အ​ေဖမတူ အ​ေမကြဲ~အဖေမတူ အမေကွဲ(Completed)

37

Uni

ဝန်းရံရဲ့ စူးရဲနေသော အကြည့်ကြောင့် နှင်းပွင့်ဖြူ ဟက်ခနဲ တစ်ချက်ရယ်ကာ ပုခုံးတွန့်ပြလိုက်သည်

'မောင်လေးက မမကို လွမ်းနေတာလား'

နှင်းပွင့်ဖြူက ဝန်းရံကို ပြုံးပြနေကျအတိုင်း နွေးထွေးတဲ့ အပြုံးတစ်ခုကို ချက်ချင်းလုပ်ယူလိုက်ကာ ဝန်းရံဘေးတွင် ဝင်ထိုင်လိုက်သည်

ဦးရောင်ဝါလင်းကတော့ ဝန်းရံနှင့် နှင်းပွင့်ဖြူရဲ့ အခြေအနေကိုပဲ စောင့်ကြည့်နေကာ တံခါးကိုမှီပြီး ရပ်နေလေသည်

ဝန်းရံ သူ့ရှေ့က တစ်ကိုယ်လုံးတွင် အစစ်အမှန်ဟူ၍ တစ်ခုမှ ရှိမနေသော ထိုမိန်းမနှင့် စကားမပြောချင်ပါ

ထိုမိန်းမ မျက်နှာကို ကြည့်နေရတာနှင့်ပင် ဝန်းရံစိတ်ထဲ ရွံ့ရှာလာမိသည်

'မောင်လေးက မမနဲ့ စကားမပြောချင်ဘူး ထင်တယ်'

နှင်းပွင့်ဖြူက သူမကိုမကြည့်ပဲ ခေါင်းကို တစ်ဖတ်သို့ လှည့်ထားကာ အသံထွက်မလာသော ဝန်းရံကို ထပ်ပြောလိုက်သည်

ထိုအခါမှသာ ဝန်းရံက နှင်းပွင့်ဖြူဘက်ကို လှည့်လာကာ ခနဲ့သလို ပြုံးပြလိုက်ပြီး

'ခင်ဗျား အဲ့လိုကြီး ဟန်ဆောင် ပြုံးနေရတာ မပင်ပန်းဘူးလား'

ဝန်းရံ စကားကို နှင်းပွင့်ဖြူ မကြိုက်သော်လဲ မျက်နှာပေါ်တွင် ဘာအမူအရာမှ ပြောင်းမသွားခဲ့

နှင်းပွင့်ဖြူဆိုတဲ့ သူမလိုမိန်းမက ဘယ်သူမလို့လဲ

'ဘာလို့လဲ မောင်လေးက မကြိုက်ဘူးလား'

နှင်းပွင့်ဖြူက ရယ်သံ အနည်းငယ်တောင်စွတ်ပြီး ပြောလာပြန်သည်

'ဟက် မကြိုက်တဲ့အပြင် ရွံတောင်ရွံသေးတယ်'

ဝန်းရံ နှုတ်ခမ်းတစ်ဖက်ထဲ တွန့်ရုံလောက်သာပြုံးပြီး နှင်းပွင့်ဖြူကို ပြန်ပြောလိုက်သည်

နှင်းပွင့်ဖြူ မျက်နှာပေါ်က နွေးထွေးကာ လှပတဲ့အပြုံးကနေ ကြောက်ဖို့ကောင်းစွာ အေးစက်နေသော အပြုံးအဖြစ် ပြောင်းသွားလေသည်