عـنـان الـمـدمـر -جاري التعديل-

عنان المدمر الحلقه الخامسه

بقلم فاطمه ابراهيم 🤍✨

روايه عنان المدمر الجزء الاول 🤍✨

"مــتــنــســوش التصويت اللي بـيـشـجـعـنـي هو والكومنت"🤍✨

البارت الخامس 🤍✨
______________________________________
وإذا أُغلقت بوجهك الأبواب باب الله لا يُغلق.
______________________________________
شهقت بصدمه :
"يالهوي عنان"

أخذت تصفعها برفق علي وجنتيها علها تفيق قائله بقلق:
"يابنتي ردي عليا أيه اللي حصل في النتيجه"

رفرفت بأهدابها بضعف مصاحبه همهمه خفيفه، فجاءه انتفضت فازعه تصرخ بفرحة مردفه وسط صرخاتها الصاخبه
"نجحت يا ماما نجحت وجبت % 95".

صدحت أصوات الزغاريد و الإحتفال تملئ المكان و تعم السعاده و الضحكه المشرقه الوجوه.

اردفت والدتها بحنان و فخر :
"ألف مليون مبارك يا حبيبتي ألف مليون مبــارك ".

ثم بدأت مراسم الاحتفال المصريه والزغاريد بكل سعاده وسرور بفرحه حقيقيه من القلب، سعاده بجبر الخواطر فا إذا أخذ الله منك ما لم تتوقع ضياعه فسوف يعطيك ما لم تتوقع أن تملكه .

ترقرقت العبرات بمقلتيها قائله و هي تربط علي ظهر ابنتها :

"ربنا ينولك اللي في بالك يا بنتي، نجحتي وحققتي حلمك اللي كان نفسك فيه و بقيتي من الأوائل، ربنا فعلاً كان عايزلك الحاجه الأحسن"

أكملت عنان صراخها مردفه كلمات غير مترابطة:

"ونجحت وهحقق حلمي وهبقي دكتوره زي ما كنت عايزه ،و زغرطي يا أم هاني لأجل فرحة هــاني، شوفتي يا ماما أنا قلتلك أن ربنا لما بيبعد عننا حاجه حتي لو احنا كنا عايزينها بيبقي شايلنا حاجه أحسن منها، أهو أنا بدل ما كنت هبقي ممرضه بقيت دكتوره زي ما أنا كنت عايزه ، و الحمد لله إن أنا حققت حلمي و طموحي وفضلت أجري ورا حلمي و اسعي في تحقيقه و مسمعتش كلام حد من المحبطين اللي كانوا عايزين ميدخلونيش ثانويه عامه عشان مجبتش تمريض ، أهو أنا دلوقتي بقيت دكتوره ،و أثبت أن أنا أقدر أحقق طموحي".

Flash back ..

بعدما ظهر تنسيق الثانويه العامه .

اردفت عنان بنبره يغلفها الحزن :
" أهو يا ماما جبت مجموع ثانويه مستريح زي ما كنتي عايزه"

حنان :
"ربنا يوفقك يا بنتي" أكملت بحزن أموي مندفع مما تراه يحدث حولها ..
"بس كنت عايزاكي تجيبي مجموع تمريض يا بنتي أهو الثانويه العامه دلوقتي مش مضمونه تجيبي اللي أنتِ عايزاه ، التمريض مضمون" .

اردفت خالتها بشماته مغلفه بسخريه لاذعه:
"يا حبيبتي أنتِ المفروض متدخليش بقي ثانويه لأنه مش مضمون أدخلي بقي اي حاجه تانيه"

نظرت إلي خالتها بصدمه، فما التي تحاول الوصول إليه بكلماتها، التي تحاول إقناع والدها و والدتها أن لا يدخلها ثانوي !