عذراء الباشا

الجزء:29#بهاء الدين 😍 سهى

🌻 الجزء التاسع والعشرين 🌻
🌻 من رواية عذراء الباشا 🌻
🌻 للكاتبة اميمة الحسناوي.🌻

بهاء : نتيييي شنوووو هادشيي درتيي

سهى مفهمات والو حدها حنات راسها تشوف دك الشخص لي ضرباتو وهي تتصدم
وطاحت للأرض شادة راسها بخوف صافي هادي اللخرة ليها وهي كتشوف ختو ديال سيد الباشا طايحة فاﻷرض شادة راسها بالدم وبهاء هزها دخلها لبيتها طاير
وسهى ناضت كتقفقف بالخلعة مشات كتجري جابت كاس ديال الما كترشوو عليها هاد اﻷخيرة لي بدأت كتحل عينيها مخصرة وجهها بفعل اﻷلم

ليلى : ايي راسي
بهاء : ششش متحركيش غا ضربة سطحية
سهى شهقة مورا شهقة حابسة البكية ديالها حتى انفجارات قدامهم مقاداش تحبسهم كثر
سهى : اهئ اهئ والله ما شفتك اختيي ليلى يحسابليا أ اميين ولا شي حد جااي يقتلنيي
ليلى : شش صافي متبكييش لاتسمعك ماما تدير لينا كنازة هنا
سهى كتشوف فبهاء بنص عين : وو و و مشفتكش فاااش جييتي حق الله اما كون درت بحساابك اختيي سمحيي ليا
(رجعات تاني كتبكي) حتى غوت بهاء قفزها
بهاء : صااااااافيي سكتينا قالت لييك متبكييش ولا !!

سهى مسحات دموعها بالخلعة : أ ا صافي منبكيش منبكيش

بهاء : ونتي (ليلى) واش مقصحة نييت نديك للطبيب ولا غا مفلقة وكتبوحطي

ليلى عوجات فيه وجهها : جات معاك
رجعات شافت فسهى وقالت
ليلى : معندك علاش تبكيي احبيبة انا بيخير ونتي مقصدتيش تضربيني ياك

سهى حركات ليها راسها بلا والدموع فعينيها وبهاء خنزر فيهم بزوج وقال

بهاء : يلاه نتي (سهى) رجعي لبيت سيف تنعسي ولا دخلي لبيتك
ونتي (ليلى) إلا مقصحة نوضي نديك للطبيب ممقصحاش طفي ضو تكاي تنعسي خلي ليل لماليه 

خرجات سهى طلعات لبيتها كتجري وكتقففق بالخلعة
وبهاء ضار غيخرج فحالو وهي توقفو ليلى بكلامها

ليلى : تلاقيت نرجس ففرنسا
بهاء ؛ هممم
ليلى : قالت بلي وجدو ليها الوراق وأخيرا غتقدر تجي للمغرب تاخد ولدها
بهاء : اقسم بالله وباش كيحلفو الرجال لاخدات هاد الولد حتى نخسر عليها ايطرو مازوط نحرق قحبة مها ونمشي عليها للحبس