علياء | في الاوضة مع صحابها ، وواقفة في البلكونة مع منة ومنار
منة : اقسم بالله معجب بيكي
علياء : وبتحلفي
منار : ايوة علياء تصرفاته بتقول كدة ده غير اصلا انه مبيحاولش يفتح كلام مع حد فينا
منة : ايوة يابنتي قوللها وانا حاسة ان حوار الموبايل ده كله عشان يتكلم معاكي
منار : انا ممكن افهم ايه مشكلتك ابن ناس وعاقل وهادي في نفسه كدة وموز الصراحة وشكله متريش ومستواه حلو يعني مش عيل سرسجي ورامي نفسه عليكي
علياء : ده مش سبب يخليني اتعامل معاه
منة : يا علياء انتي مشدوداله اديله فرصة انكم تتكلموا واحكمي عليه وانا واثقة في حكمك عالناس
علياء : بس فاطمة معجبة بيه
منار : فاطمة ايه يا علياء فاطمة بتعجب ب ايً حد
انجي | دخلت البلكونة
علياء ' بتغير الموضوع ' : انا مشفتش حد في دايفينج الصبح وبليل رايح يعمل سفاري
منار : احنا هنرجع ميتين
انجي ' بضحك ': بس غريبة يا علياء موافقة وانتي عارفة ان سيف وصحابه هيكونوا معانا
علياء : عشان طبيعي احنا في فندق واحد والرحلة تبع الفندق ف انا مالي ومال اللي حجزوا
انجي : اصلا سيف قالي انهم كانوا هيخلوها اخر يوم ليهم بس مش هينفع عشان يوسف ماشي الصبح يعني هنرجع من السفاري وهيطلع ياخد شنطته ويمشي .
علياء | اضايقت
منة ' بوشوشة ' : هو هيمشي وخليكي انتي خايفة وقفل وبتضيعي فرص مش هتكرر تاني اللي مستنية تحبيه ويحبك مش هيجي وانتي مش مدية فرصة لحد يعرف علياء عشان يحبها
______________________
العربيات خدتهم من الفندق توديهم الجبل .
كلهم | قاعدين حوالين بعضيهم ومعاهم ناس تانية ميعرفوهاش وبيلعبوا الصراحة
علياء | جمبيها فاطمة من ناحية ومنة من ناحية تانية
يوسف | قاعد اودام علياء
* بنت من اللي قاعدين جه عليها الدور تسال يوسف
فاطمة ' لعلياء ' : ياريتني سمعت كلامك ومكناش نيجي النهاردة
علياء : اشمعنا
فاطمة : مش شايفة البنات حلوة ازاي وبشعرهم وحركات لا وهتسالوا كمان
علياء | ضحكت
• البنت سألت يوسف ( ايه اكتر حاجة تلفت انتباهك في بنت )
علياء | مركزة مع يوسف مستنية تسمع الرد
يوسف : معتقدش ان في حاجة معينة بس هي مش لفت انتباه هي خطفة بتسحبك في ارتباكها ' وبص بجمب عينيه لعلياء ' وكلامها اللي مش مترتب دبشها احيانا كدا
منة | بصت لعلياء وضحكت
* جه الدور ان حسن يسال علياء
حسن : اسألها ايه ديه
يوسف : استفزها بطريقة سؤالك وهي هتجاوب
حسن : ابقي استفزها انت
حسن ' لعلياء ' : ايه اكتر حاجة مقتنعة بيها
علياء : ذي ايه ا
حسن : مقولة مبدا في حياتك كدا
علياء : اكتر حاجة قريبة لقلبي جملة حد نفسك تقابله نفسه يقابل حد ذيك و كوبليه من اغنية بيقول القلوب مشتاقة تتلاقي ده اللي بينا حياة
* اللعبة فضلت تلف علي كل اللي قاعدين لحد ما وصلت ان علياء هتسال يوسف
يوسف ' ضحك ، بيحرك شفايفه ' : اخيرا
فاطمة : يا بختك يا علياء
علياء : تسأليه انتي
فاطمة : ياريت
فاطمة ' بصوت عالي ' : علياء اتنازلتلي عن السؤال
يوسف | اضايق وباصص لعلياء وكأنه بيقولها ليه عملتي كدة
فاطمة : لو حبيت بنت هتعمل ايه
يوسف | اتك علي سنانه
فاطمة : ها
يوسف ' انتبه ' : كنت واخد قرار ان يوم ما هحب مش هعمل حاجة بس دلوقتي انا برجع في قراري
منة ' لعلياء ' : والله العظيم انتي ما عندك دم
علياء : مكنش في دماغي اسئلة ومحابتش ابقي فضولية
منة : انتي بتوصليلوا انك مش حابه تتعاملي معاه من اصله وابقي قابليني لو اتكلم تاني
كلهم | قاموا معادا منار وعلياء
منار : ما تيجي نروحلهم ولا رجلك لسه وجعاكي
علياء : لا مش قادرة روحلهم انتي
منار | سابت علياء وقامت
علياء | ساندة بايديها عالارض ومرجعة دماغها لورا وباصة عالسما وسرحانة .
