يمامة نرسيس

السابع والاربعون

يمامة نرسيس

بقلمي عذراء الساعدي

❤️❤️❤️

هو اجة فتح الباب وطب

ضل صافن للحضة تالي تحمحم واجة كومني نزل ثوبي

وطلعني ومن يومهة حتى انة كطعت الكلام

ومن هو موجود بالغرفة اسوي روحي نايمة واذا يحاجني

اجاوبهن بالاشارة

امي خابرت كالت قدمو عرس يمامة

بكد ما فرحت ضجت عبن انة واعدتهة بعرسهة الة اذب لحم

وهسة انة ما اتحرك منا لهنا شلون اركص بلة

حاجيت عمتي تكلة يوديني لاهلي

ما قبل يكلهة شعدهة رايحة همة صايرين هوسة

يرحون يحتارون بيهة كافي عليهن جدتهة

اسمعة واتكرضم من القهر وهم سكتت وما حجيت

وضليت منا لحد يوم العرس يلة رحت

جيف خابرتني يمامة زعلانة مني لان ما رحت لحنتهة

بيومهة راحت عمتي وشكد لحت علية اروحن

ما قبلت حجايتة اذتني صدك هنة من

غير شي مخبوصات وحايرات بجدتي النوب انة اجملهة

عليهن شكو

بس طلعت انة مددت وغطيت راسي وشبعت بجي

هو من شافني نايمة ضل يحوس

كلساع يا طاب يا طالع

يمكن حس علية جاي ابجي بس كرامتة متسمحلة

يوصلي

اجتني سمسم رفعت الغطة مني بلية سابق انذار

البنية شافتني وخترعت عبالهة

مدري شكو كتلهة غلسي هرموناتي متخربطة ومالة جيف ماكدر

اتحرك

يمعودة قابل راح تضلين هيج كلهة جم يوم وتردين

تكومين على رجليج رتاحي هل جم يوم

بعدين وين لاكيتهة انتي نايمة وكلشي يجي يم رجليج

تعالي اطيج رجلي واطيني رجلج

وكومي انتي خدميني

ضليت بس اعاين عليهة هية راحت جابتلي ماي

غسلت وجهي وشربتني

ولفت شعري وضلت كاعدة تسولف

البنية تريد تروح تقرة ادري بيهة بس محمد صاحلهة سوالفة

هاي بس كتلهة اذا تردين تقرين روحي

انة راح انامن وواللة ما ابجي بعد

خلت وطلعت ركض

انة هم صدك بس خليت راسي شخرت

كعدت لكيت عمتي جاية ضلت تسولفلي على يمامة