#القوارير 🛡
🔥الحلقة التانية والعشرون 22🔥
👑H e m o t k 👑
______________
مالك:اللهم صلي علي رسول الله 🤤
ماريا:بلا دوة زايدة خش معااي نرقصو شوية واطلع
مالك قرب منها ولف ايده علي خصرها
ماريا:وخرر 🤨
مالك:مانقدرش 🤤
ماريا دفاته:اسمع الحركات هادي فوتها لان مش حتجيب معاك نتيجة خليك محترم خير
مالك ضحك: عيب عيب تهددي راجلك يوم العرس تحشمي
ماريا قلبت عيونها
طقطق الباب وتكلمت براء من برا :هياا اطلعو
فتح مالك الباب
ماريا تلفتت ع المراية تساوي في روحها
مالك: قمر 14 مايستحقش اتشوفي للمراية
ماريا تلفتت :هياا
مالك فرد روحه كويس وتلحلح وتني ايده وماريا شنقلت ايدها فيه وهي لحمها يرعش منه ماتبيش اتمسه
ماريا:شوف منقبل منخشو الحركات السخيفة فوتهم قدام الناس فاهم
مالك ضحك :مش اثقة فيا معقولة موقع عقد اني
ماريا قلبت وجهها
براء:اضحكي تبي اضحكيهم عليك
ماريا :حقاا شكلي متعفلقة قصدك احمم وابتسمت هكي باهي
براء : اي خليك طول الوقت هكي لين تتشكلي
مالك السعادة الف وخاش بهيبة وهوا شاد ماريا وانفتحتلهم اغنية الا اله الا الله متع حسين الجسمي
فريحة واقفة جنب اول طاولة وتشبح لي بنتها وتبكي
اسلام :ريتي ريتي دخلااته دخلاته مكرة فينا راه
انعام:ماهو حتى حني قداش فروخ كان هدا لا انكلموها لا انجو جنبها
اسلام:لاكن مشاء الله عليه العريس مش خاطي
انعام :باهي اللي ماجتش احلام كان هدا راهو ختشت هي مسد عرسها جي امرمد مسد عريسها زي المتروشق ويومين واطلقت اتقول عين
اسلام: اي عين يوخيتي ديمة حاجتنا فيها الحليوة محسديين الله اكبر
(طبعا في منها هلبااااا النمادج هدي وفي كل عيلة تلقيهم وعندهم اي شي ايصير عيين !! مافيش حاجة اسمها قضاء وقدر مافيش حاجة اسمها ربي يمهل ولا يهمل ولا نتقاضى في شر اعمالي لا لا مايلعبش عندهم هدا كل شي عييين والناس كلهم حاسدينهم 😒 ... ويييع المهم توااا ⬇️⬇️)
طبعا مالك وماريا يمشو والمصورة قدامهم
ماريا: انت جايبها المصورة 😁
مالك ضحك :اي اني علاش
ماريا :مطلبتش منك اني 😁
مالك:صدقيني حيجي يوم وتشكريني لاني درت هكي لان وقتها مش حتلقي ولا صورة للدكرة 😄
طبعا زعميتهم يهدرزو ويضحكو قدلم الناس وهما عراك
ماريا:امشي كويس مالك بطيح فيتي علي خليقتي 😁
مالك:انتي الخرا اللي لابستيه كبير هلبا والستيج ضيق كيف اندير يعني انطير؟ 😅
ماريا عترت:تعرف بنطرك من فوق 😃
مالك وقف وقامها
ماريا شهقت والناس كلهم يضحكو
ماريا: الله يلعنك ويخزيك حسبي الله علي اليوم اللي ريتك فيه وتشبح لي بنات خاالتها 😅😅
براء اتصفرلهم واتصفق: 😂😂
ومرح تضحك وتصفق
زينة:اكيد ماريا متعفلقة غير اتمتل واضح شكلها 😂
الماس :ماما مايا عرووسة نبيها
زينة:باهي يا ماما مش تواا اصبري لين يطلع الراجل
مرح جت جنب زينة:طالعة تهببل
زينة:حتى انتي طالعة قنينة اليوم
كريمة:يوخيتي الغزال هدا وين حصلاته ماريا
براء:لا قوة الابالله صلي ع النبي يا كريمة
كريمة :مصلي علي رسول الله متخافيش عيني عليهم باردة😂
