الماكرة و الثعلب ( مكتملة )

بارت 45

يوم غد جديد
نازلي في الشركة خدامة على بعد الوثائق حتى دخل عندها كمال لابس كوستيمو
كمال عطاها ملف :اخر الصادرات تاع الشركة
نازلي شافت فيهم بشك حيتاش بانو ليها الصادرات كثار على الواردات بطريقة ماشي منطقية
نازلي : تقد تمشي
كمال تحنا على نازلي اللي كانت لابسة بدلة في الحمر بسروال و جاكيتة رسمية ...
كمال : ايمتا قلبك يحن لية ؟؟؟
نازلي : غييير تهنا قلبي في ايدين شخص واحد ونتا عارفو مزيااااان
كمال احتدو ملامحو : هذاك الت**** غادي نحيه باي طريقة او اخرى و اصلا خويا العزيز قريب يموت هادشي لا مكانش مات
نازلي بعدم اكثرات قررات تبرد اعصابها معاه  هادشي ماشي صالح لولدها : بغيت غير نشوف النهار اللي يرجع فيه و يندمك
كمال : هأ (باستهزاء ) كنتسنا ذاك النهار بفارغ الصبر ( دوز بصبعو على حناكها ) و حتا النهار اللي غادي تكوني فيه لية
نازلي بعدات ايديه و سرطات ريقها : كمال بعد حسن ليك كنبقا مراة الرجل
كمال غمض عينيه بالم :اااااااخ هذا الكلمة اللي مخلياني كنتحرق في الداخل انازلي هذا الكلمة هادي
نازلي وقفات :من الاحسن تمشي
كمال مشا حتى وقف قدام الباب و هضر : كنواعدك انازلي غادي تكوني لية بوحدي
مشا كمال و نازلي تنهدات بحزن : فينك اصخر فينك ؟؟؟
هزات نازلي ذاك الملف درساتو ولكن مادخلش ليها لراسها ان الشركة صدرات كثر ما استوردات خاصة منين جاوها المواد الاولية ... هزات الملف و عيطات لطوم باش تطلاقاه في القهوة
نازلي كتسنا في طوم و كتشوف في البحر ساهية فيه في احد المقاهي حتى جا طوم
طوم : نعم الالة
نازلي قاطعها على شرودها: جلس بعدا
طوم جلس و هو كيقول اللهم صخر و لا نازلي كتخلعو كثر منو
نازلي : بغيتك تشوف لية المستودع اللي كيصدر السيارات اش واقع فيه نتا عارف ان المواد اللي كنصنعو منها السيارات متواجدة في برى البلاد بحال الصين و اليابان فكنطرو نستوردوهم هادشي مادخلش لية لراسي كيفاش كاين فرق كبير بين الصادرات و الواردات
طوم : انا غادي نحاول نفهم كلشي امدام
نازلي كتحك في راسها: حسن نيييت المهم غادي نمشي هاكا الضوسي فيه كلشي
مشات نازلي و هي شاكة ان كمال بغا يغرقهم لصخر
________________
في المغرب محتل الرتبة 12 في اصدار السيارات غير الاشكال انه المواد الاولية لصناعة السيارات كيتم استيرادها لهذا في الربح مكبيرش بزاف بالمقارنة مع ارباح البيع بسبب ليشارج اللي داخل فيهم الاستيراد باش تفهمو القصة فين غادية
_______________________
في بيتها
نازلي كدوز بحب على كرشها حتى شافت في السماء اللي كانت مالية بالنجوم
نازلي :كنتمنى ترجع لينا اصخر كنتمنى
رجعات نعسات نازلي حتى كتفيق على شي ريحة مغريباش عليها بدات كتشمشم و هي تحل عينيها بسرعة قلبها كيضرب و شافت في ارجاء الغرفة
نازلي : صاااخر بحال ريحة صخر ..
ناضت كتقلب في الغرفة  اللي بدون تغيير حتى فقدات الامل و قالت راها كتخيل مع الوحم و رجعات نعسات
..........
