عذراء الباشا

الجزء:43#بهاء الدين 😍 سهى

🌻 الجزء الثالت واﻷربعون 🌻
🌻 من رواية عذراء الباشا 🌻
🌻 للكاتبة اميمة الحسناوي.🌻

فالمستشفى 

دخل ضياء لعند ليلى كتبان ليه كالسة فوق الباياص وعاضة على  شنافتها وبالها مشغول كتفكر فأمين

ضياء : فين وصلتي
ليلى : ممشيت فين
ضياء ابتاسم : هممم باينة
ليلى : كيبقات سهى
ضياء : بيخير
ليلى : وايمتا غنخرجو
ضياء : نتي دابة غنخرجك وسهى حتا تكمل الصيروم ديالها ويجيبها بهاء
تقدم لعندها هزها بين يديه فحال شي كميشة تخشات فيه وخرجها حطها فالطوموبيل عاد ضار ركب حداها صايك غادي بيها للدار
ضياء: : متقولي والو لمي راه شي نهار اتسكتي ليها القلب
ليلى : غنسكتو ليها غا انا نتا متسكتوش ليها ازهواني
ضياء : اللهم الزهو ولا زواج النكير والمشاكيل
ليلى : ايه دابة شكون جبد ليك حس الزواج هي داير فراسك تتزوج
ضياء : داير فراسي نن من خليني نحتارمك حيت ختي الله يرحم باك
ليلى : هه مالني سبيتك را غا قلنا ليك تزوج بغينا  نشوفو ولادك
ضياء : ولادي اكوني هانية إلا بغيتي تشوفيهم وسدي المخدة وحلميهم
ليلى : زعما كتتحداني عمرك غتتزوج
ضياء : بقيتي ليا غا نتي فالحساب نتحداك الزواج معندي مندير بيه ياك ناشط ضاحك شغنادير انا بشي حريق الراس هانتي شفتي بهاء تزوج هو ونرجس وزواجهم عن حب يا حسرة فاللخر تخلات عليه وعلى ولدها وفضلات اوروبا والفلوس

ليلى : سييير سير بهاء حاجة ونتا حاجة خرا مختالفة

ضياء ضحك : فاللخر الحوايج كولهم فحال فحال

ليلى : إوا الله يمسخك

ضياء : وميبقاش فيك زيني يضيع باطل

ليلى : غتولي قرد

وصلو للقصر وضار هزها طالع بيها فالدرووج بالحس لا تحصلهم ماماه دخلها لبيتها وداها لقدام المراية كتشوف حالتها حالة وتحت عينيها كوحل وذابلة

ضياء : هه شفتي شكون لي قرد فينا

زاد بيها لفوق الناموسية حطها وباس راسها بحب وقال

ضياء : انا غير لتحت اختي إلا ضراتك شي حاجة غير عيطي عليا

ليلى حركات ليه راسها باﻹيجاب هو هبط فحالو وهي بقات ساهية كتخمم وعقلها غير مع منظرها لي فنظرها كيخلع شعرها مشعكك وتحت عينيها كحل ..فمها شاحب ووجها صفر وقالت بينها وبين راسها

ليلى : دابة هو (امين) شافني فهاد الحالة. . ويلي على شوهتيي غنكوون بنت ليه خايبة

🌻 عند سهى

ناعسة فوق الفراش وسيف مخشي حداها ناعس حتى هو معنقها من كرشها بينما بهاء كيدوي مع الطبيب فالبيرو ديالو

خرج من عندو ودخل عندها لقاها كتحاول تفيق