يمامة نرسيس

الواحد والاربعون

يمامة نرسيس

بقلمي عذراء الساعدي

❤️❤️❤️

من خلصت جاي اصعد وتلاكيت وياة عالدرج عاينلي بطرف

عينة وكمل دربة

هزيت ايدي وضحكت الف الحمد اللة والشكر ربي ما اكولن غيرهة

الايام الوراهة متت من وراه كرهني بعيشتي

كمت اكرب من اكعد الحد ما انام

والبيت ما اخليهن يشيلن منة كشاية

النوب من اشوفنهن كامت روحي تلعب واخر يومين

حتى محمد كمت ما اريدنة

وما انامن يمة بالغرفة مرة خليت  عمتي تنام ونزلت انامن يمهة

ومرة سويت روحي نايمة وانة اسولف وياهة

اليوم كاعدين نتريك

ومحد فاك حلكة بحجاية هدوء تذب الابرة ينسمع صوتهة

وجان محمد يحجيلة حجاية خلاني حتى اللكمة البحلكي

ما اكدر ابلعهة حرت وين اوديهة

كلام هو يعني حجاية وطلعت من حلكة بس ما ادري

اشو احسنهة سجينة

ونبتت بكلبي

يمة حضري روحج العصر نمشي لبيت خالي نخطب شهلاء الي

عمتي بهتت بوجهة كلتلة شني

مثل ماسمعتي حجية حضري روحج حتى نمشي نخطب

شني يماا حبيت شهلاء من تالي

صدك هية بت اخوي بس وكحة ما اريدنهة

وبعدين هاي مريتك شحلاتهة مو كتلت روحك عليهة

شني هسة صارت كخة

حجية انة حجيت وانتهى الموضوع بعد

كلت الخالي وقبل كلي كبع واخذ

وانة كتلك ما اقبل

هاهية

شني الهاهية

لا تجين انة امشي وحدي واخذ سعاد وياي

خايبة ما تحجيلج كلمة ما تسمعين رجلج شيكول

انة ما طلع من الساني غير طلكني وروح تزوج

يا دهر فرج لو ضالة ساكتة احسن

طلكني محمد

ما اطلك و تظلين هنا خدامة لامي

مو بكيفك تطلكني وغصبا عليك يلا طلكني انة ما اريدنك

باحلامج هاي لا حتى باحلامج متصير

عافني وطلع وانة تسودنت كسرت البيت تكسر وعمتي

ما فكت حلكهة

ضليت افتر على روحي بجيت وصرخت ولطمت

طلعت الكبت البكلبي كلة النوب