يمامة نرسيس

الاربعون

يمامة نرسيس

بقلمي عذراء الساعدي

💜💜💜

هناك كضينة عصريتنة كلهة وصلينة

وتعشينة وكلمن طش البيتة

وراهة التهيت اجهز بنيشاني والحلو

نرسيس ما قبل نعرس بساع ورة الخطبة كال خلي نتعرف

اكثر على بعض واحد يتعود على الثاني يلة

اليوم كاعدين العصر بالحوش وندك الباب كامت امي فتحتة

وطبن علينة ثنين نسوان كبار

كعدن بمكانة وانة ووسن كمنة سوينة جاي وكعك وجينة

كعدنة امي عاينتلنة وسوتلنة بعيونهة يعني كومن منا

احنة هم سحبنة بوش وطفرنة

شكو شعدهن ذن

وسن جني انة اعرف بس مو اكيد يعني يمكن

شتعرفين بلة

ههههه هو اكو شي صار وياي كبل جم يوم وما كلت بي لاحد

شنو هو بلة دحجي مو كتلني الفضول

هاي ذاك اليوم من طلعتن للسوك انتي وعمتي انة ضليت وحدي

وجنت ضايجة بوكتهة وبجيت

المهم ندك الباب بالبداية ما كمت النوب ندفر وسمعت صوت واحد

يغلط كلت خل اكومن واطلع حركتي بي

حطيت شالي على راسي

وركضت حتى دموعي ما مسحتهن

فتحت الباب لكيتة متحرك ماشي مسافة عن بابنة

بس شني خية جثيث جنة مدري شني هذة محمد النكول علي

ضخم صلوات هو يسوي مرتين

الزبدة عوفج من الوصف هسة بعدين نرجعلة

ايي انة مو كتلج ردت اتعارك من شفتة هيج بطلت كلت هذة

بس ينفخ علية اطيرن

هو ندارلي اجة يحجي اشو صفن وصفك ايد بايد

واجة علية انة خفت جيت اردن الباب

وهو صاح افة شني بوية شايفتي سرسري وجاي تردين الباب

بوجهي انة عباس صاحب حسين وصار

هواي ما شايفة

جيت على اهلة مرتين ادك الباب عليهم ومحد

يطلعلي هو مو ابن خالج ما تدرين بية وين

هو مو ابن خالي وبعدين حسين تزوج وكعد بكربلاء صار فترة

لا يا ك استغفر اللة جيت ججج عوفج من حسين لساني

راح يضل ينكط عسل جي