تحضى نار قلبي

حلقة:السادس والعشرون

مطيت جسمي وحچيت
_تعبانة..

زفر نفسة وگال
_ عوفي التعب لاتصيرين عجوزية وگومي بسرعة.

ضغطت على راسي بقوة ونزلت راسي  شفت نفسي لابسة ثوب سمائي..

صديت علية وحچيت
_اني مو كنت لابسة ملابسك!!؟

احتضن ادينة وگال
_نعم.

أبتلعت ريگي وحچيت
_لعد شوكت غيرت ما اتذكر! حتى ما كان عندي

أبتسم مركز علية  وأردف
_ اني غيرتلچ  عندچ اعتراض!!؟

رمشت اكثر من مرة وحچيت
_ تعرف انت محرم علية لو لا وليش تجاوز وتغير الي؟!!

رفع حاجبة وحچة بستهزاء
_مو اني أبو حلگ الجايف ومحرم عليچ ما تكرميني بسكوتچ، واذا على انو اني غيرتلچ أشو من يوم يومي  كل ما تتخربطين  تتقصدين تفقدين الوعي حتى بيدي اغسلچ وأبدلچ.

نهة كلامة باابتسامة ماكرة.

أبتلعت ريگي وحچيت
_ ياسين حط الله بين عيونك ولو انتَ ولا يم الحلال والحرام والدليل كل يوم وية وحدة وزاني.

والي هسة  تسوي يعتبر زنا بطريقة راقية.

تقرب علية  ودنك ماتفصل بينة مساحة  نفخ بوجهي وهمس قريب اذاني
_و اني عاجبني ازني وياچ  ما بيها اشكال  شرعي ازني مع زوجتي  شتگولين!..

أبتلعت ريگي وصديت عنة حچيت
_ياسيييين ابتعد عنيي خبالاتك ابعدهن عني يا المشرحچي.

سحبني من أيدي المصابة واعتلاني  دفن راسة برقبتي.
دفعتة  بكل ما عندي من قوة وهو بالمقابل ضغط على الخياط شوغ روحي  بحيث احس روحي فرفحتتت   كرصتة من خاصرتة بقوة  وهو عاود حركتة و ضغط بزيادة وهمس

_ اياچ ثم أياچ  تعيديها  وتكرصين أو تجاوزين بالكلام.

أبتعد عني واني روحي مايعة من الم.
گمت وگفت گدام المراية   ركزت على ملامحي الذبلانة و وبشرتي الي واضح عليها التعب حبوب وبهتان..

خطوط سوداء تحت العيون وصفار بياض العينين.
زفرت نفسي وحچيت  مع نفسي
_شصاير بيچ يسرور وين حيوية ملامحچ!!
لو  صفاء بشرتچ.

نزلن دموعي تلقائي  گزيت أسناني بقوة  وضربت على وجهي بقوة  ركزت على انعكاسي وحچيت
_شبيچ شبيچ ليش هيچ ضعيفة صايرة وينها القديمة  الماتقبل على دموعها وضعفها وينها القوية وينها سرور وينها لوعة ابيها  ليش هل ضعف يا سرور ليشششش

  نزلت نضري لـ اديني الاوردة عبارة عن خطوط سمر لونهن اغمق من لون بشرتي..

كانن لون سمائي فاتح  كلش واضحات وهسة عبارة عن لون داكن وشكلهن مقزز

ضغطت على عيوني بقوة ونزلت.
وصلت گدامة هو گاعد  وحاط رجل على رجل وبيدة الجهاز.

أبتلعت ريگي وحچيت
_ياسين