ألواح القدر (الجزء الأول و الثاني)

#البارت_العاشر

#البارت_العاشر
#ألواح_القدر
#حور_ساري
كان يقف نديم أمام الباب منتظراً جومانا حتى  تنتهي و تسمح له بالدخول ، هندم نديم حلته للمرة الأخيرة و فتح الباب و دلف إلى الغرفه ليرى جومانا واقفه تهندم شعرها
نديم : احم
نظرت جومانا اليه و ابتسمت ثم وقفت أمامه و اخذت تلتف حول نفسها و قالت بسعاده : الفستان شكله يهبل يا نديم بجد ميرسي جدا عليه
لم ينتبه نديم إلى ماقالته فقد انشغل عقله بجمالها ، فكيف يمكن لمظهرها طبيعي هذا ان يصل الي الجمال الصارخ و هي لم تضع من مساحيق التجميل سوى القليل و تركت شعرها منسدل وراء ظهرها فقط لا غير ، فكيف لها أن تأسره و تأخذ كل انتباهه و حواسه بتلك الطريقه؟! لم تكن تشبه ملكات الجمال او الاميرات بالطبع ، لكن طبيعتها و عشوائيتها جذبوه إليها بكل كيانه ؛ لوحت جومانا امام وجهه فنظر إليها لتقول له جومانا ببعض الغرور : انا عارفه اني جميله و كل حاجه بس مش لازم تسرح في جمالي اوي كده
نظر لها نديم بتعجب قائلا بداخله تباً لغرورها المصطنع المتناقض لها و لشخصيتها
نديم : انا مش سرحان في جمالك سرحان في الفستان اللي لايق عليكي ، كأنه متفصل ليكي
جومانا بغرور مضحك بعض الشئ : اممم مفهوم مفهوم انا عارفه انك اكيد محرج تقولي أن جمالي زود الفستان جمال عليا بس تمام انا وصل ليا انت عايز تقول ايه
لتردف بغزل : لا بس انت كمان البدله هتاكل منك حته ، اخر شياكه يعني
نديم بخبث : انتى بتعاكسني ولا ايه
ليقلد طريقتها و قال : انا عارف انك وقعتي في حبي و انك مقدرتيش تقاومي جمالي بس مش لازم الغزل الصريح ده انا مبحبش البنات المدلوقه
لتقول له بصدمه : مدلوقه؟!! وقعت في حبك؟؟ انت واخد مقلب كبير اووي في نفسك على فكرة.
نديم : مش قد اللي انتى واخداه في نفسك اكيد
ليردف : يلا بينا بقي ولا هنقضيها معاكسه فيا؟
اشاحت جومانا نظرها عنه ، لتتركه و تخرج من الغرفه ليلحق بها نديم و يستقلوا المصعد الكهربائي ؛ بعد فترة من الوقت كانوا واقفين أمام إحدى النوادي الليليه ، هَم نديم بالدخول لتوقفه جومانا و تقول له : نديم هما ممكن ميدخلونيش عشان انا تحت السن القانوني
نديم : لا لا المكان ده عادي ده زي نادي رقص كده و سنك يسمح انك تدخليه اما اللي مينفعش تدخليه ف يبقي الملهي الليلي ، الديسكو او night club زي م بيسموه يعني
جومانا بخيبه أمل : بس انت قولتلي ان چو عازمنا علي ديسكو زي م كنت عايزة اروح
نديم : جومانا حبيبتي انا عمري م كنت هدخلك ملهي ليلي ، و بنسبه انى ضحكت عليكي ف انا لاء مضحكتش عليكي الديسكو اللي موجود في مصر يبقي هنا نادي رقص اي حد ممكن يدخلوا ، لكن الديسكو اللي هنا ليه مفهوم تاني تماماً مظنش انك هتحبي تعرفيه او تدخليه ، ممكن يلا بقي عشان اتأخرنا
ليمسك يديها و يدلفوا  إلى الداخل ليبدء صوت الموسيقى في الارتفاع و تظهر الكثير من الاضواء الملونه كالازرق و الأحمر و الأخضر في كل مكان و الكثير من الناس يتراقصون ، كان نديم يسحب جومانا خلفه بحذر لكي لا تصتدم بأحد ليقف و ينظر حوله ليجد طاوله يجلس عليها چو و ميلسيا ليتجه نحوهم علي الفور.
