علياء | بتخبط علي اوضة الاجتماع .
حسين : اتفضل
علياء | حاطة عينيها في الأرض وداخلة
يوسف | قاعد جمب حسين وباصص علي مجموعة من الورق
حسين ' بيبرقلها ' : علياء يتعملي ايه هنا
يوسف | اول ما سمع اسمها ساب الورق وباصلها ومصدوم .
علياء ' بترفع عينيها ' : حضرتك انا ' شافت يوسف '
علياء | سكتت وبصالوا وبتحاول تستوعب .
حسين ' ليوسف بصوت واطي ' : البس يا معلم
علياء ' ليوسف ' : انت ايه
حسين ' قاطعها ' : تقدري تتفضلي وتبعتي غاده بسرعة
علياء ' انتبهت لحسين ' : حضرتك غاده مش موجوده
........ : تمام بما ان الإدارة كلها مستر يوسف المسؤول عنها فتقريبا مافيش مشاكل واحنا متفقين
علياء | بصت ليوسف بغيظ ' كمان '
حسين ' فتح الورق ' : هي فين
علياء : حضرتك انا مكانها
حسين : تمام تقدري توضحي للقاعدين كل الحسابات الموجودة
علياء : انا
حسين ' برقلها ' : انتي
يوسف | لاحظ ضغط حسين وتوتر علياء
يوسف ' بيلطف الموقف ' : عاليا هنا في تدريب جمب دراستها بس شاطرة جدا وهتشوفوا بنفسكم
علياء | ابتسمت ليوسف ، وبدات توضح كل الارقام وتحويل الحسابات والميزانية في الورق
ويوسف | باصصلها وفخور بيها .
_________________________________
سطح الشركة | مزين بديكورات وزرع وورد ، ومطبخ صغير وكراسي
علياء | علي السطح ساندة ايديها عالسور وباصة علي الشارع
يوسف : حتي هنا عارف بلاقيكي فين
علياء ' بصتلوا ' : حاسة ان هيجرالي حاجة من الخوف
يوسف : اهدي ، اهدي بطلي هز في رجلك انا كنت فخور بيكي
علياء : انت شوفت مستر حسين بصلي ازاي
يوسف ' بيضحك ' : حسين ، مستر حسين
علياء : ده انت استني عليا انت كمان
يوسف : طب اتخانقي معايا وانتي هتهدي
سامح ' قاطعهم ' : علياء انتي هنا مستر حسين قالب الدنيا عليكي وعاوزك
علياء ' بتوتر ' : هترفد
___________________________
علياء | داخلة المكتب حسين
حسين ' بزعيق ' : انتي متخيلة حجم المصيبة اللي كنا هنتحط فيها بسببك
علياء : انا اسفة انا حاولت اساعد
حسين ' بزعيق ' : انتي عارفة الاجتماع ده كان مهم اد ايه
علياء | من كتر الضغط والتوتر اللي هي كانت فيه غصبا عنها عيطت .
حسين : عشان اللي حصل ده انا نزلت قرار انك بقيتي موظفة بشكل رسمي بمرتب
علياء ' بخضة ' : ايه
حسين ' بيضحك ' : ذي ما سمعتي انتي فاجئتيني
علياء : بس حضرتك
حسين : دراستك صح انتي كدة كدة ديه اخر سنة ليكي وقت ما هتحتاجي اجازة لاي سبب عرفيني
علياء ' مبسوطة ' : بجد شكرا لحضرتك
حسين : مبروك الشغل يا عاليا
علياء | بصتلوا باستغراب
حسين ' بيضحك وهو بيتلائم ' : اصل لاحظت ان عاليا احلي
علياء ' بابتسامة ' : الله يبارك في حضرتك عن اذنك
_______________________
يوسف | مستني علياء في الطرقة من ناحية مكتب حسين .
يوسف : عملتي ايه
علياء | كانت مبسوطة وبتحكي ليوسف كل اللي حصل
يوسف : يعني هو عمل عليكي الفيلم ده في الاول
علياء : اه والله قلبي كان واجعني من الخوف
يوسف : ماشي يا حسين
علياء ' بانبساط ' : انا كدة بقيت شغالة معاكم ' سكتت وبدات تفتكر اللي يوسف عملوا ' معاكم !
