#القوارير❤
🔥الحلقة 49🔥
👑H e m o t k👑
لا اله الا انت سبحانك ان كنت من الظالمين ❤
________
اما نزار ف اصيل بعتله شنطة صغيرة فيها حوايج وحصل الرحلة الساعة حداش بيمشي فيها
_________
الساعة 9:00
نسرين :تي نوض يا اصييل خيرك
اصيل: ها يا نسرين شني مرقدتش رااهو
نسرين:حتى اني مرقدتش نوض
اصيل تلفتلها :نعم اهو نضت هي
نسرين:غدوا بنروحو للحوش
اصيل:كيف بتروحو للحوش يعني ؟
نسرين :بابا بيروح بينا اني وماما قالي ياسر من القعاد هني
اصيل سكت
نسرين: اني مش هاين عليا انخلي نزار بروحه بابا قال نزار سيوره يتزوج لاكن اني عارفاته هوا والمهبولة هديكة مش متع زواج توا
اصيل: عمي وين هوا
براء :مشي بيبات ف الحوش
اصيل:باهي كان قتلك اقعدي مافيش مشي بتسمعي كلامي ولا كلام بوك
نسرين :كلام بابا اكيد 🙄
اصيل ضربها علي ايدها :واني راجلك يا حمارة رااجلك قاري فاتحة مش قاري الاخلاص راه غير اصبري عليا بس اول منطلعك من الكتيب معش في بيتان الا هني واشر ع السرير
نسرين ناضت وقفت:مش موضوعنا هدا خيرك وحني متفقناش هكي عاد
اصيل:معش في اتفااقات لان بوك حسيته بيدير بيك الهربة
نسرين:اصيل خيرنا عاد
اصيل:انتي شن هواا اللي مخليك تأجلي ف الموضوع ااه شعرك ؟ اثار اليباري؟ الازرق اللي في جسمك ؟ شني تراا
نسرين: كل شي 🥺
اصيل:اني عااجبني ونبيه ونبيك زي ما انتي وانتهي الموضوع باهي
نسرين :اني الضاالمة اللي جاية ندوي معاااك ولي ارقد هي ومشت طلعت
اصيل :تو انشوفو كلمت مني اللي تمشي باهييي
نسرين قربعت الباب
اصيل شاف الساعة وناض خش للحمام
____________
مالك متكي ع الصالون ويتفرج ع التلفزيون
حكيم: نعطيك تتعشى
مالك:لا مامبيش
حكيم: نعطيك شاهي
مالك :لا صحيت قعمز مانبي شي
حكيم:قهوا عصير امية
مالك :تي خيرك مانبيش يااراجل قعمز
حكيم:باهي كيف بتقعد هكي
مالك :مش جعان وناض وقف
حكيم :وين بتمشي
مالك :في صوت سيارة بالك روحت البنت شاف من الروشن لقي زينة روحت طلع ومشي للحوش
ماريا جت بتصكر الباب شافاته طلقت الباب وخشت
مالك :مانسحابهاش بتجي تهدريزة مشاءالله
ماريا :وسوونة حبيبتي خلي اللي في ايدك وخودي نسرين غيريلها رجعت تواا
مالك :خيرها رجعت
ماريا :اسمعي كان بدوشيلها عادي لان نوو اصلا وتلقي شكارة الشمالات تحت الطاولة
وسن :لا هديكا تمت
ماريا:معش عندها قصدك
وسن :في واحد بس
ماريا :خيرك ماقلتيليش وحليب عندها
وسن :حليب في اي
ماريا: اهو تو انكلم حد ايجيبلها
مالك يشبح لي ماريا وساكت
وسن خدت سونة وركبت بيها
ماريا ادور في ملاية الصلاة لبسها وجت بتمشي للباب
مالك شدها من مرفقها وجبدها :تعالي تعالي
ماريا شبحتله: ماتدويش معاي
مالك :بالله ؟!
ماريا حولت ايدها :انشاءالله غير رديتها براء من الحدود ودرت بطولات يسجلها التاريخ اااه عفوا سامحني اختك براء
مالك : اول حاجة لما ندوي معاك ردي عليا متخليينيش انبقبق برووحي لاني منحبهاش اللقطة هادي واخر مراا اتصكري تليفونك وماترديش علياا لما انكلمك فاهمة
ماريا :والله ؟! ترا احلف
مالك: مااارياا😠 نتكلم بجديات
ماريا تعيط عليه :تبي انفكرك كم مرة درتهالي اللقطة هادي تبي انفكرك قداش مرة خفت عليك وانشغلت وانت اتشوف ف مكالمتي ومتردش ولا حلال عليك وحرام عليا رد بالك رد بالك اتفكر ان انت يحقلك ادير التصرفات اللي تعجبك وقت اللي يعجبك وميحقليش اني رد باالك تعطي لي نفسك حق انك تميز رووحك علياا لمجرد انك راااجل تسمع فيااا اني مستحيل انخلي حد يمشيني بي مزااجه
مالك نفخ :اسمعيي اني ماعنديش خلوق للعراك والمشااكل ليل وحسييه بدت عندك عادة كل ليلة ضروري تبي عركة ف ... ماريا قصت عليه
ماريا : اي اي انكسد ف انقول خلي انكد عليه بدون سبب انت ماتغلطش بكل مااهو طلعت عييطت وهزبت علي خاطر موضوع تاافه لاكن شني الموضوع هدا برااء اللي هي اهم مني عندك ورد بالك اتقول لاا صح براء صااحبتي وانحبها لاكن هدا مايعنييش انك تهتم بيها اكتر مني
مالك :يااا سبحان الله منين اتجييبي فيها الدوة هادي منين بس
ماريا: انجييب فيها من اللي شاافاته عيني وفووته موضوع اختي برااء مش محرم عليك وماهييش اختك اقتنع ان لازم ايكون في حدوود بينك وبينها
مالك: كيف يعني انخليها تتمرمد ف الشارع باش ترتااحي
ماريا :اسمع اسمع اني براء انحبها ومانرضى فيها شي لاكن ان انشوف راجلي يهتم بيها اكتر مني انت هكي بتخلييني نكرهها اني راهو متوقعتكش اتروح للحوش اليوم رااه قلت اكيد بيسافرلها لاكن مش عارفة شن صار ف الدنيا
مالك انصمت لان فعلا كان بيسافر لي براء
ماريا :تعرف شني اني مرات انحس فيك واخدني زايد نااقص غير باش اتكفر علي غلطك اللي درتها معاي ف انحب انقولك ان اني مساامحاتك يعني الامور تمام كان تبي اطلقني طلق عادي
مالك تعفلق منها وماباش يتكلم ولا كلمة لان بيلبز معاها ف الكلام مشي طلع وقربع الباب