نظرت ميلسيا لتجد نديم و جومانا يقتربون منهم لتقف و تذهب تعانق نديم ثم جومانا ، و نظرت إليها و قالت : يالله شكلك حلو كتير الفستان بچنن عليكي
ثم نظرت إليها بشك و قالت : لحظه واحده انا ما ابتعت هيدا الفستان من وين جبتيه انتى؟؟
ضحكت جومانا و قالت : صح انتى فعلا مجبتهوش
نظرت لنديم و قالت بسعاده : نديم جبهولي هديه.
چوو و هو يترك كأس الخمر الذي كان يرتشف منه : نديم طول عمره ذوقه حلو و بيحب يجيب هدايا لحبايبه
ليكمل بخبث نوعا ما بصوت منخفض : حبايبه اللي مش هسمحله تكوني منهم
ثم اردف بصوت عالٍ لكي تسمعه جومانا : بس اسمحيلي اتغزل في جمالك ده اللي مش بقدر اقاومه الصراحه
ابتسمت جومانا اليه بمُجامله و قالت : ميرسي علي ذوقك يا چوو
چو و هو يبتعد عنهم : هروح اجيب كاس كمان ليا ، نديم هجبلك و انتي يا جوجو هعمل حسابك لازم تتبسطي معانا النهارده
همت جومانا في الاعتراض لكن استوقفتها كلمه "جوجو" لتقول بضيق : جوجو!!  انا يتقالي جوجو
نديم : ده اللي لفت نظرك من اللي هو قاله؟
جومانا : ايوا ، انا مش بحب الدلع ده
لم يبالي نديم بما قالته ليقول لها بضيق : متشربيش حاجه من اللي هو هيجبها اظن كلامي مفهوم و مش عايز عناد
نظرت له جومانا بضيق لتتركه و تقترب من ميلسيا و تقول لها : عملتي حاجه من اللي قولتلك عليهم
ميلسيا بحزن نوعا ما : لا جومانا مقدرت اتجاهله انا عم بحبه كتير و كمان مقدرت اكذب عليه و اقول له اني بعجب بغيره لا مبقدر  علي هيك الفعله.
حزنت جومانا علي ميلسيا ، لتطرق لها فكرة  وتقول : ايه رأيك اكلمه انا على الموضوع؟
ميلسيا : يا ويلك هتخبريه انى بحبه لا و الف لا.
جومانا : لا طبعا ، انتي فهمتي غلط انا مش هنزل من كرامتك قدامه ، انا اقصد اني اسأله لو هو حاسس بمشاعر ناحيتك او اسأله لو هو بيحبك او في بينكوا حاجه ف يقولي هو حاسس ب ايه اتجاهك كده يعني
ميلسيا بتفهم :اها فهمت
لتردف بسعاده : عنجد جومانا؟ هتسأليه؟ متى و وين هتسأليه؟
جومانا : امتى كمان شويه لما يجي الوقت المناسب ، فين هنا و ازاى سبيها عليا
انهت جملتها و غمزت لها ، لتنظر وراها لترى چوو و هو يقترب منهم و يحمل اربع كاسات من الخمر ، وضع چو الكؤوس التى معه علي الطاوله أمامهم و ياخذ كأس و يرفعه عاليا و يقول : نخب نديم و جومانا في باريس
نظر نديم الي جومانا بحده لكي لا تأخذ كأس مثلهم لكنها لم تبالي له فكيف بحق الجحيم ان يحرم عليها الخمر و يحلله لنفسه ، اخذت جومانا الكاس المتبقي و رفعته عالياً مع كؤوسهم لتصدم كأسها معهم ، ثم بدأت بشرب ما بالكاس في جرعه واحده مثلما فعلوا  ، فور وضعها للكاس علي الطاوله وجدت نديم ينظر لها بغضب و يقول لها بصوت منخفض لكي تسمعه هي فقط : هو انا مش قولتلك متشربيش؟
جومانا بلا مبالاه : هو انت عادي تحلله لنفسك و تحرمه عليا
نديم بغضب بسبب خوفه عليها : غبيه ، انتى غبيه ، انا قولتلك متشربيش عشان متتعبيش احنا كلنا ظباط و مش هنتأثر باي حاجه نشربها عشان اتدربنا علي كده لاكن انتى من اول كاس هتدروخي و هتتعبي
جومانا : لو اتماديت هتعب لكن ده مجرد كاس ممكن بقي تفك شويه و تبطل رخامه؟
نديم بذهول : انا برخم؟
جومانا : اه بترخم ، تعالى بقي عشان نرقص على الاغنيه دي عشان عجباني
سحبت جومانا نديم خلفها حتى وصلوا الي حلبه مخصصه للرقص لتبدء في التمايل مع الاغنيه ، نظرت لنديم لكي يجاريها في الرقص ليبدء في الرقص معاها على مضض حتى انسجم معاها , كانت تدور حول نفسها و تغني مع الاغنيه بانسجام : 
Dancing's whan I think of you
Dancing's what clears my soul
Dancing's what makes me whole
كان نديم يتحرك معها علي الاغنيه و ترتفع إبتسامه كبيرة على ثغره و هو ينظر إليها ، توقفت جومانا عن الرقص و نظرت اليه لتتفاجئ به يضع يده على خصرها و يقربها اليه و يبدء بالتمايل معها علي الاغنيه و هو ينظر إلى عينيها
Every time when I look in your eyes
I smile with pride, happy that you are mine.
