تحضى نار قلبي

حلقة:العاشرة

_ إي مو اني لهل درجة أسمع كلامك وانفذة.
ميلت عيونها وأردفت
_حسب منا واليل اذا بالي صافي اروح لخاطر بيبيتي وبس.

زفرت نفسي حچيت
_رحمة لدين محمد شگد فزكانة انتِ.

ماهتمت لكلامي وياها التفتت وراحت.

اتصلت على شهلة اطمئنتيت عليهم وغلقتة.
عرفت منها ياسة ناجحة ومعدلها ٧٢.

رغم توقعت معدلها ااحسن من هذا
لكن حمد الله احسن من الماكو..

غمضت عيوني أحاول أنام.
عبث ولا گدرت..

شگد أحاول أبتعد وما أركز عليها ما اگدر
أكو شيء يجذبني الهاَ رغم هيَ مو هينةَ وما منطية مجال.
لكن صعب أنفائها..

ضغطت على رأسي بقوة وزفرت نفس بملل..
گمت للمطبخ سويت چاي جديد وطلعت الاسواق القريبة علينة
اخذت كعك وكيك وحلويات.
رجعت بالطريق شفت واحد يبيع رگي أخذت حگة..

وكملت طريقي دخلت للبيت المي يغلي ضفت علية الچاي وقفلت النار.

حطيت الرگية بالمجمدة وگعدت.
لحضات ودخلت مغيرة ثيابها ومجهزة نفسها..

ثوب قصير بالون الاخضر الداكن لحد الركبة وشعر مرفوع..
توقعت ترتدي ثوب طويل تخفي أثر الحادث لاكن صدمتني.

فتحت كارتون الكيك تذوقت وتهمهمت..

اغتسلت كوبين و سكبت الچاي.
ضافت الشكر وطلعت علبة قهوة ضافت للچاي..
قطعت الكيك بـ صحن والكعك كذالك.

كل شغلها بـ ترتيب تدقق على كل شي.

ضافتهن بصينية ومشت خطوات وگالت
_رايحة للصالة، حاسبة حسابك.

كملت طريقها ومشيت وراها.
گعدت مقابلها اخذت قطعة الكيك والكوب
و الحهاز بيدها مركزة بي..

أخذت كوب الچاي و احتسيت.
مركز على إلي گدامي مندمجة تآكل بشراها وما عايرة انتباه أو أهتمام للمقابل.

وگفت و أرتشفت مماتبقيَ واردفت
_ ساعة ستة ونص ما ضل وقت لازم نرجع من وقت لان عندي علاج وشغلات أهم.

شابكت أصابيعي وحچيت
_انتِ كارثة بشرية إلي يسمعج هسة يگول متلهفة لـ روحهة أهلها.

رفعت حاجبها گالت
_عندك شك؟!

رديت بستهزاء
_لا أبد علاقتج بيهم دهن ودبس، ولا يگلك تخوزرين وتراددين وفوك هذا ماتحترمينهم.

لهمت شفايفها وهمست
_للاسف دائما افضل أعدائي يكونون على أيدي..
نهت كلامها بـ أبتسامة ماكرة

بهتت بوجها حچيت
_دوامة انتِ صعب تفسير الي يدور ببالج.

گلبت عيونها بملل وحچت
_داهية وملعونة و ملعبة وهسة دوامة ماكو بعد منا منا