يمامة نرسيس

البارت الثاني

يمامه نرسيس

بقلمي عذراء الساعدي

...........

وين الكه اليخيط حظوظ واخيط حضي المشكك

❤️

❤

️❤️

يمامه كعدت الصبح صليت وكملت لفيت حجابي

ولبست البوشيه

وعباتي وطلعت شافتني امي صفنت

ولج يمه هاي البوشيه طركاعه بارزه عيونج نزعيهه احسن

صاحت جدتي شام جا احنه

شحجينه البارحه عوفي البت بحالهه

يا يمه جا هسه انه شحجيت

لٱ تحجين واخذيهه بساع يله لٱ تتوخر م̷ـــِْن اول يوم

وبدربج جيبيلي باكيت حليب

صار تردين بعد شي

لٱ سلامتج

مشيت حبيت جدتي باوعتلي وضحكت باوعت لامي

وحجت ولج شام صدك هاي

البوشي طركاعه بارزه عيونهه الخضر هنيال

اليباوعلهن ويتصبح بيهن

جا انه شكلت

دخذيهه وامشن يله مو ما صدكتي

امي فرت بيدهه وطلعت كدامي مو تمشي لٱ تركض ركض

وتحجي وي روحهه انه شجاني وسمعت كلامهه

وخليتهه تشتغل والله ما ادري

لْـۆ صار عالبت شي وين اطي وجهي شحجي شكول

وصلنه للمحل الولد توه يفتح باوعلي عكد حاجبه

ورد يعاين لامي الاول ما شافته بليه سلام كبل ظلت توصي بيه عليه

فتح وطبينه للمحل يله راحت وعينهه عليه

طلع الملابس يرتبهن وايدي وياه

خلص وكال راح اجيب ريوك عينج عالمحل هزيتله براسي

وكعدت

شويه ورد بيده صينيه حطهه بالكاع وصاحني

كتله توني متريكه

اطاني الجاي شربته ورديت الكلاص بالصينيه

كلساع اشوفه يباوعلي

ومن ارفع راسي يدنك لْـۆ يدور وجهه يسوي

روحه يباوع عالملابس

غلست منه سويت روحي ما منتبهه هو خلص اخذ الصينيه وداهه

ورد وبده الشغل وياه وياه

لحد ما حفظت نص الاسعار مالت الملابس

بس شنو طاح حظي يجن النسوان يختارن ومن اطلعهه

الهن يكولن هَـا ما نريدهه