(Unicode)
သူ့ရဲ့ အတိတ်ဟာ သူ့နောက်ကို အရိပ်လို လိုက်နေခဲ့သည်။
မလှမပ, ဒီလိုအတိတ်နဲ့ သူ့က ချစ်ရသူအမျိုးသားအတွက် ချစ်ခြင်းမေတ္တာမှလွဲရင် သိမ်ငယ်ခြင်းတွေပဲ ရှိလိမ့်မည်။
သူရဲ့နှုတ်ခမ်းတွေကို တင်းတင်းစေ့ထားမိသည်။ သူ့ရဲ့အတိတ်ဟာ ဝမ်းသာအားရ ဂုဏ်ယူပြောချင်စရာကိစ္စမျိုးမှ မဟုတ်ဘဲ !
ထိုအမျိုးသား၏ ရှေ့မှာ မျက်ရည်ခံထိုးပြမှ ထိုအမျိုးရဲ့စိတ်တွေဟာ သူ့အပေါ်ပြန်လည်လာမယ်ဆိုလည်း သူ့အနေနဲ့ ဘာသိက္ခာကိုမှ ငဲ့မည်မဟုတ်၊ မျက်ရည်ခံထိုးပြမိမှာပဲ။
"ပြောမယ်ဆို ပြောလေ
ငါအိပ်ချင်နေပြီမလို့ "
မြဲက ဒီလိုအချိန်အထိ သူ့အား ရှောင်ဖယ်ချင်နေဆဲ။
မြဲရဲ့ လက်ဖုဝါးတွေကို အသေအချာ ဆုပ်ကိုင်လိုက်ရင်း မြဲရဲ့မေးဖျားလေးကို သူ၏လက်နှင့် ပင့်တင်ပြီး အကြည့်တို့အား ဆုံစေသည်။
" ကိုကို မသိချင်ဘူးလားဟင်
ကျွန်တော့်အတိတ်အကြောင်း၊ ပြီးတော့ ကျွန်တော်အစစ်အမှန်က ဘယ်လိုလူမျိုးဖြစ်ကြောင်းတွေပေါ့ "
ချစ်ရတဲ့ အမျိုးသားက ရုတ်တရတ် အကြည့်တို့အား လွှဲသွားပြီး အေးစက်သော အသံနေအသံထားဖြင့် သူ့အား ရှင်းပြရန် ခွင့်ပြု၏။
"မင်း ဆန္ဒရှိရင် ပြောပါ "
"ကိုကိုကရော နားထောင်ဖို့ ဆန္ဒရှိရဲ့လားဟင် !"
ခိုင်မြဲသက္ခက ကျစ်ကနဲ စုတ်သတ်လိုက်ရင်း စိတ်မရှည်သော မျက်နှာပေးဖြင့် သူ့အား မျက်စောင်းထိုးကြည့်လာသည်။
"မောင်ပြောပြပါ့မယ်ဗျာ..မောင့် ဘဝက အရမ်းဆိုးတယ် ကိုကိုရ၊ မောင့် အမေက မိန်းမပျက်ပေါ့ မောင့်အဖေက လူသတ်သမား ၊ အဲ့လိုလူတွေကနေ မွေးလာတဲ့ မောင်ကလေ..ဘာဖြစ်မယ်လို့ ကိုကိုထင်လဲဟင် "
သူက မေးသော်လည်း ချစ်ရသူက အဖြေမပေး ၊ ရှူတည်တည်မျက်နှာပေးဖြင့်သာ သူ့အား ကြည့်လာသည်။
သူ့အား စကားကိုဆက်ပြောရန် မေးဆတ်ပြတော့မှ သူလည်း ပြုံးပြလိုက်ရင်း အတိတ်ဆိုးတို့အား မချွင်းမချန်
ဖွင့်ဟ ပြောရန် ဆိုရ၏။
YOU ARE READING
His Star-သူ့ကြယ် [Complete]
Action"ဒီကောင့်နာမည်က နိမိတ်မကောင်းတဲ့ကြယ်လေ! ကြောက်သင့်တဲ့ ရန်သူမျိုး ငါးပါးထဲမှာ ဒီကောင့်ကိုပါထည့်သင့်တာ " "ဒီေကာင့္နာမည္က နိမိတ္မေကာင္းတဲ့ၾကယ္ေလ! ေၾကာက္သင့္တဲ့ ရန္သူမ်ိဳး ငါးပါးထဲမွာ ဒီေကာင့္ကိုပါထည့္သင့္တာ " A/N: Mature content⚠️
![His Star-သူ့ကြယ် [Complete]](https://img.wattpad.com/cover/310201289-64-k288456.jpg)