#القوارير 🛡
🔥الحلقة الحادية عشر 11🔥
👑H E M O T K 👑
__________
نزار :سحر شن اديري هني وكيف جيتي؟
سحر ادبل في عيونها :سامحني غير ماتحتيش فلوس بالله عليك خلص التاكسي
نزار مشي للتاكسي خلصه ومشي
نزار ولا لي سحر : من قالك حني هني
سحر :سمعت من النت ان نسرين مريضة مشي خشيت نسأل في صاحباتها وين في اما مستشفى قالولي جيت طول
نزار :وين بوك كيف اتجي ف تاكسي
سحر:اااء بابا ف العمل واني مقدرتش نصبر علي نسرين
نزار :اركبيلها فوق ف الدور التالت تو تلقي بوي وكريم ف الممر
وشرين تليفونه مشي من جنبها ورد
نزار :ايواا
مالك :ها نزار شن الجو
نزار :ماشية شن صار معاك
مالك:بعته توا وقاري وحافظ
نزار :مية مية كلم براء قوللها تخلي عيونها عشرة عشرة غادي
مالك :كلمتها الامور طيبة
نزار :حقا شن صار في بو البنت المحامية
مالك :حاله باهي بصمام بلستك عايش توا
نزار :عادي في هلبا يعيشو بيه مش مشكلة هدا
مالك:انشاء الله خير شن صاير ف اختك انت
نزار :تاخد ف الجرعة اليوم ومش عاجبتني بكل تاعبة ياراجل
مالك:ربي يشفيها انشاءالله متكدرش روحك انت وكل امرك لي ربي
نزار تنهد :صاعب منكدرش روحي اختي هادي والمشكلة انها ماتتحملش حتى ضربة اليبرة الساهلة كيف بتتحمل كيماوي
مالك :الله غالب مكتوب اني انكمل لي عندي وانجيكم
نزار :تم ماشي هي
صكر نزار الخط وقعمز ع الكرسي يدخن
__________
ماريا: بابا حبيبي خود مني بالله عليك مديرش هكي لازم تاكل باش تاخد دواك 🥺
اسامة:اني من طول عمري انوض السبعة ونمشي لي خدمتي معقولة توا مانقدرش حتى انسوق
ماريا:احمد ربك علي اي شي يصيرلك لان هدا امتحان وربي يختبر في صبرك مني كان يقولي فيه الكلام هدا
اسامة عيونه دمعو :خليني بنرتاح شوية يابنتي مانبيش نتغدا😞
ماريا :فم واحد علي خاطري بنعطيك حبتك
اسامة فتح فمه خدي منها كاشيكين وعطاته حبته وطلعت
فريحة :شني بوك؟
ماريا :مش عاجبني بكل 🥺😢
فريحة واقفة قدام الروشن وتشبح للشارع
ماريا:في من تراجي
فريحة:ااااه !؟! لا حد نشبح وخلاص
ماريا خشت للكوجينة حطت الصفرة :ماما علاش الطنجرة هادي كلها
فريحة:قلت يقعد انسخنو منه حتى غدوا معاش عندي خلوق للتطيب وجت قعمزت ع الصالون
ماريا:ماما اني بنخش نتكى شوية نوضيني مع العصر عندي شغل لازم انكمله
فريحة:باهي بنيتي بري ارتاحي
خشت ماريا لي دارها بتردق وحوالي ربع ساعة هكي طقطق الباب
ناضت فريحة تجري وهي فرحانة فتحت الباب لقت قدامها حفيدها اللي مش شايفاته من خمسة سنين لقت طوله زيها
فريحة تبكي :كمال 😭
كمال :اميمة وحضنها
فريحة :ياروح اميمة انت مشاء الله عليك كبرت ورحت راجل مشاء الله
جت بعده امه فاطمة وصغارها الثلاثة التانين من غير كمال بدو يبكو ويسلمو علي بعض واحضان
فاطمة:والله يعلم الله قداش فقدك يا اللاي 🥺
فريحة:حتى اني والله يعلم الله... وين بشير وسلافك
فاطمة :قعد يراجي فيهم بشير عطلو ف الطريق
فريحة :خشو يااميمة خشو هي مشاء الله هادو اوس واسامة 😊
فاطمة :اي جدد عاد هادو شفتيهم ف النت بس
فريحة تحضن في احفادها وتشم وتغم
فريحة: بيجو حتى الكناين
فاطمة :اي جااين كلهم غير مش قاعدين هني اني بس قاعدة عندك كنتك الكبيرة 😅
فريحة:مرحبتين بيكم كلكم
فاطمة:وين عمي
فريحة:في داره راقد اسمعي دخلي بضاعتك ف الدار اهيا خوديها فاضية
فاطمة:اي باهي كمال دخل صاكواتكم ماما
كمال: عمتي وين ؟
فاطمة:سكتت
فريحة:ماقتلهاش انكم جاين خشت رقدت
فاطمة:خليها ترتاح دخل الحوايج انت
