Bhool Bhulaiya || Complete

Chapter 23

Junaid : Main bilkul bhi chomu nahi hoon! Aur main nervous bhi nahi hota!

Mayra : Aap kitne chomu ho vo aapke high school ki photos se hi pata chal jata hai. Zainapi ko vo sab dekhne mat dena.

Junaid : Aaj kal ke bacche kuch zyada hi savage ho jaa rahe hai.

Mayra : Oh my gosh, don't you know I'm a savage?

Junaid : Yasir bhai ke sath zyada reg rahi hai tu.

Mayra : Bhai, savageness kisike sath rehne se nahi aata, savageness andar se aata hai. And I, was born savage. Apna shirt uthao.

Junaid : Kyu?

Mayra : Abs hai aapke paas? Zainapi ko body wale ladke pasand hai. 8 packs ke niche toh vo baat bhi nahi karti! Thoda gym shym jao, body vody banao!

Junaid : Mere paas bhi body hai!

Mayra : Aapko dekhke vaisa lagta nahi hai.

Junaid : Toh abh main kya karu, Mayra?

Mayra : Aisi haalat mein toh sirf ek hi aadmi aapki help kar sakta hai.

Junaid : Kaun?

Mayra : Mithun da.

At night

Dada ke aane ki khushi mein special dinner bana hai. Sab dada ki khatirdari karne mein lage hue hai.

Babu : Dada, sab kuch aap hi ke liye bana hai. Agar kuch aur chahiye ho toh bolna.

Mithun : Babu, itni mehnat karne ki kya zarurat thi? Tum log jo khate ho main vo bhi kha sakta hoon.

Babu : Aree Dada, kaisi baat kar rahe hai? Aap Dada hai, aur upar se humare mehman. Aapke liye itna karna toh banta hai.

Sab Mithun ko zabardasti khana khila dete hai. Khana khatam hone ke baad vo apne kamre ki taraf jaa rahe hote hai Babu aur Johnny ke sath.

Babu : Dada, kisi aur cheez ki zarurat hai kya aapko?

Mithun Babu ke kandhe pe hath rakhke bolte hai.

Mithun : Vaise Babu, thoda 👍 milega kya?

Babu : 👍 kya hai?

Mithun : Aree 👍!

Babu : Oh accha! Abhi leke aata hoon. Johnny! Chal mere sath.

Mithun chhat pe baithke akele akele peg laga rahe the. Tabhi unhine vaha Junaid ko notice kiya.

Mithun : Aree Junaid! Vaha kyu khade ho? Yaha aake baitho.