يمامة نرسيس
بقلمي عذراء الساعدي
🌺🌺🌺
و مرت الوحشه
على جفوفي خرز سبحه
وتعب روجة بلم
عريان السيد خلف
.................................
يمامه هنه يحجن وانه جيت ابجي
شني ياجلون نزلته شكو شني همه مويدرون بيه يريد
يعرس هاي بدال ما يطونه اجازه جم يوم
ترخصت منهه كتلهه كايمه اغسل انه جنت اسوي شيره ودبكت
وعفتهن ومشيت للحمام
بس سديت الباب نزلت دموعي وكلبي رد نقبض
ربي عدي هل ايام على خير ورده سالم الي ولاهله بجاه حبيبك
النبي
غسلت عالسريع وطلعت لكيتهه رايحه
البنات يلملمن بالبيت وانه امي كالتلي نامي باجر وراج
تعب وفره
انه هم ما صدكت لفيت راسي ونمت
واتحلم بحسام جان لابس دشداشه بيضه ويجنن صاير
وجهه ينور بالبدايه جان يباوعلي مبتسم
كمت اريد اروحنله عافني ومشه
اركض وراه اريد اوصله ماكو اختفه كعدت مرعوبه شني
هذه الحلم دخيلك ربي
يماا الله يستر
رديت شمرت روحي عالفراش احس مابيه ارفع راسي
تالي مادري شلون غفيت ثاني يوم خلص
وكلشي ما فتهمت منه
والخميس الحنه كعدت من السته سويت الريوك
وكعدتهن اكلنه سوه ولثمانيه
رحنه انه وامي ووسن للصالون هم يلة نلزم سره
حتى اردن على وكت امي وصلتنه وراحت
والله منا لل11 يله بدن بيه اول شي لبست البدله النوب
بدت تلبخ بوجهي تجيب وتحط ماخلت
شي ما لطخته بوجهي بس للامانه شغلهه حلو جان
من كملنه ظلينه كاعدين متانين احد يجي ياخذنه لان بوكتهه
جان ذاك من ذاك العده تليفون
وللثنتين يلا اجه حماي ومرته اخذونه اعاينلهم ووجوهم
مبين عليهه الخوف
سالتهم اكو شي كالو لا بس ضايجين جي اخوهم ماكو
واليوم عرسه اقتنعت وسكتت
YOU ARE READING
يمامة نرسيس
General Fictionطلعت من المدرسه ميته من التعب والشمس صكعت راسي راسي صكع يا بويه بعد وراي شغل المحل شلون بيه شيخلص اليوم شوكت يجي الليل حتى اخلي راسي عالمخده وانام منطقتنه فارغه ودنيا ضهر توني طبيت بيهه واشوف خيال احد يمشي وراي كلبي وكع بالكاع من الخوف وخاصه م...
