Only Then 💔(Edited Version)

OT (19)

#Unicode

"အေး လူ10‌ယောက် လောက် ခေါ်ထားလိုက် ငါမနက်ဖြန် ငါ အဲ့ဒီကောင်ကို ခေါ်ထုတ်လာခဲ့မယ်...."

"....."

"Ok ဒါပဲ....ငါ့ဘက်က သေချာတယ်..."

Chanhwa ဖုန်းချလိုက်ပြီးနောက်တွင်တော့ Hyungကို ဘယ်လိုလိမ်ပြီး Jungkookကို ခေါ်ထုတ်လာရမလဲ တွေးလိုက်သည်... အိမ်မှာ နေစဉ်အတောအတွင်းမှာလည်း Jungkookက အပေါ်ထပ်မှာ သာ နေသည် ဖြစ်၍ တစ်ပတ်နေလို့ တစ်ခါ စကားမပြောဖြစ်၊ ဘာပဲ ဖြစ်ဖြစ်ပါ သူဘယ်လိုပဲ လိမ်ခေါ်ခေါ် Hyungက သူ့ကိုတော့ ယုံလောက်မှာပါလေ ဟူး....

Jungkookနဲ့ Taehyung ညဈေးမှာပဲ မုန့်တွေ ဝင်စားပြီး ဈေးလမ်းတစ်လျှောက် ‌လမ်းလျှောက်လာခဲ့သည်....

"ဒီနေ့ လမ်းပေါ် လူတွေ အတော်စည်တယ်နော် ဘာပွဲများ ရှိလို့လဲ.."

"Happy New Yearလေ....ဒါလေးတောင် မသိဘူးလား...."
အမြဲ အလုပ်ထဲမှာသာ စိတ်နှစ်ထားလို့ ပတ်ဝန်းကျင်နဲ့ အဆက်အသွယ်ပြတ်နေတဲ့ ကိုကို့ရဲ့ အမေးကို Jungkookခပ်ပြတ်ပြတ်သာ ပြန်‌ဖြေလိုက်သည်....

"အာ ဟုတ်လား...ရုံးပိတ်ရက်လဲ ဖြစ်တော့ ကိုယ် မေ့နေတာ ဟီး...."

လေးထောင့်ဆန်ဆန် အပြုံးတွေကို စွန့်ကြဲလာပြန်တဲ့ ကိုကို....ရင်ဘတ်ထဲကတော့ ဒုတ်ခနဲပဲ....
ဒါနဲ့ ဒီနေ့ ဘယ်လိုတောင် မျက်နှာအမျိုးမျိူး ပြောင်းနေတာပါလိမ့်၊ ခုနကပဲ ဝမ်းနည်းနေတဲ့ပုံစံနဲ့ အခုကျ ပျော်ရွှင်နေတဲ့ပုံနဲ့ ခင်ဗျား မျက်နှာ ဘယ်နှဖက် ရှိတာလဲ ကိုကို...

လမ်းနည်းနည်း လျှောက်လာရင်း Fairy landရှေ့ရောက်တော့

"ဒါနဲ့ ကလေးလေး ကိုယ်တို့ ကစားကွင်း ခဏ ဝင်က့ည့်ကြမလား...."

ဟော ....ကြည့် အခုလဲ ကလေးကလား အလုပ်တွေ မလုပ်စဖူး လုပ်နေပြန်ပြီ...

"သွားစရာလား...ကျွန်တော် လူကြီးဖြစ်နေပြီ....သ‌ွားချင်ရင် ခင်ဗျား ဘာသာ သွား
...ဟာ ဘယ်လိုဖြစ် ခင်ဗျား...."

Jungkookရဲ့စကားမဆုံးခင်ပဲ လက်ကို ဆွဲပြီး ကစားကွင်းဘက် ပြေးလိုက်တဲ့ ကိုကို့ကြောင့် သူ့မှာ ယုန်ပေါက်လုံး‌ေလးကို ကျားပေါက်ဆွဲသလို ရက်ကန်ရက်ကန်နဲ့ ပါသွားတော့သည်.....