يوسف ' قاطع سرحانها ' : قاعدة لوحدك ليه
علياء | انتبهت وقعدت عدل
علياء ' باحراج ' : عادي
علياء | لسه هاتفكر في حجة عشان تقوم
يوسف ' قاطع تفكيرها' : لو هتدوري علي حجة عشان تقومي يبقي خليكي واقوم انا
علياء ' بكسوف ' : لا وهدور علي حجة ليه
يوسف : يعني اقوم ؟
علياء ' بسرعة ' : لا .. اه .. يعني اقصد اللي يريحك
يوسف ' ضحك ، وبجرأة ' : ليه مسالتنيش انتي يا علياء
علياء : انا وفاطمة واحد
يوسف : لا مش واحد وانا ليا عندك سؤال
علياء ' ضحكت ' : والله
يوسف : اسئلي ايً حاجة تيجي في دماغك
علياء : متهزرش
يوسف : بتكلم جد يالا
علياء ' سكتت لثواني ' : نفسك في ايه دلوقتي
يوسف : اشرب كوباية شاي واقعد اسمع كل حاجة عنك
علياء : لا مش فاهمةً
يوسف : طب استني نعمل كوبايتين شاي وافهمك
علياء | بتلعب في الموبايل وعمالة تبعت لمنة عالواتساب تيجي
يوسف : بما ان مافيشً غيرنا
علياء | خافت وبصتله باستغراب
يوسف ' ضحك ' : هنشغل الاغاني اللي احنا عاوزينها يا علياء في ايه
علياء | ضحكت
يوسف : تسمعي فيروز
علياء ' بابتسامة ' : اسمع فيروز
يوسف | شغل اغنية لفيروز بصوت هادي ، ورجع يعمل الشاي عالفحم
علياء | بتحرك شفايفها مع كلمات الاغنية وبصة عالسما
يوسف | بصصلها
علياء | بترجع بعينيها علي يوسف لقيته باصصلها
يوسف | خد باله ان علياء لاحظت ، ادالها الشاي
علياء : شكرا ' ورجعت تبص للسما ' السما شكلها حلو
يوسف | ابتسم وهو بيرفع عينيه عليها
يوسف : عاوزة سكر
علياء : انت صح مسالتنيش بس هو مظبوط
يوسف : وأسألك ليه ما انا عارف
علياء ' باستغراب ' : عارف
يوسف ' بيتوه ' : انتي اول مرة تطلعي سفاري
علياء : اه
يوسف : ومبسوطة
علياء : جدا وانت
يوسف : ما انتي بتعرفي تسألي اهو
علياء | اتكسفت وبصت النحية التانية
يوسف ' ضحك ' : خلاص .. اه مبسوط
علياء : بس شكلك مش اول مرة تيجي
يوسف : فعلا بس اول مرة اكون مبسوط
_ بعد لحظات من سكوتهم ..
علياء ' بجرأة ' : هو انت هتمشي اما نرجع الفندق
يوسف : لو قولتيلي متمشيش مش همشي
__________________________
* بعد السهرة ورجوعهم للفندق كان لازم يناموا .
علياء | صحيت من النوم لقت منه قاعدة جمبها بتلعب في الموبايل ، بترفع حتة من الستارة بتبص علي بلكونة يوسف .
