يمامة نرسيس
بقلمي عذراء الساعدي
❤️❤️❤️
من كمل الدرس ضلت تسالني وين واصلين
بالمواد وطلبت دفاتري
تنقل منهه وظلينه نسولف شويه والتهينه بالدروس
منا لحد ما حلينه
توني وصلت للبيت واشوف حسين كاعد بابنه
ومخلي ادي على راسه
انه شفته ونخلست شكو شصاير
حتى كاعد هيج
بالكوه كملت دربي ووصلتله سالته وحلكي يرجف
شكو ولك خوفتني شصاير
بيك شي احد من اهلنه بي شي راح اطيح على وجهي والله
دحجي يمعود لسانك وينه
بهراء
يماا اخيتي شبيهه
ما بيهه شي بس امج طابه عليهه لاكيتهه كاصه
شعرهه وكاتلتهه
جريت نفس براحه عدالي مدري شكو صدك جذب
خرب بليسك يحسين
ولج هذه شعرهه الحلو الياما حلمت ججج استغفر الله ربي
روحي خويه روحي طبي ما بيه شي
كسر خاطري حسين وهم هاي بهراء حيرتني تصرفاتهه
للحضه اجيت احجيله كلشي عنهه
بس ما ادري شلون لزمت روحي وسكتت عفته وطبيت
للبيت امي شاده راسهه
وتفتر بالحوش
وجدتي كاعده تسبح وفطيم متمدده على بطنهه
بالنص وعيونهه سَـآعــهْْ على امي وساعه على جدتي
سلمت محد ردت علي بس فطيم
غمزتلي وضلت تركص بحواجبهه خليت ومشيت للغرفه ارد اشوفهه
بله شمسويه هاي براسهه من
اطب وانصدم بيهه المفلوكه باتره شعرهه بتر
شلون الولد مسويته
مكابله المرايه وصافنه على روحهه حتى من طبيت ما انتبهتلي
كمت اشك بيهه مو صاحيه
بسوايتهه الًيَوُمًِ وله وين اكو وحده شعرهه يوصل لركبتهه وتكصه
ولادي لٱ حاجيتهه ولا سالت جنتي ما شايفتهه اصلا
طلعتلي هدوم وطلعت من الغرفه
بعد ما طبيتلهه ابد
امي كضتهه صفنات وكلساع تودي فاطمه لو تماره للغرفه
YOU ARE READING
يمامة نرسيس
General Fictionطلعت من المدرسه ميته من التعب والشمس صكعت راسي راسي صكع يا بويه بعد وراي شغل المحل شلون بيه شيخلص اليوم شوكت يجي الليل حتى اخلي راسي عالمخده وانام منطقتنه فارغه ودنيا ضهر توني طبيت بيهه واشوف خيال احد يمشي وراي كلبي وكع بالكاع من الخوف وخاصه م...
