#القوارير🛡
🔥الحلقة العشرون 20🔥
👑H e m o t k 👑
_____________
تاني يوم الساعة 11:00 الصبح
نزار حاصل ف الباب مع مالك يركبوله فيه
وبراء اضم ف الديار فوق والشغاالات اينضفو ف الحمامات والكوجينة
نزار :تعالو الحمو هادي هني خلي نطلع ناخد سبسي
وطلع سبسيه وولعه وطلع برا يدخن
براء حاطة التليفون علي ودنها وخطمت من جنب نزار اي اي بعده طوول ع اليمين اهو تلقاني قدام الباب
نزار: ف من تكلمي وين طالعة تعالي
براء :تو انجي
نزار يشبحلها من بعيد وفجأة ادرس سيارة مرسيدس رصاصية ونزل واحد لابس رسمي وكان جنتل وحلو
نزار تعفلق ومشي قدم جييهتهاا
مؤيد:سامحيني لو الورقة مش مهمة ماكنتش جيت
براء:اني الملزومة انت اللي سامحني تعبتك
مؤيد حط الورق ع السيارة: هاك وقعي
براء شدت الورق وتقرا فيه
نزار :احمم مني حضرتك
مؤيد شبحله وابتسم :اني محامي المدام وشبح لي براء خوك هدا
براء شبحت لي نزار وسكتت:اااء لا مش خوي هدا
نزار :ولد خالها 🙂
براء:😒
احمم وكملت تقرا ف الكلام المكتوب ف الورقة ووقعت تمام اهو وقعت في شي تاني
مؤيد :لا تمام طبعا بعتنا ورقة لي السيد عمار لاكن ماجاناش اي رد منه
براء:امس سمعت انه في مصحة نفسية يمكن مش عارفة امتى يطلع الحق
مؤيد:كويس الخبر هدا في صالحك خلاص اني انكمل الاجراءات وانبلغك بي موعد الجلسة الاولى امتى
براء:باهي تمام بارك الله فيك
مؤيد:يبارك ف الجميع هي توصي شي
براء:لا سلامتك
مؤيد ابتسم وركب ف سيارته ومشي
براء:خيرك تكدب ع الولد
نزار:وانتي خيرك موكلة محامي لي قضيتك مش عندك صاحبتك 😠
براء:وانت شن دخلك فيا
نزار شدها من ايدها بلقوة
براء ادف فيه:حووول ايدك ما تستقواش عليا
نزار:اخرلك مرة اتقولي مادخلكش فيا فااهمة
براء ضحكت بهزوة:والله!!امالا شن تبيني انقولك هوا خوي وماخليتاش يتحكم فيا بتتحكم انت
نزار بتكشيخ:مش خووك اني .. اني نزااار 😠
براء:واني برااء ب ر ا ء براااء افهمها وحطها هنيي واشرت علي راسها مانيش حد تاني فييق
نزار قعد يشبحلها وساكت
براء دفتله ايده ومشت خشت
نزار وهوا متعفلق ولع سبسي تاني وقعد واقف يدخن
جي مالك درس سيارته ونزل
مالك :شني كملتو
نزار :مزال يلحمو قاعدين
مالك:وانت خيرك قالب وجهك
نزار:من البلي اللي مش عارف اصلا اني شن دخلني فيها لاكن اني الفااسد
مالك :مني؟
نزار :براااء😠
مالك:تي شن دارت خليتكم مع بعض ساعة انجي نلقاكم والعين ف بعض
نزار:برا كلمهاا خير مااقسم بالله اندير تصرف حماار وتعرفني انت لما نفصل وحاليا قاعد نعتبر هادي 😠
مالك مشي منغير مايتكلم ركب لي براء طوول
براء:باهي تو انكلمهم يرفعوك غير شني البنت توا
زينة:باهي الحمد الله الحرارة نزلت لاكن قاعدة مسخسخة اني والله مانبي نمشي لاكن مقدرتش وفات فيها وكلمتني
براء:معليشي بري حتى شوية وري وجهك ماعندها حد هي لاكن اتصدقي متوقعتهاش بكل انها ادير عرس
زينة:علي خاطر بوها ماتبيشي ايزيد يمرض قالها لازم اديري عرس وماتحرمي روحك من شي
براء:باهي اللي اقتنعت بي حاجة لان كان مادارتش بتندم طول عمرها هوا مرة ف العمر
زينة:اي حق هي خلي انوتي حوايج لي الماس وانتي كلميهم
براء:باهي واني تو لما بنروح نخطم عليك
زينة:نش رفعك مالك
براء:لا جيت بسيارتي
زينة :باهي تمام هي باي
براء تشاو وصكرت الخط وشبحت لي مالك :طيب فيك اللي جيت
مالك:خيرك انتي ونزار معقولة نقعد انخز فيكم زي الصغار
براء:اسمع شده عليا خير ما وديني اندير تصرف مايعجب ف حد
مالك:شني انتي تهددي وهوا يهدد ريحونا ترا فوتيه وتفااديه لين تكملي مصالحك وهوا يكمل مصالحه وكل واحد ف طريق
براء:اني كلمته امس وقتله معش نبي منك شي صحيت ولا هني ياسر معش نبي نخدم قالي لا اني شغلي ماتمش معاك كلمه الله يربحك معش نبي نخدم معااكم راني عيت وتعبت 🥺
مالك تنهد :باهي خلاص غير فكوني من المشاكل بالله عليكم متخولنيش بيناتكم
براء :اني متفادياته لاكن هوا شادها ف جرتي