علياء : تفتكري مشي
منة : ما انتي لو مكنتيش عمالة تبعتيلي عالواتساب تعالي والحقيني وانا جتلك جري ذي المجنونة وقطعت كلامكم كان زمانه مامشيش
علياء : ما اعمل ايه كنت متوترة في الاول
منة : طب يعني لو انا مكنتش جيت كنتي هاتقوليلوا ايه
علياء ' بضحك ' : هقولوا لا مش عاوزاك تمشي
منة : عارفة جهنم هتدخليها بموتسكل
_____________________
علياء | خارجة البلكونة ترد عالموبايل وبتزعق
علياء : ماتنجزوا عشان انا جعانة ونلحق ننزل البحر
علياء | بتلف وشها لقت يوسف قاعد في البلكونة قدامها
يوسف | قاعد في البلكونة واللاب توب قدامه بيتكلم في حاجة تخص الشغل اون لاين
* سمع صوت علياء بدا يفقد تركيزه ويبص لعلياء
* ولسه هيبتسملها
علياء | لفت وشها بسرعة
علياء لنفسها وهي فرحانة : ايه ده ايه ده هو مامشيش ولا انا اللي اتهيألي
علياء | لفت وشها تاني وبصتله
يوسف | شاورلها بايديه وابتسم
علياء | اتكسفت بس من فرحتها مكنتش عارفة تفكر لقت نفسها بتبتسمله
* قاطعها صوت رنة الموبايل تاني وردت عالمكالمة
يوسف | اتشتت ما بين اللي بيكملوا في الشغل ومابين تركيزه مع علياء
* اللي بيتكلم مع يوسف لاحظ ان يوسف مش مركز
........ : احنا ممكن ناجل كلامنا لوقت تاني
يوسف | بيبعد عينه عن علياء وبيركز في الشغل
يوسف : لا لا تمام ذي ما احنا
___________________________
• بعد الغدا وعلياء وصحابها قاعدين عالبحر
علياء | بتبص حواليها
منار : انتي متاكدة انك شوفتيه
منة : ديه مسطولة
علياء : وربنا شوفته بس معرفش ليه منزلش عالغدا يعني
منار : انتي ماخدتيش رقمه
علياء : لا طبعًا مش للدرجادي
منار : عادي مادام بقيتوا بتكلموا وارد يبقي معاكم ارقام بعض
رحمة ' قاطعتهم ' : ايه ده الحقوا ده يوسف هنا !
علياء | كانت هتنسي نفسها وتبص بس لحقت نفسها
الباقيين | بصواا
يوسف | بيلعب هو وصحابه كورة مع ناس تانية
فاطمة : ايه ده مش كان مسافر ده ايه اللي قعدوا ده
انجي : مش البنات اللي بتلعب معاهم دول اللي جم الفندق امبارح
علياء | مقدرتش تتحكم في فضولها وبصت عليهم ، لقت في بنات بتلعب معاهم ، ولفت وشها بسرعة
اضايقت بينها وبين نفسها
علياء لنفسها : انا مضايقة نفسي ليه انا مالي وبعدين كويس مش هيتعامل معايا تاني
منة : في حاجة بتتحرق
علياء : ليه
منة ' بضحك ' : اصل شامة ريحة شياط
علياء : يا سخيفة انا هاقوم اجيب حاجة اشربها
منار : استني هاجي معاكي
• علياء ومنار قاموا ومنة رايحة وراهم
يوسف | مش واخد باله
علياء | بتعدي
• ولد بيشوط الكورة جامد ومن غير قصد اتخبطت في علياء
علياء ' حطت ايديها مكان الخبطة كانت جمب عينيها ' : اه
الولد | راح وقف اودام علياء
....... : اسف جدا والله مشوفتكيش
منار ' للولد ' : مش تحاسب
يوسف | راح ل علياء وزق الولد بكتفه من غير قصد
يوسف ' بخضة ' : فيكي حاجة انتي كويسة
علياء ' لسه حاطة ايديها علي وشها ' | هزت دماغها
يوسف : هو ايه اللي اه وريني
