#القوارير❤
🔥 الحلقة 55 ماقبل الاخيرة 🔥
👑H e m o t k 👑
_______
شرين تليفونها وهي ف الطريق
براء :ايواا
نزار :وين انتي
براء :كيف حطيت نسرين ومروحة
نزار :اخطمي علياا
براء :وين بنخطم عليك ؟
نزار :ف الحووش تواا تعالي
براء بلعت ريقها وعرفاته سمع بلموضوع :باهي حاضر
صكرت منه شرينت ماريا
براء :ايواا ميمي
ماريا :ها وينك بتجي ولا شني
براء :ماضنيتش كلمني نزار توا قالي اخطمي عليا اشبح شن يبي وشكله نتعفلق
ماريا:علاش شن في
براء :اني مدايرة فالطة تو انجيك ف الليل نحكيلك
ماريا:ديمة وانتي بي افاالطك
براء :يوخيتي مش اني مش اني ساعدت بس
ماريا: معش تساااعدي
براء :غير بري توا خلي نمشي انشوف الهم اللي عندي
ماريا: باهي باي
_______
كملت براء السواقة ومشت لي حوش نزار درست ونزلت
براء :بسم الله الرحمن الرحيم يارب اعقد لساانه في مسلانه كان يتكلك يتكلك الراقد ف الجبانة وعقدت وشااحها (مافيش حد ميديرش فيها 😂😂)
خشت براء لقت عبدو طالع مت الملحق
براء وقفت وقعدت تشبحله
عبدو وصل فيها :بري هوني ف الملحق
براء :طبعا انت ماتنبلش فولة في فمك
عبدو:معلمي يا ماما مانقدرش اندس عليه
براء :ننن نننن 😒 ومشت للملحق
اصيل:شن في احكيلي مني هدا اللي براا
نزار :تو نحكييلك باهي صبر بالك خلي اتجي برااء
براء تسمع فيهم يتكلمو طقطقت ع الباب وهي خايفة
نزار :افتحلها
اصيل:بنخليكم بروحكم بعدين احكيلي بروحنا ومشي فتح الباب
براء :اهلا شن الجو
اصيل:ماشية حي عليك شن داايرة من الصبح واالع راه
براء :ماديرا شي حييي علياا
اصيل :خشي واقري الفاتحة
براء: وين ماشي انت خلييك معاي حامي عليا 🥺
اصيل:لا اني مانخشش بيناتكم ومشي
براء قعدت واقفة قدام الباب وتندب في خدوودها
نزار :خشييييي
براء:احمم وخشت وخلت روحها عادية:شن الجوو خيرك تعيط خلعتني شن في
نزار ناض وقف :انتي اللي بتحكييلي تواا شن في
براء: علي شني بنحكيلك ؟ 😕
نزار :مدييريش روحك غبية باااهي لاني من لماا حكاالي عبدو واني نغلي غلييي 😠
براء : عبدوو شن حكاالك مصاار شي اليوم واني مادرت شي
نزار عيط :براااااء 😠
براء سكتت
نزار :تكلمي احسن متشووفي وجهي التااااني
براء بدت تبكي وهي تعيط عليه: شنيييي برااء برااء كل شي في رااسي اني ماادرت شي اني ..نسرين طلبت مني مسااعدة واني سااعدت بس . وتاني شيي حتى بنت عمك ماادارت شي كله من هديكة بنت عمكم اللي اسمها نوور باعتة صورها لي ولد انخليها يعني انخلي اصيل يسمع ويقتلها تعرفه انت لما يولع معش يسمع حد
نزار :اتجي تكلمييني انييي مش تمشي لي الولد لا عنده وتهددي فيه بلمسدس براااء متع زماان بح عليهاا خلاص انسيه الجوو اهووا فااهمة !! وبعدين منين تعرفيه صاحب المطعم انتي خاشتيله ف المكتب ااه ؟؟ كيف اديري هكيييي كييف
براء :مانعرفااش هوا طلب يسااعدني لقااني نكلم ف العامل اللي عنده ونتعارك معاه
نزار :قدام النااس ؟
براء :لاااا 😒
نزار تنهد ومسح علي وجهه :اني معش عرفت نتصرف معاك رااه والله العظيم معااد عرفت كيف نتصرف المشكلة انك قاااعدة تكدبي علياااا ومااتبييش تعترفي ان عزيز صاااحب المطعم يعرفك عن طرييق عماار ولاا؟! ديمة انرااجي فيك اتقولي الحق من اول مرة بااش انسامحك طوول لكن ديمة اتلفي وادووي مع انك عارفة ان مافي شي يندس عليااا
براء مسحت في دموعها :شن المطلوب مني توا ؟
نزار :شن المطلوب منك ؟؟!
