#القوارير 🛡
🔥الحلقة التاسعة عشر 19🔥
👑H E M O T K 👑
_____________
اصيل طبس راسه وباسلها ايدها :سرونتي
نسرين ساكتة
اصيل:خيرك ساكتة 😄
جي القرسون حط العشي ومشي
اصيل:كولي كولي تو تتعودي ع الجو بعدين
نسرين ضحكت :اصيل خلاص اسكت
اصيل :باهي خلاص بنخليك تاكلي توا 😅
نسرين شدت الشوكة وبدت تاكل
اصيل:عندك علم
نسرين شبحتله بأنتباه
اصيل:ان اني انحبك 😂
نسرين:اصييل 🙈
اصيل:خلاص خلاص كولي
نسرين تاكل واصيل كل مرة يهدرز ويفتح في موضوع
وهي تفكر لما بتموت اصيل من بيتزوج هل بينسى هدا كله بسرعة ولا لا
اصيل: هيي انكلم فيك
نسرين:امم ااه اي اي نسمع فيك
اصيل:شن تسمعي فيا ليا ساعة ندوي بروحي
نسرين حطت الكاشيك وتنهدت :اني بنمشي للحمام تو انجي
اصيل:خيرك توا كنتي تضحكي شن في
نسرين وقفت :تو انجي منعطلش ومشت قعد اتشوف بعيونها لين لقت الحمام مشت خشت للحمام بكت بكت وبعدين خدت كلينكس مسحت بيه الكحل اللي سااح شوية وعدلت روحها وطلعت
اصيل يشبحلها
نسرين قعمزت :احمم وشربت امية وقامت الكاشيك تاكل
اصيل يشبحلها: علاش البكي
نسرين:مانبكيش 🙄
اصيل:كنتي تبكي
نسرين:لا
اصيل ضحك ع الجنب : نسرين اني حافظك ماتكدبيش عليا توا كنتي تضحكي ومافي شي علاش تبكي
نسرين:🥺
اصيل ناض وقف وجي قعمز ع الكرسي اللي جنبها وشدلها ايديها الزوز
نسرين:حول الناس يشبحو فينا
اصيل:ماحدش ليه علاقة بينا وتوا اشبحيلي وعينك في عيني وقوليلي شن يبكي فيك!! كان مضايقة مني علي خاطر ...
نسرين قصت عليه : لا لا مش مضايقة منك اني مضايقة من موضوع تاني
اصيل:باهي جي هكي فجأة الموضوع هدا
نسرين هزت راسها :اي
اصيل:باهي ماتبيش تحكيلي
نسرين :مش توا لما انروحو
اصيل يشبحلها :اني تندري ان لما تبدي تبكي ولا مضايقة اني يبدو خلوقي ضايقات
نسرين شبحتله وابتسمت:باهي خلاص اهو بنضحك برا كول العشي صقع
اصيل ناض وقت :تو نعرف كيف انخليك تدوي بعدين ومشي قعمز في كرسيه
_______________
ضحى خشت جنب جميلة وقربعت الباب
جميلة شبحتلها
ضحى: الخروات الزوز شن عندهم جاااين هني وحتى نسرين مهنااش وهدى مولية بكل اتبعلي في نور مش عارفة من امتى الحب الزايد
جميلة قتلها نسرين وين
ضحى:شني يما والله ماسمعتك
جميلة عاودتها وتتكلم بسيف
ضحى:ااه نسرين طلعت مع اصيل مضايقة شوية
جميلة سكتت
كريم خش للدار :ضحى
ضحى شبحتله :نعم
كريم :وين نسرين مشت
ضحى:طلعت مع اصيل
كريم:شني طلعت مع اصيل علاش طالعة معاه
ضحى:خيرك انت البنت مضايقة قاللها تعالي انطلعك ونزار هوا اللي قاله تقريباا من غير جو
كريم تعفلق وطلع من الدار
ضحى:ايشحط ف عروقة وهوا زمان داير العار
جميلة ضحكت
ضحى:حالة والله
كريم طلع مشي لي نزار
نزار يضحك :والله لا حيوان باهي خلي الراجل يا بهيم
المرتيلا :اني انساعد فيه يتخلص من الخوف 😂
عبدو يعيط : لااااا حووووله ياااا #%^$#
مالك:عبدوو ضم فمك يااراجل بو نزار هني