يوسف | من غير ايً تفكير مسك ايديها وشالها من علي وشها
علياء | برغم الوجع كانت مستوعبة اللي يوسف عمله وانه نسي نفسه للمرة التانية ومسك ايديها . بعدت ايديها عنه
......... : انا اسف والله
علياء : تمام حصل خير
منة ' وصلت لعلياء ، بخضة ' : في ايه
صاحب الولد : هو احنا مش هنخلص من الموال ده ما قولنا اسفين
منة : واما انتوا اسفين بتتكلم كدة ليه ما تتكلم بادب
صاحب الولد : انا اتكلم ذي ما انا عاوز علي فكرة وبعدين يعني ديه حتة كورة مش محتاجة سهوكة البنات ديه
علياء | هتمشي وتتجنب المشاكل
يوسف | بص للولد ، واتك علي سنانه
• مسك الكورة من الارض وراح حدفها في وشه
الولد | حط ايديه علي وشه من الخبطة
يوسف ' بعصبية ' : في ايه مالك كانت حتة كورة مش محتاجة سهوكة النسوان ديه
يوسف | اتخانق مع الولد والناس اتلمت والأمن
_________________________
انجي | داخلة البلكونة
انجي : خلاص اهدوا سيف قالي انها اتحلت واعتزروا لما عرفوا اننا تبعهم وكان ليهم حق يتخانقوا
علياء : طب الحمدلله
انجي : انا هدخل انام مع فاطمة ورحمة لحد العشا
انجي | دخلت
منة : انما قوليلي يا منار ايه اللي يخلي يوسف يتعصب عشاني اوي كدة ويضرب الواد
منار : لا ومشوفتيهوش اما اتخض عليا وجه مسك ايدي عشان يشوفني أتخبط فين
منة : عليه شوية حركات يوسف ده
علياء ' بتضحك ' : وايه كمان
منار : بس عشان علياء بتغير
علياء : هاتسيبكم تغنوا وتردوا علي بعض شوية وصاحوني
________________________
• بليل علياء وفاطمة ومنة رايحين عالبحر
فاطمة : انا الطقم ده مضايقني هطلع أغير وانزلكم
منة : طيب هنستناكي عالبحر
فاطمة | مشيت
• علياء ومنة قاعدين عالبحر مشغلين اغاني بصوت عالي ومكنش في حد حواليهم
، لحد ما سمعوا صوت حد جي عليهم
منة | بصت لقيته حمزة ويوسف
منة : عاملين ايه
حمزة : تمام
علياء | اتعدلت وبصت لحمزة ورجعت عينيها تشوف يوسف
منة : رايحين فين كدة
يوسف : جينلكم
منة : طب استنونا بقي هنطلع السوبر ماركت بره الفندق ونيجي تاني
حمزة : عاوزين ايه انا خارج اجيب حاجات اصلا
منة : لا عادي ما احنا خارجين برضه
حمزة : طب خلاص نخرج سوا
منة : اشطة يلا
علياء ' بتتهرب ' : خلاص روحي انتي وانا هستناكي
منة | بصتلها بنفاذ صبر
حمزة : استنينا مع يوسف بقي
منة : ايه ده مش هتخرج
يوسف : لا حمزة اللي خارج مش انا
منة ' مبسوطة في علياء ' : مش سيباكي لوحدك يا لولو
علياء | بتستوعب اللي حصل بعد ما كانت فاكرة انها بتتهرب طلعت بتدبس ، ومش عاوزة تقولها استني هاجي تبقي بتكسف نفسها وبتكسف يوسف
منة وحمزة | مشيوا
يوسف ' لعلياء ' : طبعًا بتقولي لنفسك دلوقتي ياريتني كنت روحت معاهم
علياء : والله
يوسف ' بضحك ' : انتي صعبة اه بس مفهومة
علياء : ازاي
يوسف : واضحة
علياء | اتكسفت وودت وشها النحية التانية
يوسف : عاملة ايه دلوقتي
علياء : الحمدلله
يوسف ' بص علي عينيها ' : دقيقتين وأكون عندك استنيني
علياء |بصاله مستغربة
