يمامة نرسيس

البارت الثالث عشر

                                    يمامة نرسيس

                               بقلمي عذراء الساعدي

❤️❤️❤️                                     

هاي شبيهه ايدج ياهو مجويج

ياهو مجويني شو تمسلتين طفر عليه دهن

خيه هذه مو حرك مال دهن قابل ما محتركه انه قبل هاي. جويه

تولين من كدامي يو هسه احركج واشوفج ياهن يصيرن

مثل ذن يو لٱ حتى تتاكدين

عفتهه ورحت اسوي زلاطه بس متاكده هاي جويات جكاره

محفوره ايدهه حفر

ياهو المجويهه معقوله هيه تأذي روحهه

بأيدهه لٱ شني السالفه قابل

هيه مخبله خاف صدك طفر عليهه الدهن اي غير جاي تكلي

اووو انه شكد اكبر الامور وهيه ماتسوه

كملت الزلاطه وطلعت وهيه كملت وصاحت على

فطيم تشيل الصينيه

جيفن هيه ما تكدر تشيلهه

اكلنه وكملنه وانه اخذتلي زاويه وكعدت اقره

امي كاعده اشوفنهه تحوس تروح هيج وتجي هيج

اكلهه بيج شي تهز براسهه ماكو شي

وتعوفني وتروح

ضل بالي يمهه شبيهه مو عوايدهه تضل كاعده

خلصت قرايه والنوم طار من عيني

بالي يمهه

  ظليت اباوع عالكتاب لحد ما نامت يله انه كمت نمت

والصبح نعاد نفس الًبارحه.....

فاطمه

طلعت من المدرسه ميته من التعب والشمس صكعت راسي

صكع يا بويه بعد وراي شغل البيت والكرب الزين والنوب

تعاي اقري

شلون بيه شيخلص اليوم ما اصدك شوكت يجي الليل

حتى اخلي راسي عالمخده وانام

منطقتنه فارغه ودنيا ضهر

توني طبيت بيهه واشوف خيال احد يمشي

وراي كلبي وكع بالكاع من الخوف

وخاصه من اتذكرت كلام جدتي من كالت هل ايام

جايتنه سالفه جديده

يخطفون البنيات يغتصبونهن ويطلبون فديه

ومن اهلهن يطون يشمرون البنيه

مكتوله بابهم

توني سرعت مشيتي وصاح عليه جمدت بمكاني