#القوارير 🛡
🔥 الحلقة السابعة والعشرون 28🔥
👑H e m o t k 👑
_________________
عصام واقف بعيد وخدي رقم الطارقة وشاف نزار ركب ف السيارة ومشي
عصام: لوطلعت هي انشاء الله نقدر نوصل فيها لان هدا شكله دوولة
_________________
ماريا تنشف ف الحوش وبوها ايقولها قعمزي ارتاحي
ماريا :باهي يا بابا حاضر كملت هي شوية بس
فريحة شادة البنت وتلعب فيها
ماريا:معش جوك خالاتي
فريحة:لا امس خالتك غالية كلمتني اتسلم عليك
ماريا :النفاق الاجتماعي ماعنداش فيه بكل
اسامة ضحك : عيب يابنتي قولي الله يسلمهأ وخلاص
ماريا :مانبيلها سلام غير تخليني في حالي بس
فريحة :علاش تسألي عليها امالا
ماريا:لقيت فرختها باعتتلي رسالة ع الماسنجر تقصقص فياا قالو تبنيتي بنت مشي فتتها مابيتش انرد عليها
فريحة: اي سألتني وقتلها عليها
ماريا حطت السياقة ف الحمام وجت قعمزت جنب بوها وخدت تليفونها شافت الساعة :حي والله وقت مش عارفة نمشي ولا لا
اسامة :وين بتمشي قعمزي ماشبعنااش منكم
ماريا:حتى اني مشبعتش منكم لاكن البنات عازميني جايتهم صاحبة براء شكلني بنفوتهم
طقطق باب الحوش
ماريا :مني جاينة زعما
اسامة: نوضي شوفي
ماريا ناضت :مني
مالك : ولد جيرانكم
ماريا فتحت الباب
مالك:وتفتحي ف الباب هكي بلا وشاح لي ولد جيرانكم
ماريا:وشن فيها يعني
مالك :والله
ماريا:تي خش مبردك عرفتك من صوتك
مالك ابتسم وخش :احمم ايوا حني بديتي تحفظي ف صوتي وحول سبيدروه
فريحة:مني يا ماريا
ماريا :مالك هداا
اسامة :خش يا ولدي خش مرحبتين بيك
مالك :السلام عليكم كيف حالكم وجي سلم عليهم وقعمز جنب اسامة
فريحة:شن حالك وشن اخبارك انسكم خالك
مالك: والله الحمد الله الله يأنسك
اسامة: تغديت اووه
مالك:اي الحمد الله متغدي
ماريا :هاتيها ماما خلي انغيرلها
فريحة: هاك هي
مالك:هاتيها هاتيها
ماريا:فوتها انغيرلها قبل
مالك:تي هاتي
ماريا عطتهاله
مالك ايبوس فيها :شني اليوم داايحة من الصبح اااه شن وكلاتك عمتك ولا خلاتك جعانة
سونة تشبحله كيف يكلم فيها وضحكتله
مالك:ااا فهمتيني يا معفنة وقعد يضغضغلها في بطنها بوجهه وهي تضحك
اسامة ضحك :ربي يونسك بيها
ماريا :حيي فكني منها يا ماالك تو تقعد تبكي ف الليل
مالك ضحك :باهي هاك خوديها خلاص
ماريا خدتها من مالك بدت تبكي :ريت تواا مش كان خلييتني انغيرلها قبل تو معش بتسكت
مالك:هاتيها اني انحطهالك
فريحة:شن تشرب شاهي ولا قهوة
مالك وقف :كان في قهوة عادي
فريحة:حلوا ولا معدلة
مالك:ديريها سادة وحطي سكرية السكر
فريحة :بااه
خدي مالك سونة ودخلها لي دار ماريا
ماريا: حطها هني خلي تعيط تو تسكت
مالك:ساكتة هي وحطها علي السرير وقعمز جنبها وقعد يشبح للدار دارك هادي ؟
ماريا اطلع ف حاجات سونة :اي وبدت اتحوللها ف حوايجها
مالك يشبح لي ماريا وساكت
ماريا :وين تغديت
مالك:ف حوش خالي دايرين عصبان مش عادي
ماريا: غريبة كيف داروه كلت مرت خالك وبنتها ؟
مالك:كرستين كلت لاكن لونة لا
ماريا:حسيت اصلا اكيد برستيجها ما يسمحلهاش
مالك ضحك :ماريا امتى بتضوقيني تطيبك
ماريا: اهو عندك شغالة اطيب مش لازم اني
مالك:تي ماتعرفش اطيب ناكل من الهم
ماريا: اني مستحيل ناكل منها
مالك:حرام عليك انروح جعان مرات والله ماعندك قلب
ماريا :باهي خلاص شن تأنبلي في ضميري تو نتفاهم معاها هي اضم وتغسل المعاين واني انطيب
مالك ضحك :اصلا عارف روحي منهوونش عليك غير انتي تحاولي تخلي روحك مسمومة معاي لاكن ماتقدريش
ماريا :والله
مالك ناض وقف :اسمعي اليوم ف الليل دلعي الجو قصدي ديريلي حاجات ملاح شبعييني
ماريا صكرت لي سونة شمالها وردتلها حوايجها :هاك خودها معاك
مالك خداها وطلع بيها قعمز جنب اسامة
اسامة :هادي طالعة عياطة مش زي ماريا زمان لين ننسو فيها
مالك:مش باين عليها توا عصبية هلبا
اسامة تلفت وراه ملقاهاش :هدا من الدلع متعودة كلمتها متوليش زوز من وهي صغيرة ولما كبرت تغير عليها الوضع شوية بدت اعصاب وعلي اي حاجة تعيط هي تحب من يساايرها شوية متحبش من يعطيها كلمة لا من اول مرة
مالك ضحك :اااه معناها انت السبب
اسامة: اني السبب وعارف روحي لاكن بنتي الوحيدة مانقدرش انقوللها لا
مالك:ربي يخفظكم لي بعض
اسامة:ويخليك ليها يارب
مالك :امين
اسامة: ياولدي اني عارف روحي قلت الكلام هدا هلبا لاكن مزال بنعاوده رد بالك عليها اني مش قاعدلها ديمة ولا امها قاعدة ديمة حطها ف عيونك عارفها تصكر في راسها وعصبية لاكن طيبة والله طيبة وماهيش خبيثة
مالك:عارف يا عمي عارف واكيد هي ف عيوني واغلى منهم مستحيل انخلي حاجة اتزعلها هي عندها انت وعندها امها وخوتها اكيد مش حيعادوها طول عمرهم لاكن اني ماعنديش حد غيرها وديمة انقوللها فيها
اسامة: ربي يخليك ليها وتقعد ديمة سند ليها ... قبل متروح وقضني في ورق مهمات بنعطيهملك خليهم عندك اني مش ضامن روحي
مالك :لا حول ولا قوة الا بالله ربي يحفظك ويطول في عمرك علاش اتقول هكي
جت فريحة اشرله بمعنى اسكت
مالك:حطي حطي يا حاجة تو ناخد صحيتي
فريحة: انشاء الله نحج اني وياك
مالك:انشاء الله ربي يعطيك طولت العمر انتي وعمي ونحجو مع بعض
ماريا جت قعمزت جنب بوها من الجيهة التانية :هاتها وانت اشرب قهوتك
مالك عطاهالها
اسامة: طيبتوها البنت خلوها ع الوطى
مالك:تي ماتقعدش ع الوطى هادي
ماريا :تقلب ف الدنيا بلعياط لين تولي زرقا
فريحة :ماهو من الاول عودتوها بلحجر