علياء | بصت ليوسف بصة شر
يوسف ' بيضحك ' : كنت هقولك
علياء ' بجدية ' : اتفضل قولي
يوسف : هقابلك بعد الشغل في المكان اللي بقفلك فيه ونتكلم
علياء : لا مش هقابلك
____________________________
تاني يوم في الشركة .
علياء | اتعمدت انها طول اليوم متشوفش يوسف ذي ما كانت مبتشوفهوش قبل كدة ، لحد اما خلصت شغل وخرجت بره الشركة وبعد الشركة بمسافة لقت يوسف واقف اودام العربية مستنيها .
يوسف | شافها جاية ، ابتسم .
يوسف : بتعاقبيني يعني اني مشوفكيش ولا بتردي عليًا من امبارح
علياء | واقفة مربعة ايديها وبصالوا وساكتة .
يوسف : استني طيب
يوسف | مد ايديه من شباك العربية وطلع بوكيه ورد .
يوسف ' بابتسامة ' : مينفعش في اول يوم ليكي شغل مكنش جزء منه
علياء | فرحت ، بس قدرت انها متبينش وفضلت واقفة ذي ماهي من غير ما تمد ايديها تاخده
يوسف ' بيضحك ' : حاضر هقولك انا كدبت عليكي ليه
علياء | شاورت بايديها انها بتقولوا كمل
يوسف : مكنتيش هتوافقي اما تعرفي اني المدير الاداري للشركة لمجرد اني هابقي موجود باستمرار وهتشوفيني
علياء | واقفة ذي ما هي وساكتة
يوسف ' بيضحك ' : لا انا خلصت
علياء : وإزاي مكنتش بشوفك
يوسف ' بيغمزلها ' : ديه بتاعتي انا
علياء ' بتبص الناحية التانية ' : انت سخيف
يوسف ' بتلقائية ' : ومعتوه !
علياء | مقدرتش تداري ضحكتها ، وأفتكرت وهي مسافرة ومضايقة منه .
علياء ' بتضحك ' : يووووه ، يووه ' بتضحك ' يوووه
يوسف | بصصلها وبيبتسم علي ضحكها
علياء ' بطلت ضحك ' : انا ماشية
يوسف : مش هتخليني أوصلك
علياء : تؤ باي
علياء | هتلف وهتمشي ، رجعت
علياء : الورد اللي في ايدك ده بتاع مين
يوسف ' بيضحك علي طريقتها ' : بتاعك انتي
علياء ' بلطافة ' : ومعاك بيعمل ايه هاتوا
علياء | خدت الورد من يوسف ، ومشيت
______________
تاني يوم في الشركة .
علياء | تعمل حاجة تشربها وبتكلم مع فاطمة علي الموبايل لقت يوسف اودامها .
يوسف ' بابتسامة ' : أصبلك قهوة
علياء ' بتوتر ، لفاطمة ' : طب هكلمك تاني
علياء | قفلت المكالمة
علياء' بلطافة ' : شكرا انا جاية اخد ماية
علياء | خدت ازازة ماية
علياء ' بتمشي ' : عن اذنك
يوسف ' بيلحقها ' : كنتي بتكلمي مين
علياء | اتكسفت وبصت حواليها
يوسف : مافيش حد حوالينا للجو الرسمي اللي انتي عملاه ده
علياء : فاطمة
يوسف : فاطمة مين ، اه افتكرتها ' واداها القهوة بتاعته '
علياء ' خدتها ' : شكرا ، مش انتوا صحاب اصلا ناسيها ازاي بقي
يوسف : انا ومين ، انا وهي يعني لا
علياء ' بفضول ' : ازاي
يوسف | ابتسم وسكت وهو باصصلها تجيب اخرها .
