At habang nakatitig siya sa mga mata nito. She realized one thing. Na mahal niya si Aeroll! Bakit ba masyado pa niyang pinahirapan ang sarili niya kahit nung nasa Romblon pa lang, alam na niyang she was falling for him? Siguro dahil natatakot nga siya. And still, technically, she was still in a relationship. Ano ngayon ang gagawin niya?
At si Aeroll? May gusto din ba ito sa kaniya? Pa’no kung wala. Ang mga pinapakita nito sa kaniyang sweetness no’n baka ginagawa din nito sa ibang babae. Diba nga sabi ni Harold, dakilang playboy ito. Mas lalo tuloy siyang napaiyak.
“Aeroll...”
He held her face with his two hands. “I’m sorry.” Hanggang sa maramdaman niyang yakap na siya nito. “Oo na. Namiss din kita kaya wag ka ng ngumalngal diyan.” Pinalo niya ang dibdib nito. “Aray!”
“Hindi kita na-miss, okay. Feeling mo naman.” umiiyak niyang sabi.
“Fine. Basta na-miss kita.” Humigpit ang yakap nito sa kaniya. “I miss you so much.”
Aeroll...
They just stayed that way. Holding each other.
Hindi niya alam kung ilang minuto silang gano’n ng maramdaman niyang hinahaplos nito ang ulo niya. “Princess?”
“Hmmm...”
“Tinatamad ka lang bang magsuklay o talagang wala kang suklay dito sa bahay mo? May suklay ako, gusto mo?”
“Aeroll!” Tiningala niya ito. “Kung suklayin ko kaya ‘yang pagmumukha mo?!”
Tinawanan lang siya nito. “Na-miss ko din ‘yang pagsusungit mo.”
“Kahit—” Biglang may kung anong tunog na umepal kaya napahinto siya sa litanyan niya.
Humiwalay ito sa kaniya. “Ano ‘yon?”
Napangiwi siya at napahawak sa tiyan niya. “Tiyan ko ‘yon.”
Kumunot ang noo nito. “Hindi ka pa kumakain?”
* * * * * * * *
“It’s past twelve already, ba’t hindi ka pa kumakain?”
“Magluluto—” Umepal si sinok. Katatapos lang niya kasing umiyak kanina. Gano’n talaga siya. “Magluluto na sana ko ng dumating kayo.”
Nandito sila sa kusina at nagluluto. Ito pala. Nag-pi-prito ito ng manok. Nagtalo pa sila kanina kung sino ang magluluto. Masyado lang itong mapilit kaya hinayaan na niya, besides, nagugutom na talaga siya. At take note, hindi na magulo ang buhok niya. Tiningnan niya ang niluluto nito. “Sanay ka—“ Sinok na naman. “—palang magluto.”
“Hindi lang ako puro kagwapuhan noh.”
Sasagot na sana siya ng sinukin na naman siya.
“Can you please get me a glass of water?”
“Nauuhaw ka?”
“Hindi.”
Kumuha pa rin siya at inabot dito.
“Drink it.” sa halip ay utos nito.
YOU ARE READING
Love at Second Sight (FINISHED!!!)
Romance#880 ROMANCE Do you believe in love at first sight? Na-experience mo na ba 'yon? How about LOVE AT SECOND SIGHT? Pwede kayang mangyari' yon sa dalawang taong sa unang pagkikita pa lang, kaaway na ang tingin sa isa't isa?
Chapter 40
Start from the beginning
