#القوارير 🛡
🔥الحلقة الثامنة 8🔥
👑H E M O T K 👑
______________
اصيل تلفت :شوفه يا مرتيلا وين مشي
براء : خوك هدا ؟
اصيل: ولد عمي وخوي بدم ووراها كف ايده
براء: كيف يعني ؟
اصيل: بما انك بتخدمي معانا ف عبدو يحب يدوي هلبا هوا يفهمك كل شي اني طالع
براء شبحتله :تي مني عبدو
اصيل وهوا طاالع :يااا عبدوو
براء تنهدت : شكلها الايام الجاية مغبرة
عبدو:ها يا حبي
براء:😒
اصيل:قعمز فهمها شن شغلها بزبط وتبي تعرف مني اني ومني اللي معاي ودير جوك
عبدو جبد كرسي وقعمز مقابل براء :شوفي جاي ياحنة وولع سبسي
براء :اطفيه منحباش
عبدو:ردي بالك اتعاويها الكلمة هادي حني هني مافيش واحد فمه فاضي
براء: والنبي 😒
عبدو:فوتي الدخان توا خلي نحكيلك هدا اللي طلع توا اسمه اصيل واللي شدك ف الجمرك اسمه نزار هما صغار عم لاكن مجيوبين في نفس اليوم واتربو في نفس الحوش عند حناهم وجدهم ولما اتوفو كانو اصيل ونزار كبار ف ماتقبلوش انهم يولو لي حوش جدهم ف
براء :انت بتحكيلي قصة حياااتهم
عبدو :اي صح ماليكش علاقة بيها انتي .. المهم هما توا اتخاو بدم زي ميقولو ناس زمان
براء: كيف يعني
عبدو:يعني يجرحو كف ايدهم ويخلطو دمهم مع بعض
براء: اععععي 😬
عبدو: نزار عنده عداوة فوق ماتتصوري مع عيلة الرايس هما السبب في تدمير حياته
براء :شن داروله؟
عبدو :اني توا مالياش الحق نحكيلك الموضوع هدا لاكن كان المعلم عطاني الضي نحكيلك عادي
براء :باهي امتى بتطلقوني انروح
عبدو :مزاال وناض وقف
براء :وين ماشي ؟
عبدو: شني تبيني نقعد اندير هني يعني
براء:هدرز عليا
عبدو:تي جايبينك وقالو وتو يبرة مهدء بتفيق اتعيط وينه ماريت شي
براء :فقدت اعصابي شوية واني غادي هدا علاش
عبدو:والقيتيهم توا
براء :شن هما ؟ 🙄
عبدو: اعصاابك 😂 ومشي طلع
براء :عصابة ولا شني هادو ؟
________________
رعد درس سيارته قدام حوش الرايس ونزل
رعد: عمااااار عماااااار 😠
الحرس :تفضل خش علاش تعيط
رعد :حول وين عمااار يا عماااااار
طلع شعبان وطه
شعبان :خيرك تعيط يا ولد سعد
رعد: وينه ولدك اللي مداير روحه رااجل وين
شعبان:احترم نفسك راجل غضبن عنك
طه :اطلع اقلب وجهك خير مانصفيك
رعد: امشي نادي علي خوك منغير تفحيج برا
طه تعفلق وكيف بيقدمله شده بوه
طلع مازن :رعد! خيركم
شعبان :خش انت براا
مازن:شني خش شن في
فردية:خيركم ياشعبان وشبحت لي رعد خيرك يا ولدي شن في
رعد :مانيش ولدك اني وخليك مع المجارم تو ينفعوك
فريدة :لا امتى بتقعد قاسي عليا ياولدي والله لا انحبك مش كان خليتك معناها نكرهك
رعد:اني مش جااي علي خاطر الموضوع هدا توا بنتك وين تندري عليها اااه؟؟؟ عارفتيها شن ادير ؟ وطلع تليفونه شووفي شوووفي 😠 من الصبح اندور فيها وبعدين واني جاي توصلني رسالة اختك اتهرب في مخدرات وانشدت في حدود الجمرك ولا وين ... عااارفة الكلام هدا انتي ولاااا لاااااا اتكللللللللمي
شعبان ضحك بخبث : احمم هي هي احترم امك ياولد مانسمحلكش تعلي صوتك عليها
رعد: الفااااسد ولدك وين اكيد هوا اللي بااعتها ويييييينه 😠
فريدة حطت راسها لوطة وسكتت
رعد خبط علي راااسه وتلفت : وين بنمشي وويييين بندوورهاا ويين تييي كيف تخلي بنتك تخدم هكييي كيف انتي ام انتي ؟؟ تي انتي مرت البو احن منك عليهاا
