عذراء الباشا

الجزء:23#بهاء الدين 😍 سهى

🌻 الجزء الثالت والعشرين 🌻
🌻 من رواية عذراء الباشا 🌻
🌻 للكاتبة اميمة الحسناوي.🌻

بهاء : واش نديك للطبيب ؟؟
سهى غير حركاات ليه رااسها بلا وتكات راسها على الكرسي كتتنقس وهو ضار شاف فسيف مخنزر
بهاء : شفتييي شنو كيوقع فاش مكنسمعوش الهضرة
سهى : انا بيخيير صاافي غير الخلعة كتدير ليا هاكدا
سيف ممسوقش كاع ليهم بالو كولو مع اﻷلعاب
وسهى شافت فيه مبتاسمة كتداعب شعرو وقالت
سهى : ننزلو ؟؟
سيف بفرحة : اه اه اه
نزلو وسيف شاد فيدين سهى بفرحة بينما بهاء غير تابعهم من اللور داير يدييه فجياابو وحاضيهم
وسيف لي شافها خاصو يطلع فيها وسهى حتا هي فرحاانة كتنقز معاه
طلعو لوحدة عالية كتضور فالسمى سيف بقى كينقز حدااها بحمااس بااغي يطلع وسهى ضارت شافت فبهاء بحيرة
هاد اﻷخير لي حرك ليها راسو بمعنى اه وهي طارت على سيف بفرحة هزاتو حطاتو تم وكلساات هي حدااه كيتعاودوو ويضحكوو غير هي ويااه فإنتظار اللعبة تتحرك
ما إن تحركاات حتى بداا سيف بالغوااتاات وتخشىى فحضن سهى معنقها هاد اﻷخيرة لي كتموووت عليه بالضحك 
بهاء لتحت حاضيهم بعينيه وجبد كارو يكميي بينما نزلو كيشووف عائلات بزااف فالمكان وأغلبهم رجل مع زوجته واولاده تفكر رااسو كان كيتجنب يجيب سيف لهاد البلاصة باش ميقولش ليه فين ماما ولا علاش 
هبط عينيه للأرض كتبان ليه اللعبة توقفاات وتوقف معاها نظرو متمركز على الزوج لي كيضحكو مدوخين
سهى جات غتنزل والدوخة
الشاب بي كان حداها شافيها بقلق وقال
الولد : تبغي نشد فيك تنزلي ؟؟
سهى ولا كيبان ليها زوج من الحاجة مقدااتش تبقى واقفة تم كتر مدات ليه يديها يلاه غيشد فيها وهو يحس بشي يد تحطات على صدرو ودفعاتو بقوة خلات جسموو يرجع بضع خطوات لور
بهاء خنزر فيه وشدها من يديها وهز سيف فيديه غادي بيهم للطوموبيل ولي داز من قدامهم كيبتاسم لمنظرهم الغريب والجميل كيبانو عائلة جمييلة ومتفااهمة
فتح باب الطوموبيل حط سيف لور وجرها كلسها لقدام عاد شاف فيهم بغضب مخلط مع نوع من اﻹطمئنان على حال ولدو
مد ليهم الما وخرج على برا ضور مع العساس د الباركينغ وهز كارو كيكمل عليه
العساس : الله يخلف عليك 
بهاء : جات بلاصة خايبة هنا
العساس : لمن تقولها اسيدي الناس هنا فحال الكلاب باغيين غير فين يباركيو واخا على حساب الكسايد
بهاء : الولد عندي كانت ضرباتو طوموبيل فهاد البلاصة