علياء : كنت فكراكم صحاب وبتتكلموا حتي استغربت ماهي في تجارة ذيي منزلتهاش تدريب ليه قولت اكيد انت قولتلها وهي موافقتش
يوسف | لسه واقف ذي ما هو
علياء | حست انها بتعك الدنيا
يوسف ' بهدوء ' : لا انا وفاطمة مش صحاب ومقولتلهاش ع التدريب وهي عندي علي الانستجرام والفيسبوك تقريبا بس عمرنا ما اتكلمنا
علياء : عمركم ليه ، ايه ده ليه كدة
يوسف ' ضحك علي أسلوبها ' : عاوزة تعرفي ايه وانا هعرفهولك يا عاليا
علياء ' اتكسفت ' : فاطمة عارفة اني نزلت تدريب بس مقولتلهاش انك انت اللي جايبهولي علي أساس اني مش هاشوفك تاني بس اتعينت وبقيت معاك ف نفس الشركة ف انا مكنتش حابة انها تعرف منك او من حد غريب
يوسف : ليه مقولتلهاش
علياء | سكتت
يوسف : مش عاوز اعرف السبب ذي ما قولتلك مافيش بنا كلام فاكيد مش هتعرف مني
علياء ' مش لاقية كلام ' : امممم
يوسف : مقولتليش ايه رايك في القهوة
علياء ' بعفوية ' : حلو
علياء | قبل ما تكمل افتكرت انها مكنتش عاوزة تشرب قهوة وأنها اخدت بتاعت يوسف ، حطت ايديها علي وشها
يوسف ' بيضحك ' : اهو لولا توهانك ده مكناش اتقابلنا اول مرة ❤️
_________________________
علياء | بعد ما خلصت شغل وفي الطريق ، مكنتش مدركة ايه اللي بيحصل في مشاعرها ومش قادرة تحدد هي عاوزة ايه ، فرحت ان مافيشً حاجة بين فاطمة ويوسف ومضايقة عشان لسه مقالتش لفاطمة .
لقت صوت رسالة علي الماسنجر
يوسف ' انتي فين دلوقتي'
علياء ردت ' لسه في الطريق '
يوسف ' هاتروحي علي البيت '
علياء ' لا هقابل صحابي الاول '
يوسف ' نفسي تعتبريني من ضمن صحابك ، هتقابلي مين '
علياء ضحكت ' فاطمة ومنار '
يوسف ' اه استني فكرتيني '
علياء | لقت يوسف قفل فجاة ، وبتسال نفسها ب ايه !
يوسف ' بعتلها اسكرين شوت للشات بينه وبين فاطمة '
علياء | ابتسمت ، وبعد وقت قليل
منار : بس حلو انهم بيدوكي اجازات
علياء : اه انا بكرة وبعده اجازة عشان هنزل الجامعة
فاطمة : ياريتني كنت جيت معاكي كنا زمانًا بنشتغل سوا
علياء : عاوزة تيجي !
فاطمة : ليه لا اساليلي لو في ، هو مين كان قايلك عليه اصلا
علياء | سكتت
فاطمة : ايه هو سر
علياء : لا مش سر يوسف بس جت صدفة والله وكان عارف اني عاوزة انزل تدريب
فاطمة ' بضيق ' : يوسف مين ، يوسف بتاعنا هو انتوا بتتكلموا اصلا
علياء : اه هو
فاطمة : متصاحبين
علياء : ايه ايه متصاحبين ايه مجرد زمايل مافيشً حاجة بينا
منار : بقي بزمتك ديه خلقة تصاحب
علياء : شكرا يا مهزاة
فاطمة : اه ماهي ذي القمر اهي
علياء : انتي متضايقة مني عشان انتي معجبة بيه ومقولتلكيش والله كنت هقولك
فاطمة : ايه الهبل ده وبعدين ده شكله بيحب ومرتبط
__________________________
يوسف | في مكتبه في الشركة ، الباب خبط
يوسف : اتفضل
علياء | دخلت
يوسف | او ما لقي علياء ، ساب اللي ف ايده وباصلها
يوسف ' بابتسامة ' : أهلًا أهلا اتفضلي
علياء ' بجدية ' : اتفضل مستر سامح طلب من اني اعمل الورق واجيبهولك ' سكتت ' اجيبوا لحضرتك
يوسف | باصص لعلياء ومستغربها
علياء | شايفة يوسف باصصلها وساكت
يوسف : ايه ده انتي خلصتي
علياء : في حاجة في الورق اوضحها لحضرتك
يوسف ' بيضحك ' : حضرتي ، لا
علياء | موبايلها رن
علياء ' باحراج ' : طب عّن اذنك
يوسف : استني ، مين
علياء ' بعفوية ' : محمد
يوسف : محمد مين !
