عذراء الباشا

الجزء:28#بهاء الدين 😍 سهى

🌻 الجزء الثامن والعشرين 🌻
🌻 من رواية عذراء الباشا 🌻
🌻 للكاتبة اميمة الحسناوي.🌻

بعد مرور بضع ايااام روتينة عند سهى وبهاء لي أغلب وقتو كيدوزو فالخدمة ومع ناس الدوار ومشاكلهم لي متكساليش ها لي سرقو ليه البقار ها لي كلاو ليه الورث ها لي باغي يتبرا من ولدو  ها لي هربانة من دار راجلها هالي قتللاتها حماتها  وهو كيقيل غايص يحل فمشاكلهم بعقلية كيحاول شحال ما قدر ميخدمش العنف وتخا هو لي كيصلاح مع شي نماذج ... حتى كيرجع فالعشية كيلقى سيف غالبا فبيت سهى كيلعبو ولا كتعاود ليه شي قصة ولا ناعسة حداها ولا كيعجبو منظرهم بزوج والتقرب لي بيناتهم لدرجة شي مرات كيجي عياان من الخدنة باغي غير ينعس ولكن فاش كيشووف منظرهم البريئ وهوما ناعسين بزوجهم ولا كيلعبو كينسى كاع التعب
اما هي لي كتدوز أغلب أيامها ملاهية مع شغالها ومع سيف لي مكيفرقهاش إما تطوي حوايجها ولا تمشط شعرها وفاش كتمل كتطلع لبيت حماتها تتجمع هيا وياها وتنصحها هاد المرة لي لقات فيها الحنان لي ملقاتوش فواليديها فالمساء ناضت سهى بليل شحفانة جاها العطتش  طلات على سيف لي ولا كينعس حداها برغبة منها ومنو
هبطات لتحت باش تشرب وهي ترمق شي خيال داز من الكوزينة
سهى متنكرش أن الخوف شدها من قاع رجليها وكل ما صوره ليها راسها انه شي حد جا يقتلها شكاات بلي بااغيين يقتلوها هبطات بالحس تابعة دك الخيال وهزات مزهرية فيديها حاضية تحركاتو بخوف للحظة شكات يقدر يكون غير بهاء ولكن هي طلات على بيت بهاء فاش كانت هابطة وشافتو ناعس
قالت تقدر تكون رحيمو ولكن رحييمو كيتسمع شخيرها فالطابق السفلي كامل
قالت يمكن ضياء ولكن ضياء مسافر هاد اﻷسبووع وشكوون هاد الشخص الغريب لي كيتجول فالدار  حتى من العساس كيمشي فحالو فليل
خاافت بزاااف ولااات كولها كتترعد ودك الفااز  فيدييها كيبااان ليها دك الخيال كيتحرك على خاطرو فالدار خصوصا فاش شافت خيال موس فيديه هنا صاافي قرباات تسخف بالخلعة قلبها غيسكت حطااات يديها على فمها حابسة صوت شهقاتها من الخروج وزيراات على دك المزهرية فيداها بخوف
حتى بان ليها الخيال ديال دك الشخص ضار شافها وجاي جيهتها بسرعة
هنا صاافي مبقااتش قاادرة تتحمل كثر طلقااتها بغوتة من اعمااق قلبها ودك الشخص جرا لعندها كيحااول حاط يديه على فمها كيحااول يسكتها بتوتر وهي كترطى بين يدييه بخوف والخلعة شاداها كتغوت لربي لي خلقها
الشخص : شششششووش
سهى غير ما زادت فغواتها وهزات دك الفاز لي كان فيديها نزلات بيه على دك الشخص للراس حتى ترخى بين يديها وطاح للأرض والدمايات نازلين من راسو
هي غير  ضربااتو ناضت كتجري هرباانة حتى تشعل عليهم الضو شافت بهاء كيشوف فيهم بصدمة مشات كتجري تعلقاات فيه بخوف
سهى : اهئ اهئ بهاء اهئ بغااو يقتلووني
بهاء دفعها من قدامو بعنف ومشااا كيجريي لعند الشخص لي طايح فاﻷرض كيتفحصوو بخوف وقال

بهاء : نتيييي شنوووو هادشيي درتيي

سهى مفهمات والو حدها حنات راسها تشوف دك الشخص لي ضرباتو وهي تتصدم
وطاحت للأرض شادة راسها بخوف صافي هادي اللخرة ليها