براء :اي اي شن المطلوب مني؟ هزبتني ولا انشاء الله اتكون استمتعت وانت تهزب فيا اصلا انت هدا فاش فاالح وطبعا اني لان ماعنديش حد غير ربي ف الدنيا هادي مطرة نسكت ونصبر لانك انت الشخص الوحيد اللي نتحمل في كل شي علي خاطره واني ورطت روحي ف المشاكل وسااعدت لان اختك وبنت عمك طلبوني واني مابيتش ان لقبك بسبب وحدة وماتسواش يبدا علي كل لسان لكن هدا اللي نستاهله صح
نزار يشبحلها وساكت
براء تتكلم ودموعها ينزلو :كان معش تبي شي خلي نمشي بنروح
نزار : لما نبدا نكلم فيك علي مصلحتك معش تخششي المواضيع في بعضها
براء ساكتة وماتبيش ترد عليه
نزار جي وقف قدامها :ومعش تبكي لما انكلمك معش تبكي
براء :اي بكيني وقولي معش تبكي
نزار قعد يشبحلها ومش عارف يتصرف لان بعد مايولع يبدا مش عارف يتنازل
براء : وعلي فكرة كانك بتقولي هاتي السيارة ومش عارف كيف هاك خوده المفتاح وخلي واحد من اللي برا يوصلوني
نزار :اني قلت حاجة ع السيارة تواا ولا غير تبي تنكدي
براء : لا حشاني مش منكدة الجو يهبل متشوفش فيه
نزار مسحلها دموعها :اقسم بالله يا براء اقسم بالله واللي خلقني وخلق الدنيا وماعليها في ستة ايام مزال ادسي عليا حاجة ولا تتصرفي من وراااي اقسم بالله لما انخليك تطلعي سوودة بخمار لا يعرفوك ماشية لا جاية ومعش تطلعي الا ف الاعياد
براء :كتر خيرك 😒
نزار قعد يشبحلها :هيا خلاص عاد البكي وقفيه
براء :بنروح بعد ادنك لوسمحت حول
نزار :براااء خيرنا عااد
براء :ماهو لما نتهزب بطريقة هادي واني علي خاطرك انت واصيل درت هدا كله حتى هدا ظلم
نزار :باهي اللي مش ضاربك
براء :هدا اليوم اللي بتنسى فيه صورة وجهي
نزار حضنها :تعالي جاي ومنغير جو متع تهديد
براء :حول حول
نزار قنط عليها :خلاص عااد توا حطي كلامي خرصة في ودنك وخلينا يا محلانا مزال ايام ع الصوابع وتبدي مرتي خلينا راايقيين
براء تدلع :لا حرجت خلاص حول ومش خلاص عاد اسمها اسف
نزار :خيرنا عاد هيااا خلاص ياسر من الدلع يلا عاد
براء شبحتله: يعني بينقص منك كان تأسفت حول حول
نزار :خلاص اسف اسف وانتي اللي غالطة وتخلي فياا نتأسف ونبدا تحتك زي الحمااار ان كيدهنا عظيم حق والله مشكلتي نحبك بس
براء ابتسمت ابتسامت نصر وهي في حظنه : حشاك حبيبي انت تاج راسي وكلمتك فوق راسي
نزار :لا اله الا الله مش توا كنتي تعاندي
براء :هدا كله لانك تأسف شوفت كيف التفاهم يجيب حل
نزار :انتي شن ديري ؟
براء :شني 🙄
نزار :ديمة هكي ديمة نعارك ونعيط وانقول هادي لما انشوفها بنقتلها نلقى في روحي نتأسف ونحضن شن في ياانااس !؟
براء ضحكت :تحبني بس 😌
نزار :لا اني مش طبيعي
براء ضحكت :مافيك شي هي اني مشيت تاعبة بنروح نرقد
نزار :وزي ماقلت كلامي هني تحطيه تسمعي فيا لان المرة الجاية بجديات بتكون
براء : حاضر هي باي ومشت طلعت
