تحضى نار قلبي

حلقة:السابعة

سديت الجهاز  فرگت وجهي بقوة.
اخذت السويج و باكيت جگاير والجهاز.

طلعت فتحت باب الخارجية..
صعدت بالسيارة  شغلتها  و وگفتها بالباب.

قفلت باب الخارجية وكملت طريقي كل الي ببالي ياسة..
منين ما أصد تصير سالفة.

الدنيا سادة أبوايها بوجهي.
أمي من جهة وياسة من جهة ثانية.

الطريق صار شطولة عليه  طلع الفجر..
وصلت للبيت .

صفيت السيارة  ردت اطلع المفتاح مالگيتة   زفرت نفس ودگيت الباب.

لحضات فتحتها شهلة.

دخلت للبيت وحچيت
_ شنو صاير؟!

هزت راسها وگالت
_خيي ادخل جوة واسولفلك السالفة من الطا طا للسلام عليكم.

دخلت وياها
أشرت على الكرويتات  بـ معنى اگعد

  گعدت على اعصابي  وحچيت
_استعجلي.

ردت
_ اول بارحة الولد كان يمنة بصفتة خطيب بنيتك.
طلب مني أسويلة  تمن حليب أشو بنتك تتقزز وتگلة

شنو ماعندكم حليب بالبيت؟
والولد ضحك وتخطا بس هي بقت تدوس ببطنة ساعة انت من زمن جدي لو عجوزي لو تتبطر علية.

فوك دلالها الزايد  الولد طلع زعلان  ومن رجع جايب الها  ساعة
تگوم تگول الة انت شگد فگر.

عليك الله لو انتَ بمكانة وخطيبتك تگلك هيج  شتسوي؟
وهو مو غريب ابن حماي والله مو حماي أخوي ما مقصر علية بـ شي الي ينكر هذا مو ادمي.

عساف: كملي  ليش عابر عليكم..

شهلاء: أختة تصير صديقتها ثنينهن فرد سر تگوم تگول الة  انت لو بيك حظ مو اختك عدها علاقات.

الولد تخبل  وبنتك الله ما يجرعها تصير علية بحجة گال الها  انتِ حية.

عساف بنك غلطان ما مخلية اله احترَام  گدامي تغلط علية بحجة يابة نفس العمر ونشاقة وهذاك هم غبي ساكت من تغلط بحجة احبها تالي هد بوجها.

عساف_عبرتة للبيت غلط.

شهلاء: ابقة دافع الها اله يطيح حظها
حط مكانك بمكان الولد  تقبل زوجتك تهينك هيج؟؟

عساف:  تطلگو لو لا؟

شهلاء: أي گال الها دام ما حفظتي سر اختي انت طالك وتحرمين علية.

وأبشرك طلگها بالثلاثة.

عساف: خفتن وراحة.

شهلاء: دلالك ماله حد وبنتك طغت بزيادة.

هزيت راسي وگمت حچيت
_وينها!؟

ردت شهلاء 
_ وين يعني بغرفتها مطمورة  خل تنزل الها دمعتين حتى تسكت الها.