يمامة نرسيس

البارت الثاني والثلاثون

يمامه نرسيس

بقلمي عذراء الساعدي

♥♥♥

ما صار ولا حجينه بيه ابدد

واحنه سمعنه كلام امي وسكتنه محد طبت عليهه

ظلينه بره كلمن سوتلهه شغله

والله ساعه هيج وجان تطلع وسن العيون مورمه

لازمه جنه بأيد

والايد الثانيه بيهه جنطه زغيرونه اجت لامي

كلتلهه ها تاخذينهه لو خلص وكتي

امي بهتت بوجهه وعاينت لجدتي هزتلهه براسها يعني اخذيهه

اخذتهه امي ومشت لبست عباتهه وراحت

بس نسد الباب وسن  كعدت تنوح عليهه

وظلت تحسب ساعه ساعه خلص اليوم الاول والثاني

والرابع والخامس

وماكو هما وسن اليوم صبحت مريضه كلش

الحد ما تخربطت علينه حرنه بيهه

مددناهه بالحوش وغسلنه وجهه وكعدت اهفيلهه

جان تفز وتصيح بأسم بتهه

جنهه مخبله نريد نلزمهه انه وفاطمه وبهراء وما كدرنالهه

كامت تدك وتلطم تكول كلبي وجعني عليهه

بتي بيهه شي وعلي

اريد بتي جيبوهه الي بعد ما اصبر وانعل ابو العرس

امي كالتلهه بس تهدي وارتاحي وانه والله اخذج ونروح نجيبهه

كامت تركض لبست وطلعت توهن جاي يطلعن

وندك الباب فتحته وتصير بوجهنه ام عقيل شايله جنه سكرانه

من البجي بحيث تبجي وصوتهه ماكو وراسهه ملفوف

بشاش ابيض ومدمه

جا وسن شافتهه يو تخبلت ظلت تعيط يماا بنيتي ماتت

هاي شمرت البنيه من الباب

وهيه تمشي كالت تردونهه اخذوهه ما تردونهه شمروهه

بالشارع احنه ما نتحمل مسؤوليتهه

وخلت ومشت ولا جنهه ذابه حفيدتهه

اليكول شمرتلهه علاكه زباله

ومشت ما مهتمه يابه بساعتهه يو لازمتهه

اله اشلع منهه لحمايه

ما ادري شني من مله هاي طلعت سليمه كسر والله سليمه ستر

الله عليهه اخذن البنيه للمظمد نظف الخياط وردن

خانسات ظلينه كاعدين

وحدة اتعاين بوجهه الثانية جن ضاع

الحجي وما نعرف بيش نسولف