في منزل العقرب
كان متراس الطبلة يعقوب و في جنابو كاينة سيليا و الاء و في حدا الاء كاين ليث كياكلو وجبة العشاء
سيليا بقات كتشوف بحب في ليث بدون حياء و هو ملاحظ نضراتها و داير راسو ممسوقش
الاء بعدما سالات مكلتها : كنعتاذر خاص نمشي
مشات الاء و سيليا بقات كتشوف في ليث حتى لاحظ  يعقوب نضراتها و حنحن
يعقوب : بنتي تقدي تمشي بغيت نهضر مع ليث في واحد الموضوع 
سيليا : اه وخا ابابا سمحو لية
مشات سيليا و هي كتفكر كيفاش تقرب مع ليث حتى طاحت عليها واحد الخطة في راسها ...
يعقوب : ليث انا عارف ان نازلي ختك عطيتها فرصة تفكر انها تخلا على الكرسي الى رفضات هادشي كيعني بكل سهولة الحرب
ليث كيشرب في النبيذ بتفكير :نقدو نخلعوها و هي تراجع بشكل تلقائي على الكرسي اللي في الاخير ملك للعقرب
يعقوب : كتبقا ختك
ليث مزير ايديه: ماشي ختي الاخت اللي تفضل عدو خوها و تبيعو غير ببعض كلمات الغزل و الحب مكنضنهاش انها ختي
يعقوب : اذن نتا معاية
ليث : فأي حاجة انا معاك
يعقوب : اذن سالة الرهان و نتا اللي ربحتي صخر فأنا متأكد انه مات و المافيا مقداتش تقولها باش متخلقش الجدل و تنوض الفوضى
ليث : بحال داكشي و مغنمشي حتى نعرف مكانو و نحيه بمرة و نحقق حلمي ان اخر انفاسو تكون بين ايدي
مشا ليث مخلي يعقوب كيضرب مية تخميمة و تخميمة ....
_________
جوري جالسة في الحديقة بعدات منها نازلي واحد البعد كبير بزاااف صحيح انها مكتحملش صخر وجات باش تنتاقم ولكن تراجعات على الفكرة فيما بعد تقبلات ان الموضوع قضاء و قدر.. رجعات بيها ذاكرتها لقبل سنة
فلاش باك *قبل سنة ___________________
جوري جالسة في دارهم .. حتى دخل عليها صاحب خوها كل صفر .
سمير:ختي جوووري ختي جوري
جور خارجة من المطبخ كتجري خلعها طريقة نداءو: نعم سمير واقعة شي حاجة
سمير كيحاول يسترجع انفاسو : خوووك خوووك للاسف
جوري بخوف : خخخ خخويا خويا مالو دوووووي خويا مالو
سمير بكلام بحال السم  : للاسف خوك مات مقتول حدا السوق 
جوري كيف سمعات كلامو خرجات كتجري بحال الحمقة و على فمها كلمة وحدة: خويا ..
توجهات مباشرة للسوق و هي تشوف الناس مجمعين .. مشات بسرعة كطير دخلات بيناتهم حتى شافت خوها مخشي فيه جنوي في كرشو و ناعس كدليل على  الروح استالمها مولاها .. غوتات جوري ربي اللي خلقها
جوري : خوووووووووووووياااااااااااا
________________
العودة
استفاقت من ذاكرتها على صوت طوم .. مسحات عينيها المغرغرين بالدموع بسرعة ولكن للاسف طوم لاحضهم
طوم بصوت رقيق : مالك
جوري : والو ماواقع والو المهم خاص نمشي نشوف واش في المطبخ محضرين العشاء ...