Joy in love, your love is true I know
You are the best thing that has happened to me
أخذوا يتراقصون حتى انتهت الاغنيه لتبتعد جومانا عن نديم قليلاً ليقول لها : في منظر حلو اووي في المكان تحبي تشوفيه؟
اومأت جومانا برأسها ، لياخذها بعيدا عن الموسيقي في شرفه تطل علي البحر ، لتنظر جومانا الي المكان بأنبهار فكانت الانوار ظاهره من بعيد و صوت البحر من اسفلهم مع صوت الموسيقي جعل المكان شاعرياً نوعا ما ، شردت جومانا فيما هي عليه الآن فهي إلى حداً ما تحظي بكل شئٍ تمنته يوماً ، لا تريد للسعاده التى تشعر بها ان تختفى بمجرد ان تعود إلى مواطنها و اسرتها
انتشلها نديم من شرودها متسائلاً : سرحتي في ايه؟
جومانا بأبتسامه بسيطه : ولا حاجه كنت بفكر ازاى هسيب الجمال ده كله و ارجع مصر و لحياتي الممله
نديم : مظنش انها هتبقي ممله بعد اللي حصلك
جومانا : انت مش عارف انا حياتي عامله ازاى ، انا اول مرة احس بحريه من فترة مش عايزة ارجع للسجن اللي كنت فيه تاني و كمان السجن هيبقي أضعاف بعد الحادثه دي
اقترب نديم منها قليلا و قال : جومانا اللي انا اعرفها تقدر تهرب من اي سجن و مش سجن اللي هيمنعها عن حاجه هي عايزها ، و بعدين تفتكري اني ممكن اسيبك في سجن و مساعدكيش تخرجي منه ؟
جومانا بأبتسامه سخريه : انت متعرفش حاجه عني ، و ب النسبه ل انك مش هتسبني ف احب اقولك انك اساسا اول م ترجع مصر هتنساني
نديم بأنكار : لاء طبعا مستحيل ، مقدرش انسى مجنونه زيك
ابتسمت له جومانا و أعادت نظرها الي المياه أمامها مرة أخرى ، بعد صمت دام لدقائق قال لها نديم بحماس : ايه رأيك نوعد بعض وعد؟
جومانا بأستغراب : وعد ايه؟
نديم : نوعد بعض اننا عمرنا م هننسى بعض و اننا دايما هنتفكر الفترة اللي مرينا بيها سوا بحلوها و مرها ، و ان لو الحياه شغلتنا و كل واحد رجع لحياته ف اننا لازم نتقابل تاني في يوم من الايام
جومانا بابتسامه سعيده : موافقه طبعا
نديم : تؤ قولي اوعدك
ابتسمت جومانا و قالت : اوعدك اني عمري م هنساك في يوم نديم الجبالي
ليبتسم نديم هو الاخر و يقول: و انا بوعدك اني عمري م هنساكي جومانا دويدار
ليقطع تلك اللحظه الجميله ميلسيا و چوو ليقول لهم چوو : لما لقيتكم اختفيتوا فجاءه قولت اكيد هتبقوا هنا
جومانا : اشمعنى هنا يعني م المكان كبير
چوو : اصل نديم كان كل م يجي يسهر معانا هنا كان يسيبنا و يجي يقف في المكان ده
جومانا : ليه حق المكان يجنن هنا
ميلسيا : چوو قرب من جومانا عشان ناخد صوره لينا سوا
اقترب چو من جومانا و وضع يده علي خصرها لتنظر جومانا اليه بحده نوعا ما ليسحب چوو يده بصمت ، رأي نديم م حدث بين جومانا و چوو ليقف هو بينهما حتى تلتقط ميلسيا لهم تلك الصورة الغبيه ، بعدما انتهت ميلسيا من التقاط بعض الصور لهم ، طلبت جومانا منها ان تلتقط صوره لها مع نديم وحدهم ، لتقف جومانا بجوار نديم و قالت له : صورة لتوثيق الوعد اللي وعدناه لبعض.
