#القوارير 🛡
🔥الحلقةالسابعة والعشرون 27🔥
👑H e m o t k 👑
___________
براء راقدة ف سريرها وتهدرز علي نزار
نزار :نحس في روحي متهتك وتاعب ليا هلبا معش رقدت مرتاح
براء:باهي ارقد توا علي الاقل حتى اتنوض التمانية تبدا شبعان نوم
نزار :براء
براء:نعم
نزار :نبي انقولك حاجة نحس في روحي لازم انقولهالك توا
براء سكتت شوية:قول شن في؟
نزار :الايام الجاية يمكن اتكون صاعبة شوية واني مش عارف شن بيصير ولا اني وين بنكون لاكن نبيك تعرفي شي واحد
براء قصت عليه وناضت قعمزت :غير شن اتقول كيف مش عارف شن بيصير نزار متخوفنيش اني مش ناقصة
نزار:براء اني مانبيش نكدب عليه لاكن اني مش عارف الايام الجاية كيف بتكون ويمكن الصاعب اللي نحكيلك عليه يبدا من غدوا .... براء اني من اول ماشفتك واني انحااول انسي في روحي بأي شي ونبي صورتك تقعد محفوظة في داكرتي مش عارف لانك تشبهي لي هنادي ولا اني نبيك انتي
وصلت لي درجة ان لما انقول في اسم هنادي ملامحها امتسحو من راسي بديت انشوف فيك انتي براء اللي نبي انوصلهولك ان حتى اتصيرلي حاجة نبيك تتأكدي انت انتي من النااس اللي غالية علي قلبي واللي لو مامتش حنطلب انشوفها اول مانفيق
براء دموعها نزلو:نزاااار اسكت اسكت بالله عليك شن اتقول شن هوا اللي بيصير وعلاش تتكلم هكي
نزار ناض قعمز :انتي عارفة طبيعت شغلنا وفي مواضيع هلبا صايرة ولو ماحليناهاش توا عمرها ماحاتنحل
براء:نزار ضاايقتلي خلوقي ياريتك ماقلتلي معش نبي نسمع شي يضايق بالله عليك
نزار :باهي ياعمري اسف لاكن اللي انقولك فيه واقع لازم تهيئ نفسك لاي شي
براء:مانبيش انهيئ نفسي لي شي خليني مرتاحة بالله
نزار ضحك:ياهي خلي انغير الموضوع قمتلك حضتك من تورطة امي
براء: حتى اني قمتلك حصتك
نزار :باهي تعالي الصبح غدوا
براء:باهي انشاء الله تصبح علي خير
نزار :تلقي الخير
براء صكرت ومعش جاها نوم من الكلام اللي قاله نزر
نزار صكر منها وناض طلع للبلكونة ويدخن ويفكر ف الجاي كيف بيكون
______________
الساعة 4:00
مالك راقد في في سابع نومة
وماريا نفس الشي وعاطياته بضهر
ناضت سونة تبكي
ماريا تلفتت وحطتلها الزلباحة في فمها
سونة ادف ف الزلباحة من فمها وتبكي
ماريا ناضت قعمزت :اوووف الصبر مالك مالك
مالك:هممم
ماريا :افتح الضي شن الخدمة العوجة معقولة تاكو واحد لي زوز سهارات
مالك راقد
ماريا :ماالك انكلم فيك ... وجت بركت فوق بلعاني وولعت السهارة
مالك ضحك وهوا راقد :علي اساس تزعجي فيا يعني وتلفتلها هادي احلى حاجة ف حياتك ممكن اديريها
ماريا قامت المخدة وضرباته بيها علي وجهه
مالك حضن المخدة ورقد
ماريا دارت الرضعة لي سونة وعطتهالها شربتها وكملت حطتها ف مكانها وصكرت الرضعة وكيف بتنوض باش اتصكر الضي ناضت تبكي تاني
ماريا: والله اني اللي بنبكي شن تبي يا ماما حرام عليك غدوا بنوض بكري وجت قامتها تاني تهز بيها وهي كل شوية تقوي ف العياط ناضت وقفت بيها وتزازي يا حلييليي يااربي خيرها هادي
مالك ناض قعمز :هاتيها جاي تعالي
ماريا:ماتبيش لوطة بتزيد تعيط
مالك ناض وقف وجي خداها منها ويسكت فيها وهي شي لا قالت نسكت
ماريا: الساعة اربعة ونص مش عارفة غدوا كيف بنمشي
مالك:ارقدي انتي تو اني انشدها
ماريا:مش حيجيني نوم اصلا وهي تبكي
مالك:باهي بري لي دارك
ماريا:افهم مش حيجيني نوم وهي وتبكي مستحيل
مالك:يهز بيها هي هي خلااص خلااص كل ليلة هكي هي
ماريا:لا قبل تاخد رضعتها وترقد طول
مالك:باهي بالك بطنها توجع فيها
ماريا:شن انديرلها زعما
مالك:اتصلي بي امك ولا زينة اكيدة تعرف
ماريا خدت تليفونها واتصلت بي زينة
