🌻. الجزء الثامن. 🌻
🌻. من رواية عذراء الباشا 🌻
🌻 للكاتبة:اميمة الحسناوي.🌻
بهاء الدين : اش واقع هنا
سهى غير سمعات صوتو رجعاات لور كتزحف على رجليها وحنات راسها كتترعد بخوف بينما عثمان بدا يدوي
عثمان : هااديي اسيد البااشاا بنت عمك الشيخ احمد قصدتها لدار باها وقصدت الحلال قدام كاع الناس وفالليل كنتفااجئ بيها مااشي عزبة اسيد البااش انا جيت طالب فعدلك اسيديي
بهاء شاف فسهى وفحالتها ورجع شاف فعثمان كيضور كيطرطق فعنقو
بهاء الدين : عاود شنو جيتي طالب
عثمان توتر : العدل اسيدي
بهاء الدين: واخا دخل للصالون سبقني
دخل عثمان للدار مخلي بهاء الدين كيشوف فسهى بنظرات تقزز من الحالة لي وصلات ليها وقال
بهاء : دخلي نتي نيشان طلعي لبيت ليلى تسناي تما حتى يتحل امرك
ضياء : وااش مكتشوفش حالتها كيفااش غتقدر حتى تطلع فالدرووج مشفتييش دك الجاهل شنو دار فيها هاادا خاصو ضروري يتعاقب انا مغنسمحش ليه يدير فيها هاد الحالة ونسكت لييه
بهاء غمز ليه : ااانا غنتكلف بيه نتا سير عيط لعمك ومراتو يجيو يشوفو بنتهم المصوونة والمصيبة لي دايرة
خرج ضياء فحالو معصب بينما بهاء وجه نظرو لسهى وقال بصوت شبه مسموع كلمات زادو الملح على جراحها
بهاء الدين : اصلا شنو كنت غنتوقع من بنت الشيخ الحمد الطماع وبنتو خارجة الطريق
سهى علات فيه عينيها بصدمة من كلامو الجارح وحالتها تشفي العدو
بينما سمح فيها تما ودخل للدار تلاقى مو فايقة مخلوعة والخدامات مستفين موراها
رحيمو : اش واقع اوليدي واش كيدير ولد الشريف عوماار عندنا فالدار فهاد الساعة من الليل .
بهاء : جا يتبرى من مراتو اميي طالب العدل وباغي يتحقق عليها حكام الزانية
رحيمو حطات يديها على فمها : اويلي لا
بهاء : ايه
رحيمو : استغفر الله لا حول ولا قوة الا بالله سهيلة راها بنتي كيفما هي بنت كلثوم وانا عارفاها ماشي ديال هادشي
بهاء : الله يهديك امي اشغتتسناي من بنت واحد باع بخوه وغدرو باها غدر خوه وهي غدرات راجلها انا حرت اميي فهاد الحكاام انخلي باها يشوف شنو يدير فيها
رحيمو : هاكداك احسن اوليدي بعد راسك من هاد الحكام حنا ما نقدروش نقتلوها ومنقدروش نسامحو ليها فعلتها يقولو شيخ القبيلة سيد الباشا سامح وغض عينو على الخطيئة راه مكيحكمش بالعدل اللهم خليها منها للباها إنشاء الله يسمح ليها ويسترها راها كتبقى بنتو وباقا صغيرة مسكينة ومعندها عقل
بهاء : غالي دارت شي كارثة قولو باقة صغيرة ومعندها عقل صافي اميمتي خرجي شوفي اش ديري ليها راها مليوحة برا
خرجات رحيمو بالزربة لعندها لقاتها معنقة ركابيها وكتبكي حالتها تشفي العدو
رحيمو : الله يابنييتي وشهادشيي الله يابنيبتي هلكك عدو الله الله ياخد فيه الحق الله الله على بنتي الصغييرة ودرتيبها لراسك مدارها ليك حد
YOU ARE READING
عذراء الباشا
Romance🔥🔞🔞🔞🔞🔞🔞🔞🔞🔞🔞🔥 مكتملة 🍁يحلل النشر مع اﻹحتفاظ بإسم الكاتبة اميمة الحسناوي ونفس للكوفر والتقديم🍁 مليتو من القصص المتكررة نفس اﻷفكار والسيناريوهات كيتعاودو اجيو للهنا جبت ليكم اﻹختلاف والتغيير ديما كتقراو قصص كيكون البطل#سفاح#مغتصب ويقدر...
