Unicode
ဒီနေ့ဟာလွှမ်းကျောက်ပတ်တီးဖြည်ရမည့်နေ့ဖြစ်သည်။ လွှမ်းကိုခွဲစိတ်ပေးထားသည့်ပါမောက္ခကြီးကအရေးပေါ်ခွဲစိတ်မှုတွေရှိနေသည်မို့ ညနေပိုင်းမှသာဖြည်ရမည်ဖြစ်သည်။ ကိုကဒီနေ့မနက်ပိုင်း၊ Company မှာအရေးကြီးကိစ္စတစ်ခုပေါ်လာတာကြောင့် လွှမ်းကိုနာ့စ်နဲ့ထားခဲ့ကာ ခဏထွက်သွားခဲ့သည်။ လွှမ်းမှာ ကိုနဲ့အတူရှိတုန်းကသက် တောင့်သက်သာရှိသလိုခံစားရသလောက်
နာ့စ်နဲ့ကျအားတုံ့အားနာဟန်ရှိနေရသည်။လူနာအကြောင်းသိသည့်နာ့စ်ဆိုတာထက်၊ လွှမ်းရဲ့အရိပ်အကဲကအစ ကောက်နှုတ်တတ်သည့်ကိုကသာ လွှမ်းအတွက်အသင့်တော်ဆုံးဖြစ်သည်။
"သား!...ဘယ်လိုလဲ နေရတာအဆင်ပြေရဲ့လား"
"အင်း!...ပြေတော့ပြေပါတယ်"
"ဦးငယ် သားကိုအရင်လို fit ပြန်ဖြစ်ဖို့ Training ကောင်းကောင်းဆင်းပေးနိုင်မယ့်
နည်းပြကိုရှာတွေ့ထားပြီ""အာ!...ဟုတ်လား"
လွှမ်းလေးပျော်တာမြင်တော့ ခက်နောင်ချိုမှာအလိုလိုလိုက်ပြုံးလိုက်မိပြန်သည်။ ဒီကလေးမလေးတကယ်ပျော်နေရှာတာဖြစ်သည်။
"ဦးငယ်!..."
"အင်း ပြောလေ"
"လွှမ်းကော်ဖီမသောက်ရတာကြာလို့ ကော်ဖီလေးသောက်ချင်လာလို့"
"ဦးငယ် ၀ယ်လာပေးမယ်လေ။"
"မဟုတ်ဘူး၊ လွှမ်းပါလိုက်ချင်တာအောက်မှာကော်ဖီဆိုင်လေးရှိတယ်မလား၊ လွှမ်းလည်းနေရတာ ပျင်းလာလို့"
ခက်နောင်ချို မျက်ခုံးပင့်ရင်းတစ်ချက်တွေးလိုက်သည်။ အေးပေါ့ ဒီထဲမှာဘဲအချိန်ကုန်ခံနေရတော့ လွှမ်းလေးလည်းပျင်းလာမှာပေါ့။ သူခေါင်းတချက်ညှိတ်ပြရင်း လွှမ်းကို ပြုံးပြလိုက်သည်။
တူမဖြစ်သူကို ဝှီးချဲပေါ် သေချာထိုင်စေ လိုက်သည်။ ကျောက်ပတ်တီးအဖွေးသားလေးကိုမြင်တော့စိတ်မကောင်းမိ၊ ဒါပေမယ့် ဒါဟာထိုပတ်တီးကိုလွှမ်းနဲ့အတူမြင်ရသည့် နောက်ဆုံးနေ့လေးဖြစ်နိုင်သည်။ ဠာနများစွာရှိသည့် ဒီဆေးရုံမှာ VVIP ထပ်ကသီးသန့် ဖြစ်သည်။
YOU ARE READING
She is mine (သူမကငါ့အပိုင်) {Complete}
Romanceအခြားမိန်းကလေးများလို ဖြူစင်လှပကာကျော့ရှင်းခြင်းမျိုး သူမမှာမရှိ၊ အညိုရောင်မျက်၀န်းတောက်တောက်တို့နဲ့အတူ ညိုတတဖြစ်သော အသားရေ၊ပါးချိုင့်ခွက်ခွက်လေး ကိုသာသူမပိုင်ဆိုင်ထားသည်။ ဝါသနာထုံလွန်းသည့်ဘောလုံးပါရမီမှာထူးချွန်လွန်းသည့်သူမ။ ထိုမိန်းကလေးကိုမှ နက်ရှ...