبتبص الجهة التانية ناحية الباب وفجاة ( شهقت ) وهي بتحط ايديها علي بوئها
منار | جاية بسرعة علي علياء وبتمسك ايديها
منار ' بفرحة ' : يوسف هنا
علياء | مكنتش سامعة بس هي فهمت من حركة شفايفها ، قلبها اتخطف ودق بسرعة ، بصت لمنة
منة ' بتهز دماغها وبتضحك ' : انا مش مصدقة
علياء | بتضحك .. وبدات الدموع تنزل من عينيها وهي بتدور عليه تشوفه
يوسف | واقف في اول القاعة وجمبه حمزة بيدور بعينيه علي علياء وسط اللي واقفين حوالين بسمة
علياء | شافت يوسف وفضلت باصة عليه من بعيد
يوسف | في وسط ما هو بيدور عينيه وقعت علي علياء ، ابتسم
علياء | ضحكت بتنهيده وكانها بتقولوا ' اخيرا '
يوسف | غمزلها
علياء | لسه هاتخرج عشان تروح تسلم عليهم ، الاغنية اتغيرت واشتغل مهرجان وبسمة شدتها
_ بدات ترقص مع بسمة وهي مبسوطة وفرحتها بوجود يوسف مالية قلبها
_____________________
علياء | خارجة برة القاعة وبتتلفت حواليها لحد اما بعدت عن القاعة بمسافة ، ماسكة الفستان وبتطلع السلالم بهدوء وهي خايفة تقع او تتكعبل في طول الفستان .
يوسف | اول ما شافها بتقرب منه عينيه لمعت من جمالها وهدوئها
علياء | وقفت اودامه ، بتفرك في ايديها ومستغربة سكوته
علياء ' برقة ' : انت عارف لو
يوسف ' منتبهش لكلامها ' : انتي ذي القمر
علياء ' بكسوف ' : بجد
يوسف | هز دماغه وهو سرحان فيها
علياء ' بعتاب ' : هتسافر !
يوسف : انتي ايه رايك
علياء | بضيق هزت دماغها ب لا .
يوسف : هسافر واسيبك لمين ده انا ما صدقت
علياء : حقك عليا يا يوسف
يوسف : مبزعلش منك
علياء : عارفة اني كتير ببقي قليلة الذوق وكتير مبنقيش كلامي وانك ممكن تكرهن..
يوسف ' قاطعها ' : حبيتك كدة وهفضل احبك ذي ما انتي ❤️
علياء | ابتسمت بخجل وهي بتتهرب بعينيها
علياء : قبل ما تيجي انا فرحتي كانت ناقصة مكنتش قادرة اتخيل ان اليوم ممكن يخلص وانت مش موجود ومعايا فيه ذي ما اتخيلته
يوسف : ما هو مكنش ينفع ابقي عارف ان وجودي هيفرحك وماجيش مهما كان في ايه
علياء ' ضحكت ، وبتلف بروتة ' : ايه رايك في الفستان
يوسف : الفستان وصاحبت الفستان واخدين عقلي
علياء ' بخجل ' : يووه يا يوسف بقي
يوسف | قرب من علياء وبص عالورد اللي وراها
علياء | بتشوفه بيدور علي ايه
يوسف | قطف ورده
_ الديجي صوته عالي وواضح لعلياء ويوسف ، وسمعت اغنية فيروز ' اتذكرتك يا عاليا '
علياء ' بفرحة ' : انا لازم ارجع كدة بسمة بتدور عليا
يوسف ' ادلها الوردة ' : طب يالا ارجعي
علياء | خدت الوردة وبتحاول تحطها ورا ودانها وهي مستعجلة ، ومن الضوافر مش عارفة تتحكم وتثبت الوردة في الطرحة وهي بتتزحلق وجزء بسيط من شعرها بيبان
يوسف : اساعدك
علياء | هزت دماغها باحراج
يوسف | قرب من علياء ، وحاول ان ايديه متلمسهاش ، وبيحطلها الوردة ، من غير قصد ايديه لمست جزء من شعرها اللي باين من الطرحة جمب ودانها ' روحه اتسحبت وقفل عينيه ثواني '، ثبتلها الوردة وبعد عنها
علياء ' بابتسامة ' : شكلها حلو
يوسف | هز دماغه
علياء : طيب يالا انا هدخل
يوسف | ابتسم
علياء | بتمشي
يوسف : عاليا
علياء ' وقفت ' : نعم
يوسف : قلبي كان مشتاق ليكي
علياء ' ابتسمت وهي بتاخد نفس ' : القلوب المشتاقة بتتلاقي يا يوسف
————-
علياء | دخلت القاعة وبتبص تشوف يوسف دخل ولا لسه ، ولقيته داخل بعديها ، منة راحت عليها خدتها ، بدات ترقص مع بسمة وسط صحابهم ومن فرحتها مكنتش حاسة باي حاجة ذي ما تكون في حلم بس هو من احلي الاحلام الحقيقية اللي ممكن تعيش فيها ..
علياء ' بترقص وبتحرك شفايفها مع الاغنية ' : يمعلمني الهوا ، اتفضل جوه قلبي ' بصت ليوسف وضحكت ' تعالا نعيش سوا يعم وعم قلبي
يوسف | عينيه بتتحرك مع علياء وروحه كانت مشدوده لضحكتها وعفويتها ، وبدا يضحك من تلميحتها وبصاتها ليه وهي بتغني ..❤️
———————————-