يوسف : خلي موبايلي معاكي عشان ارجع الاقيكي
علياء | لسه هتتكلم
يوسف | ساب موبايله ومشي وكان متاكد هيرجع يلاقيها
علياء لنفسها ' بتضحك' : دهً ايه ده بقي ان شاء الله ، طب اسيبوا واقوم ولا ممكن يضيع فعلا وحد ياخده وبعدين راح فين ده
يوسف | رجع لعلياء ومعاه تلج ، قعد اودامها
يوسف : اتاخرت
علياء : لا عادي اتفضل الموبايل
يوسف | خد منها الموبايل ، المكان ضلمة فتح نور كشاف الموبايل علي وشها
علياء | بتحط ايديها علي عينها من نور الكشاف
علياء : في ايه
يوسف | بيديها التلج
يوسف : حطيه علي مكان الخبطة
علياء ' بابتسامة ' : شكرا
يوسف : ع ايه
علياء : اتخانقت بسببي ومكانتش مستاهلة
يوسف : هي مش بسببك هي بسبب قلة أدبه وخصوصًا معاكي اكيد هتبقي مستاهلة
علياء | حاولت تتمالك نفسها ان فرحتها بالكلام متبانش
• مسكت الموبايل وعملت انها هتتصل بحد
يوسف : مافيش شبكة عشان تتهربي
علياء ' اتكسفت ' : وهتهرب ليه
يوسف : ذي امبارح كدة لما بعتي لمنة تيجي وانتي قاعدة معايا
علياء : لا
يوسف : بصي انا عارف ان اللي حصل اول ما اتقابلنا خلي في حاجز بيني وبينك وعارف انه حقك
علياء | لسه هتتكلم
يوسف ' قاطعها ' : لسه مخلصتش كلامي
علياء | سكتت وحست ان يوسف عرف انه يفرض عليها اسكت وتسمع
يوسف : مش عارف انتي عارفة ده ولا لا انا مكنتش مع صحابي وقت اما اتعرفوا علي صحابك وأول ما شوفتك ساعة ما النسكافيه اتبدل حسيتك مؤدبة واما لاحظت انك متوترة مني انا سبقتك عشان اديكي الأمان يعني والله ما كان في نيتي اضايقك ، لحد اما كنتي واقفة بتصوريهم انا عارف انه غلط مني والغلط الأكبر انه يحصل معاكي انتي وقولتلهم اللي قولتوا وانتي خدتي الكلام علي نفسك وعلي صحابك وبعديها حاولت اتكلم واعتذرلك كذا مرة بس انتي مكنتيش مدياني الفرصة
علياء | حاطة عينيها في الأرض
علياء : انت مش مجبر تقولي كل ده مافيش اي حاجة بينا تخليك تبررلي
يوسف : مش مجبر ، بس انا حابب اعرفك .. وع العموم هايبقي في
علياء ' ضحكت ' : والله
يوسف ' ابتسم ' : والله ، تمام كل الحواجز اتشالت
علياء ' ابتسمت ' : تمام
يوسف : مقولتليش هي منة لو مكنتش جت كنتي هاتقوليلي ايه
علياء ' بتوه ' : في ايه مش فاكرة
يوسف ' بنفاذ صبر ' : هصدق انك مش فاكرة اما قولتلك لو قولتيلي متمشيش مش همشي
علياء ' بجرأة ' : وانا مالي كنت هقولك اللي يريحك
يوسف ' ضحك ' : مافيش فايدة فيكي
علياء ' بضحك ' : هكدب يعني
يوسف : اكدبي ذي ما بتكدبي دلوقتي
علياء : انت عاوزني اقولك لا متمشيش
يوسف : انتي قولتيها فعلا
علياء : قولتها
يوسف : اه
علياء : بس انا مقولتش حاجة
يوسف 'ضحك' : قولتيها بعينيكي ، وعشان كدا استنيت
علياء | تلميحات يوسف في كلامه كانت مخلية مشاعرها مرتبكة
يوسف | حس ان علياء مش اللي ينفع يتجرا معاها في كلامه ولازم ياخد باله ان الصراحة مع علياء في الاول كفيلة تخليها تخاف ومتتعاملش معاه تاني ، فقرر يغير الموضوع بهزار
