يمامة نرسيس

الثامن والاربعون والاخير

يمامة نرسيس

بقلمي عذراء الساعدي

❤️❤️❤️

شوف شلون نسيتة عود كلت من اوصل اخابرة

خطية كاتلهم الجوع

هذة حارك التليفون علية هسة يزعل النوب

ههههة من ايدك غير

يلة اني اراضي بعدين تعاي خل نصلي حتى نتعشة

واللة صدك صلينة وكملنة النوب طلب الاكل شوية وجابو

كعدنة ناكل ساعة يلة ابلع الكمة

وهو ما شاء اللة منطلق

من كام يغسل انة سرعت بالاكل هم هو اتاخر شوية بالحمام

اول ماطلع سويت روحي الم بالصينية

كمت غسلت ومشطت وبخيت عطر وكعدت يمة

ضلينة نسولف امور جانبية اصلا ما تخصنة

الحد ما سحب الخوف مني

ووراهة صرت مرتة رسمي والحمد اللة تمت على خير

ورة كل هذة التعب النفسي والجسدي

اخر شي حطيت راسي ونمت

وهية نومة للصبح

نمت بلية ما افكر بباجر وشراح يصير بي

الصبح كعدت قبلة سحبت روحي على كيف لا يكعد

وطبيت سبحت وبدلت وكعدت املطخ بوجهي

اربع مرات مدري خمسة يلة ضبط وياي

عود جاي اكومن اكعدنة والكاة

كاعد يعاينلي

هزيتلة بحواجبي شكوو

اول شي صباح الخير حبيبي

صباح العافية

وهسة كلي شكوو

ماكو شي شنو ميصير امتع نظري بهل جمال لو ما مسموحلي

الة مسموح ونص

بس كوم بدل اريد اروحن ازور عبن طاك كلبي عالزيارة

صار هواي ماجاية هنا

ابشري بس اسبح ونروح حتى صلاة هناك نصلي

واللة وصدك بس سبح طلعنة

بوجهنة للامام طبيت وحدي بالبداية خفت لا اتيهة

بس اول ماطبينة امنت

ماشاء اللة الضريح مليان وكوة وصلت للشباج

نمردت مردت بس ميخالف

دعيت هواي تدوم هل نعمة وهل فرحة البكلبي تبقى على طول

وراهة رحت لضريح ابوفاضل دخيل اسمة

وصليت بحضرتة وكعدت قريت قران نسيت نرسيس