يمامة نرسيس

البارت الثالث والثلاثون

يمامه نرسيس

بقلمي عذراء الساعدي

♥♥♥

برسم الخدمه اكلج الحجيه محاجتج

يا حجيه

بيبيتج امي

عليمن يحاجني على شني

هاا لا هيج غلسي ماكو شي

هزيت راسي ودرت وجهي منه بس ظليت احوس عليمن يحاجني

ليش شكو وحتى لو يردن شي مني

هو شمدري وشعلي

ظل كاعد لحد ما ردت اعزل هو كام عزل انه سبقته

وهو اجه وراي بحيث امشي وخياله كدامي يمشي

ماعولت اوصل للبيت وياريت ما وصلت توني فتحت الباب واسمع

صريخهن اريدن امشي واطب

حتى اشوف شكو ليش يصرخن ماكو نشليت

اعاين لايدي كامت ترجف وصوتهن يرن بأذني.........

بألف ياعلي طبيت والكاهن ملتمات على جدتي يتصارخن وهيه

فاقده ركضت عليهه ومدري منين اجتني

السباعيه قست نبظهه موجود بس ضعيف عطت بيهن

يصيحلنه احد ياخذنه للمستشفى

خلي نتلاحك الهه كامت تماره تركض وتصيح الحكولنه جدتي

راح تموت طبوا وراهه نرسيس وابن جيرانه

الثاني شالوهه شيول سوده عليه

وامي كاعده بالكاع وماده رجليهه وتعاين علينه عرفت امي فصلت

انه ركضت وراهم

والله واخذونه للمستشفى وخبصو الكاتره خبص

ظاربتهه جلطه ثانيه الله سترنه ماراحت

كعدت احسن روحي صرت شثكلني

اريدن ابجي ماكو دموع بس حركه بكلبي هونهه يربي

انمدت ايد كدامي لازم كلاص يطلع منه دخان عاينت طلع نرسيس

تفضلي

تسلم ماريد

تره هو جاي شربي يعدل راسج اكيد يأذيج

اخذته منه وخليته بصفي

شربي يابه ولا تخافين ان شاء الله ما بيهه شي دام تعدتهه

الله يسمع منك

ظلينه وياهه للمغرب ونرسيس مارظه ابقه كال انه راح اردن

ابدل امشي ارجعنج واجيب امج بمكانج

لان صار الليل وبعد ميقبلون بس مرافق واحد يبقى

رديت وياه اتلكني من الباب سولفتلهن الاعرفه وطبيت سبحت