جات جوري بغات تمشي و هو يوقفها طوم
عارف : سبب مجيءك اجوري لهنا
جوري بصدمة و تلبكات  : شنووو مافهمتكش اش قصدتي
طوم : عارفك جيتي تنتاقمي لخوك بيما انه كان من عصابة صخر الا انه مني مات على يد عصابة العقرب تسنيتي من سي صخر ينتاقم و لكن بدون جواب و حسيتي ان الثعلب ضيع ليك حق خوك
ضار طوم و شاف عينيها المغرغرين بالدموع اللي كتحاول تحبسهم و لكن بدون فائدة
جوري كتبكي : ااااااه هاذي هي الحقيقة المرة في حياتي سيك صخر ضيع لية حق خويا بلا مايدخل اللي قتلوه  الحبس و اي واحد كان السبب في موت خويا غادي نتاقم منو و لكن بالصح مادرت والو لصخر وخا كنت باغة ندير اه كنت باغة نتاقم و لكن بسبب صحبتي مع نازلي ماقديتش نخسرها و نضيعها و ندم راجلها
طوم : عارفك مادرتي والو ماشي السبب في موت الثعلب ( قرب طوم حتال لوجهها اللي ولا بعيد عليه بسنتيميترات قلال و قال ) انا مثيقك كيفما قلبي مثيقك و لكن اشنو غادي ديري سي صخر مني غادي يرجع غادي يتفاهم مع جميع اعداءو منهم نتي 
جوري : ويلا مارجعش
صوت من وراهم قال
نازلي : حبيبي غادي يرجع
ضارو بجوجهم شافو فيها بصدمة هي اللي كانت سمعات لحديثهم من الاول
نازلي : حبيبي صخر غادي يرجع و نتي حسابي معاك هو اللخر اللي مستغلاني باش تأدي راجلي
جوري: حبيبك ماوفاش بالعهد اللي عطا لرجالو بانه ينتاقم لكل من اذاهم
نازلي : عندو اسبابو اجوري راجلي و كنعرفو مزيان لا عطا الكلمة كيوفي بيها
جوري كتبكي : فينووو راجلك نهار غصبو خويا في شبابو فييينووووووو ؟؟؟ دووووووي و لا كيعرف غار يامر ماشي يتحمل المسؤولية
نازلي : نتي اللي كنتي دزتي عندي في الصبيطار و قلتي على انتقامك لخوك
جوري كتمسح دموعها بصدمة : ككك كك كيفاش عرفتي كيفاش ؟؟؟؟
نازلي عقلت عليك و دابا مني سمعت هضرة طوم عرفتك نتي طوم قول صخر اش دار للعقرب
طوم : للاسف و اللي معارفاهش اجوري  ان صخر خاد منطقة الفيليبين كلها اللي كانت تحت حكم العقرب و ولات تحت نفوذو و هادشي سبب خسائر مالية كبيرة لهم انتقاما لخوك
جوري بصدمة :ولكن مقالهاش لية و مافراسيش انا انا انااا ( بحزن و ندم ) ضلمتو ياالكو ( هزات راسها في ناازلي ) نازلي سمحي لية و لكن تيقيني مادرت ليه والو
نازلي : هادشي غادي يعرفو هو مني يرجع المهم عندي انكي مغاديش تخرجي من هذا القصر حتى يرجع
مشات نازلي حتى طلاقات بحفيضة
حفيضة ببتسامة  : بنتي ياكما كتوحمي على شي حاجة نصايبها ليك
نازلي : هذا الضرافات مادخلاتش لية لراسي الالة حفيضة خاصة ام بحالك تخلات على ولادها و هما باقين محتاجين ليها ممتوقعاش منها الاحسن او الاخير و خاصة رجعات بعدما ولادها تفوبرو ( دارو لاباس )
حفيضة ببتسامة حزينة : عندك الصح انا ماشي ام صالحة ( شافت في كرشها ) طهلاي في ولدك و ماتكونيش بحالي
نازلي : غير تهناي مغاديش نكون بحالك وولدي غادي نتهلا فيه باي طريقة كانت
زادت نازل فيحالاتها حتى طلاقات مع ايمن خوها الصغير
ايمن : ختي بغييييت
زادت نازلي و خلاتو بلا ماتسمع لهضرتو هملاتو طول مدة اختفاء صخر هادشي اللي مخلية علاقتهم متراجعة
ايمن بحزن : كنتمنى يرجعو عائلتي مبقاش مرحب بية هنااا 
خاصة ايمن كيعاني من مشاكل دراسية بسبب التنمر مني دافع على الاء من المتنمرين فكيتعرضو ليه و لكن هو صامد و مكيخافش ابدا كيرد دقتو ديك ساعة
...
نازلي كتحك راسها بالم شربات كينة تاع النعاس .. و رجعات نعسات حتى كتشم نفس الريحة .. حلات عينيها و هي متأكدة ان صخر كان هنا .. بدات كتقلب في جميع انحاء الغرفة .. تنهدات و هي كتقول بكثرة حبو كتخيل .. هزات معطفو من البلاكار و هي تعنقو كتشم في ريحتو دازت شهر و صخر غابر عليها ماعرفاتو واش حي و لا ميت ومخلي ليها تريكة تاع الاعداء
____________________________________
بغيت غير نقوليكم مابقا والو للنهاية هادشي لا ماساليتها هذا الشهر نشأ الله ارءكم و توقعاتكم