She Takes My Breath Away (GxG)

CHAPTER 17: Remi's Birthday

CHAPTER 17: Remi's Birthday

Crystal Leigh's P.O.V.

Kanina pa ako dito sa kuwarto ko habang pili nang pili ng mga damit sa closet ko na puwede kong isuot. Today is Remi's birthday, my best friend's birthday. So, I want to look fine. After a few minutes, I finally chose what dress I should wear.

Ilang oras din ang itinagal ko sa pag-aayos bago ako tuluyang nakalabas ng condo. And now I'm here waiting for a taxi. I took a glance at my wrist watch. Ang akala ko makakasakay ako agad pero mali ako dahil ang tagal ko nang nakatayo ay wala pa ring taxi na humihinto. Masyado na ring madilim. Sana pala pumayag na lang ako na magpasundo sa driver nina Remi kanina.

Nakahinga ako nang maluwag nang sa wakas ay may huminto ng taxi. Sumakay agad ako sa likod.

"Saan po tayo, ma'am?" tanong ng driver kaya naman kinuha ko mula sa purse ko ang isang maliit na note kung saan nakasulat ang exact address nina Remi. Hindi ko alam kung saan ang bahay nila dahil hindi pa naman ako nakakapunta roon. This will be the first time that I will see her house and her family.

-

Remi's P.O.V.

"Wala pa ba si Crystal?" tanong ko kay Molly nang makababa ako sa hagdan.

"Wala pa, e."

"Do you think pupunta siya? Anong oras na, e." Nilibot ko ang tingin ko sa mga bisita at marami ng tao ang nandito.

"Don't worry, she will come. This is the important day of your life, so she won't let herself miss this," nakangiting turan niya kaya kahit papaano ay lumuwag ang pakiramdam ko. Iniwan ko muna siya at nagtungo sa hindi masyadong matao.

Muli kong inilibot ang tingin ko sa mga bisita, nandito na rin lahat ng mga classmates ko. Yes, I invited all my classmates at iba pang mga kakilala ko bukod sa mga kakilala ng mga kuya ko at mga business partners ni Daddy.

Ngunit isang tao lang naman ang hinihintay ko na until now ay wala pa rin. Where are you, Crystal?

Kanina pa ako pasulyap-sulyap sa cellphone ko at wala man lang text na mula sa kaniya.

"You're so pretty," puri ni Kuya Resty sa akin.

"And you're so handsome," papuring balik ko naman sa kaniya.

"More handsome than me?" bigla namang sabat ni Kuya Renz nang lumapit siya sa amin.

"Ako ang panganay kaya mas guwapo ako sa inyo."

Napatingin kami kay Kuya Rex na lumapit din sa amin habang inaayos niya ang tie niya. Kahit kailan ang hangin talaga nila!

Mabuti na lang at busy si Daddy sa pakikipag-usap sa mga ka-business partners niya dahil mas lalo siyang mahangin kumpara sa tatlong ito! May pinagmanahan nga naman.

"Dumating lang kayong tatlo, lumakas bigla ang hangin," sarkastikong wika ko. Natawa naman sila at akmang hahawakan ni Kuya Resty ang buhok ko nang mabilis akong umiwas. "Don't you dare!" Sinamaan ko siya ng tingin.

Alam kong guguluhin niya lang ang buhok ko at hindi ko hahayaan iyon dahil nakaayos ako ngayon.

"Sorry," he then laughed. "You're so pretty, our princess. I hope you'll enjoy this night and please be happy," nakangiting saad niya kaya napangiti na rin ako.

"Thank you, Kuya." Niyakap ko siya.

"Ako walang yakap? Pinuri rin naman kita, ah?" singit naman ni Kuya Resty na ngayon ay nakasimangot kaya natawa ako.

"Of course, meron." Niyakap ko naman sila ni Kuya Renz.

"I love you, our princess," usal ni Kuya Renz.