#القوارير🛡
🔥الحلقة التانية والثلاثون 32🔥
👑H e m o t k 👑
_____________
عند ماريا في حوش اماليها
كانت نايضة من التماانية تقييس لي بوها ف السكر والضغط وخايفة عليه رجعت اتكت شوية ونااضت مخلوعة شافت بوها لقاته راقد وشافت تليفونها لقت مالك مش متصل بيها بعتتله رسالة: اتصل بيا لما تفضى ورجعت رقدت تاني وناضت علي صوت امها
فريحة:ماريااا ياا مارياا
ماريا ناضت تجري: شني شني بابا فيه حااجة تكلميييي
فريحة: قالي دخلييني للحمام اني كيف انووض فيه طااح نووضيلي ياحليلي نوضي 😢😭
ماريا طلعت تجري منغير تفكير وهي ترعش طبست علي بوها :بابا بابا بابا رد علياا حبيبي🥺 انت مافيك شي اني عاارفة اكيد زي كل مرة اكيد رد علياا بالله علييك رد عليااا 😭
فريحة:نوضي بسرعة البسي عباايتك خلي انطق علي حوش مفيدة خلي اتكلم ولادها ينزلوه
وطلعت
ماريا تبكي وترعش حطت ايدها تحت رقبت بووها وادور ف النبض وتبكي بهستيريا
شوية وخشت امها تجري : تي انتي قاعدة هني مش قتلك البسي حاجة نوضي فيسع الولاد جوو
ماريا طلعت تجري من الدار خشت لي دارها لبسة عباايتها ووشاحها وخدت مفتاح السيارة وشنطتها شافت الفلوس لقت فيه شوية خدت التليفون وطلعت لقت الولاد كيف خشو لي بوها
ماريا:من بيقعد مع سونة كيف بندير فيها
فريحة:غيير بري انتي مع بووك اني قااعدة
ماريا مشت تجري مع الولاد تعاون فيهم لين قاموه نزلوه لي سيارة ماريا ومشت بيه تجري و لحقوها الولاد
ماريا تبكي وتتصل بي مالك يعطي فيها مقفل تعفلقت ولوحت التليفون وكملت سواقة
اتصلت بيها براء
ماريا ردت طوول تبكي :برااء
براء ناضت وقفت وعروقها جفو: شن فيي
ماريا:بابا طااح علياا ياابراااء خاايفة تعاليلي بنرفعه لي نفس المستشفى اللي دار فيها العملية الحقيني ونبيك تكلمي تييم كان عندك رقمه تربحي
براء تسمع فيها تتكلم ماقالتش حتى حرف :اااء باااهي باهي جاايااتك متخافيش وناضت تجري
زينة:شن في
براء:بوها طاح عليها
زينة خبطت علي قلبها:حي علياا شن صارله
براء تغير في حوايجها :مش عارفة اني ماشية وخدت التليفون اتصلت بي تيم ميردش عليها
براء خيرهم ميردوش الزززفت وتلفتت فتحت الخزنة طلعت دفتر شيكات كتبت شيك وناضت
زينة :كلميني بالله اول ماتوصلي
براء:باهي انشاء الله صكري الباب كوويس بلمفتاح وماتفتحي لي حد نهااائي
زينة:باهي حاضر
براء اطقطق علي الشقة المقابلة
فتحلها الولد ياكل مسح فمه :ها براء
براء:هات السيارة بسرعة
الولد:انوصلك اني
براء:لا لا كلم حد ايجيبك كان بتطلع اني مرات انعطل سيارتي مش عندي
الولد :عطاها المفتاح
براء شادة التليفون :خيرا مافيش حد يرد عليا شن في
الولد سكت
براء:شن في
الولد:ااء صاير استنفار
براء:علي شني شن في
الولد: الروس الثلاثة مختفين صار انفجار كبير ف الجمرك والثلاثة اختفو
براء نزل عليها الخبر زي السااعقة قعدت واقفة وتشبحله :شني ؟ك كيف انفجار يعني مالك ونزار واصيل الثلاثة في الانفجار كانو
الولد هز راسه: اي والثلاثة مختفيين والدنيا مقلووبة يدورو فيهم
براء نزلت تجري ووركبت ف السيارة ولعت وطلعت لا تسخين لاشي ماشية طوول لي حوش مالك