ابتسم نديم لها لتلتقط ميلسيا بعض الصور لنديم و جومانا سويا ؛ بعدما انتهوا من التصوير طلب چو من جومانا ان ترافقه في تلك الرقصه ، لتجد جومانا ان هذا هو الوقت المناسب ان تتحدث به مع چوو عن ميلسيا لتوافق و يذهبوا إلى حلبه الرقص ، تحت أنظار نديم الغير راضيه عن موافقه جومانا لتلك الرقصه
بدء چوو بالرقص هو و جومانا لتقول له جومانا : چوو هو انت مرتبط
ليقول چوو بغزل : لو حابه ترتبطي بيا ف اكيد معنديش مانع
ضيقت جومانا اعينيها و قالت : متخفش مش يوم م ارتبط هرتبط بيك انت ،المهم قولي بقى انت مرتبط بميلسيا صح
چوو بصوت ثقيلاً نوعا ما من أثر الخمر الذي احتساه : و مترتبطيش بيا ليه يعني
جومانا :  انت سبت كلامي كله و مسكت في دي ، عموما انا مقصدش اقلل منك يعني كنت اقصد اني لسه صغيره و مبفكرش في الموضوع ده ، مردتش عليا بردوا انت و ميلسيا مرتبطين صح اصل شكلكوا لايق علي بعض جدا
سحبها چوو بعيداً عن أنظار نديم و هو يرقص معاها حيث انه دخل بين بعض المتراقصين حتى اختفوا بينهم ، ليقترب من جومانا و وضع يده علي خصرها حتى صارت المسافه بينهما شبه منعدمه ليقول بصوت ثمل :  ميلسيا ايه ، سيبك من ميلسيا و خلينا فيكي دلوقتي ، من اللي قال انك صغيره علي الارتباط م انتى كبيرة و جميله و زي القمر
جومانا : چوو ابعد شويه
چوو بثماله :  ابعد؟ ابعد ليه؟
جومانا بحده : چوو سبني و ابعد عنى انت سكرت ولا ايه
چوو و هو يقربها منه أكثر : سكرت ايه بس م انا فايق اهو
جومانا بغضب : ابعد عني.. سبني يا چوو... يوسف فوق متخلنيش اتصرف معاك تصرف تاني
چوو بسخريه و هو يمشي يده من أعلى ظهرها حتى خصرها : احبك وانتي الشرسه ، انا عايز اعرف ايه التصرف التانى اللي هتعمليه
بدأت جومانا بخبطه علي صدره ليكي يتركها لكنه احكم من مسكها جيداً لتضغط بحذائها علي رجله بقوه ليفلتها چوو من أثر تلك الضربه لتهم جومانا بالابتعاد عنه لكنه امسكها مجدداً و ضمها اليه بقوه لتبدء جومانا في المقاومه مجدداً و هي تنادي علي نديم بصوت عالي
چوو بابتسامه خبيثه : نديم هاا.. مش هيسمعك كانوا اللي حواليكي سمعوكي و انتى بتحاولي تجري
بينما كان نديم ينظر في كل مكان بحثاً عن جومانا و چوو بسبب اختفائهم من أمامه
ميلسيا بسخريه : چوو مش هياكلها يا نديم دول بيرقصوا عادي
نديم : م يرقصوا هنا قدامنا بيرحوا بعيد ليه
ليقف نديم لكي يذهب إليهم لتوقفه ميلسيا قائله بصوت عالٍ لكي يسمعها من صوت الموسيقى : يا زلمه اترك الفتاه لحالها شوي متبقي واقفلها بالمرصاد هيك
نديم : معلش يا ميلسيا هروح اشوفهم بسرعه بس
ذهب نديم ليكي يبحث عنهم ليرى جومانا من بعيد هي و چوو ، كاد ان يرجع الي ميلسيا و ينتظرهم حتى ينتهوا من الرقص لكنه لاحظ اقتراب چوو الشديد من جومانا دقق النظر ليجد ان جومانا تحاول الإبتعاد عنه ، ليذهب نديم صوبهم و مع كل خطوة يخطوها نحوهم يزداد غضباً حتى وصل إليهم و سمع جومانا تهتف ب اسمه و هي تحاول التملص من بين يدين چوو ليرفع نديم قبضته و يلكم چوو بوجهه حتى يقع أرضاً...
___________________________________
اسم الاغنيه : Dancing
#ألواح_القدر
#حور_ساري
#رومانسي #مغامرة #تشويق #اكشن