#القوارير🛡
🔥الحلقة التاسعة 9 🔥
👑H E M O T K 👑
_____________
ضحى سمعت رزمة ناضت وقفت وخشت ومشت وين ماتبدل نسرين لقتها طايحة والدم طاالع من خشمها
ضحى عيطت:نسريييييييين 😨 وقعمزت قدامها تخبطلها علي وجهها مافاقتش يااااكرييييييم كرييييييييم تعااالا اجري
خش كريم يجري مخلوع :خيييركم وشاف لوطة لقي نسرين طايحة وخشمها دم بدون مايتكلم طووول قام نسرين وطلع بيها يجري
_____________
جي اصيل وشاد باكو في اديه وقعمز جنب نوار تخت الشجرة :هاك كول من الصبح علي لحم بطنك
نزار :ماعنديش نية فوته
اصيل :لا مش زي ما تبي كول احسنلك
نزار ضحك ع الجنب :شن بديرلي يعني
اصيل ضحك : انبيتك في دار الخزين
نزار ضحك: الله يرحمها ويوسع عليها هي وجدي
اصيل تنهد :من يوم اللي اتوفت حناي بدت الدنيا ماليهاش طعمة وحتى جدي متحملش فراقها ولحقها طول
نزار : مرات انقول يا ريتني قعدت صغير وماكبرتش بكل
اصيل:ياريت وكوول متلهينيش بدوة
نزار فتح الباكو وياكل :شن دارت نسرين لما بيسحبو منها الدم
اصيل:عروقها هربو وولت صفراء قعدت الممرضة ساعة تهدي فيها وتهدرز عليها باش ارتخت وسحبو منها الدم شيبتني
نزار ضحك:ديمة هكي
اصيل:نسألك سؤال
نزار شبحله
اصيل :مزال تبي تقتلها البنت بعد ماعرفت قصتها ؟
نزار :هي السبب في موت هنادي اولا وتانية منسيتش ان نبي ننتقم من عمار بيها
اصيل:انت تسحاب لو عمار تهمه براء كان خلاها تمشي للجمرك بروحها افلام زايدة متع انه يحبها ويموت فيها رااه
نزار :مبدئيا اني توا بنخليها تخدم معانا ضدهم واني توا مش قادر انفكر كوويس عقلي مشغول في موضوع نسرين نطمن عليها قبل ونفضالهم
اصيل تنهد :اسمع بنقولك حاجة وخايف يطلع كلامي صح
نزار :شني
اصيل:نسرين نحس فيها مريضة حق زي ماتوقعت مش معقولة الاعراض كلها تحس فيها بزبط وجيت انوض فيها الصبح لقيت مخدتها دم نازل من خشمها
نزار حط اللي في ايده وشبح لي اصيل بتوتر : هادي مش اول مرة اتصيرلها اني مش عارف لو طلعت مريضة حق شن ممكن يصير فيها من الفكرة نفسها بس
اصيل سكت
شرين تليفون نزار طلعه من جيبه :ايوب هدا ورد ايواا
ايوب :ايواا ها يانزار وين انت
نزار: ف الحوازة شن في
ايوب : جت دورية شرطة لي حوشكم فتشو الحوش وخدو بوك ومشو ومنعو اي حد يلحقهم واني وبوي قدام المركز مابوش يخششونا
نزار :اما مركز
ايوب :مكافحة المخدرات
نزار ناض وقف :مكاافحة المخدراات
اصيل وقف جنبه:منيي ؟
نزار :ماشي جااي جااي صكر نزار الخط ومشي يجري
اصيل وراه:مني اللي شدوه
نزار:بوي اركب بسرعة
عفس نزار وطار زي الصاروخ للمركز
___________
درس مالك قدام مكتب ماريا
براء : الفااسد خلا البنت بلحرس والله لما ايشوف عليها
مالك:مش قلنا بتعامليه كويس الفترة هادي
براء نفخت:اوووف مش عارفة كيف بنصبر عليه
مالك:تحملي علي خاطر روحك وعلي خاطرنا
براء: طول عمري مضحية اصلا بتجي غير علي هاليومين هادو
مالك :تحملي مابعد الضيق الاالفرج
براء :حقا بنسألك
مالك:شني
براء :خيره هداكا امبكري اللي قعد يضرب ف الرصاص واصيل ولا مني قعد يأشر عليا مافهمت شي اني
مالك تنفس :من الاخير قالو ان انتي نسخة طبق الاصل من خطيبته اللي ماتت بنت خالته هي وعمار هوا اللي قاتلها وقتلها لان تشبهلك برضو
براء غمضت عيونها وانصدمت :انشاء الله هوااا 🤦🏻♀️
مالك :مني ؟
براء :تي اتلاقيت معاهم ف المستشفى وتعرفت علي اخته وعطتني رقمها وبعتتلي حتى صورت البنت اللي تشبهني ... وخبطت علي راسها ... واني انقول وين شاايفاته
مالك : كترت علي ماوصوها الصدف اليومين هادو
براء فتحت تليفونها وطلعت الصورة :شوف يا مالك شوف
مالك شاف الصورة:سبحان الله😳 وشبح لي براء تي هادي انتي
براء : حي علياا وجعني الولد الزفت ياريتني ماقتله بنخدم معاكم
مالك:تي لا لا هوا ماقالك اخدمي الا وعارف شن بيدير وزي ماقتلك اني مسحيل انخلي حاجة تأديك طول ما اني معاك
براء سكتت وهي سرحانة
