يمامة نرسيس
بقلمي عذراء الساعدي
♥♥♥
راحت منا واجت امي هيه وابو المحل تلطم
اجتني تصيح بناتي وين
يما تماره زينه وهل ردت للبيت هسه
وفاطمه زغيرونتي وينهه اريدنهه جيبيهه الي
ماكو يما ماكو هل جاي ادور عليهه
امي صفنت وعافتنه ومشت تدور وتكول ربي بس اشوفن
شي من اثرهه يعني بنيتي ماتت
ربي الصبر منك ماريد غير شي ظلينه نفتر الحد ما ايسنه
وظلمت الدنيا وامي ما تقبل ترد
بالكوه الولد قنعهه نرجع للبيت يابه بيومهه شكد
حقدت على خالي يعني الولد الغريب وكف ويانه وهو ما شفناه
ردينه ونلكه البنات متانياتنه بالباب
امي بس شافتهن صاحت ما اجت
وهنه تباجن وامي طاحت علينه الصار ويانه بيومهه العدوي
ما اتمناه وحق علي شلنه امي طببناهه للبيت
وجان تطب علينه فطومه ملفلفه
من شفتهه يلة ردت روحي
التمينه عليهه ما مصدكين ردت تمشي على رجليهه
كلنه عطبت وي الراحو
الف الحمد الله والشكر نرسيس ترخّص وراح وبهل موقف
انه احترمته جيف ما عافنه بهل شده وحدنه
اعاين لامي شلون حاظنتهه وتبجي
وانه مادري شسوي صرت مثل المسودنه اضحك وابجي سوه
بهاي الهوسه كلهه الصارت يله جدتي نتبهت
الروحهه وكعدت تسأل شكو وشبيجن تتباجن فطومه باوعتلهه
وبجت وكامت شمرت روحهه بحظنهه تشكيلهه
من وادم ما عدهه ذمه ولا ظمير عدهه الكتل مثل شرب المي
فاطمه طلعت من مدرستي
مكيفه ماخذه ميه اريدن اخذ امي للسوك تشتريلي ثوب
عجبني هيه كالتلي بس ترفعين درجاتج
وانه اجيبلج ياه
انه توني خلصت فرع المدرسة وصار صوت رج الكاع رج
بحيث نشاليت ونركعت
اريد اتحرك ماكدر بس اسمع صريخ الوادم
كلت هاهيه انه متت تشاهدت على روحي بكلبي وبعد مادري
متت ورديت عشت لو شني السالفه
YOU ARE READING
يمامة نرسيس
General Fictionطلعت من المدرسه ميته من التعب والشمس صكعت راسي راسي صكع يا بويه بعد وراي شغل المحل شلون بيه شيخلص اليوم شوكت يجي الليل حتى اخلي راسي عالمخده وانام منطقتنه فارغه ودنيا ضهر توني طبيت بيهه واشوف خيال احد يمشي وراي كلبي وكع بالكاع من الخوف وخاصه م...