علياء : زميلي
يوسف : وبيتصل عاوز ايه مترديش
علياء : هرد بره
يوسف : انا مديرك هنا وبقولك متكلميش في الموبايل
علياء ' باحترام ' : ليه
يوسف : هسالك علي حجات في الورق
علياء : طب هو بيتصل تاني ف اكيد حاجة تخص الجامعة هرد بسرعة
يوسف ' بيتك علي سنانه ' : ردي
علياء : اطلع ارد بره
يوسف : ردي هنا يا علياء اخلصي
علياء | ردت وكانت هادية وبترد علي الاد وبتقبل كلام
محمد : ده ايه الهدوء ده
علياء ' ابتسمت ' : هخلص واكلمك
يوسف | باصصلها مستنيها تخلص وبيكز علي سنانه من الغيظ
علياء | قفلت المكالمة، قعدت اودام يوسف
علياء : اتفضل
يوسف : كان عاوز ايه
علياء | سكتت للحظات وهي بصالوا باستغراب
علياء ' بابتسامة ' : حضرتك قولتلي عاوز تسألني في ايه !
__________________________
علياء | خرجت من المكتب لقت صوت رسالة عالماسنجر
يوسف ' عاليا'
علياء ردت ' عاوز ايه '
يوسف ' اللي كلمك ده كان عاوز ايه '
علياء ' في موضوع '
يوسف ' ايه هو '
علياء ' ليه '
يوسف ' انا مديرك وبسالك ، تجاوبي '
علياء ' مدير علي نفسك ، يلا متعطلنيش عن شغلي '
وقفلت الموبايل ، وهي بتضحك .
_____________________________
بعد أسبوع .....
يوسف | تعلقه بعلياء ووجودها في حياته بيزيد ، وبيحاول يخلق فرص تقربهم من بعض وتخلي في كلام دايم بينهم .
منة| في بيت علياء
منة : انا لحد دلوقتي معرفش مكسفتيش فاطمة ليه انها كانت بتكدب عليكي في موضوع يوسف
علياء : يعني انا كنت هابقي مبسوطة لما احرجها
منة : انا قولتلك يوسف اصلا تقيل ومش عاوز يتكلم مع حد فينا غيرك
بسمة : انتي متاكدة انه بيحبك !
علياء : انتي اول مرة تسأليني السؤال ده ، بصي كل تصرفاته بحسها كدة بس انا لسه مش واثقة في حبه ده مش واثقة انه هيفضل وانا مش هوهم نفسي مادام مافيشً حاجة واضحة وصريحة احنا مجرد زمايل وكل واحد عارف حدوده مع التاني كويس
منة : بس انتي بتحبيه
علياء ' بتفكير ' : انا مش ضعيفة اني أقع وأحبه بسهولة ممكن اكون المرحلة اللي انا فيها ديه ليها مسميات كتير انما بحبه لا انا لسه معرفوش كفاية لسه محتاجة حجات كتير اوي منه يثبتلي بيها حبه ومتسالنيش هي ايه عشان ده دوره هو مش انا .
___________________________
علياء | في الشركة .
علياء ' لغادة ' : هو مستر يوسف فين
غادة : تقريبا مشي عنده ميتينج بره الشركة
علياء : من شوية واحدة جت سالت عليه في الريسبشن
غادة : مين
علياء : لا معرفش هو في حد بيجيله دايما
غادة : لا مش دايما استني هدخل الورق ده لمستر حسين ونطلع نشرب حاجة فوق عشان ده موضوع طويل
علياء | طالعة علي السطح تستني غادة ، وبتدخل المكان لقت يوسف باصص لحد واقف معاه وهي مش شايفة مين .
علياء ' وقفت مكانها ، وقالت لنفسها ' : مش هو المفروض بره الشركة | بتلف وهاتمشي قبل ما يشوفها ، سمعت صوت بنت بتزعق ، غصب عنها فضلت واقفة مكانها .
نادين : طب لو في واحدة تانية قولي
يوسف : ده لا وقته ولا مكانه
نادين : وآخر مرة كنت عندك في البيت لا عارفة اشوفك ولا بترد عليا
علياء | مصدومة .
مستنية رأيكم ❤️
#دعاءالسيدعامر
#دعاء_السيد
