الماكرة و الثعلب ( مكتملة )

الحلقة 18

بارت 71
بقلم : كوين

كان منزل نازلي مزين بالضوء من برى ليغارد منتاشرين في برى المنزل و لكن الداخل ممنوع بحجة انه كاينين نساء منقبات هادا شرط شرطاتو نازلي و باش تبان براحتها .. في السطح الطباخات كيوجدو اشهى الاكلات المغربية .. اما في الصالون الكبير كانو فيه النساء و الطبالات كيضربو البندير و الطعارج .. و الحلاوي كيتوزعو مع اتاي او القهوة .. بدا الطرح كيسخن و ناضو العيالات كيشطحو و اللي ناضت كتشطح و اللي قعدات كتسفق .. حتى سكتو مني سمعو الزغاريت .. نازلي نازلة بتكشيطها في الاخضر الملكي و مسففة بخيوط من الذهب و طالقة شعرها الاسود مبوكلي مع تاج تاع الذهب و في مجوهرات خضراء .. مديور على وجهها وشاح في الاخضر و عينيها الزرقين كيلمعو بالدموع .. جلسوها في موضعها اللي كان خضر كولو و قدامها صينية فيها الحنة و البيض و الحليب و التمر.. جلسات نازلي و بداو الطبالات كيضربو و يغنيو و نازلي شافت في ماماها بانت ليها حابسة البكية علاش اللي متبكيش بنتها غادي تمشي و تخليها .. كانت لابسة قفطان في الابيض مزين بالرسوم وردية على شكل زمان .. جات النقاشة بدات كتنقش لنازلي ايديها و رجليها.. مني سالات ليها النقيش تسناو حتى نشفات ليها الحناء و حيدو ليها بالدبليج تاع الذهب و شربو ليها الحليب و التمر .. هزات فتيحة ديك الزلافة تاع الحريرة و الوسخ تاع الحناء لاحتو في الطواليت باش مايهزوهش ليها و يسحرو بيه ... سالات ليلة الحناء بعدما وزعو عليهم العشاء اللي كولو لحم و برقوق ... طلعات نازلي لبيتها و بدات كتبكي غادي تمشي و تخلي عائلتها و كون غير عند حبيبها عند اكثر واحد كتكرهو ... سمعات الدقان في الباب و سمحات بالدخول
نازلي كتمسح عينيها :دخوول
بارت 72
بقلم : كوين

دخلات فتيحة و عينيها مدمعين و قربات عندها: الله يا ربي الله غادي تمشي علية بنيتي الله رزقني بجوج وليدات و لكن فرحتك كانت بوحدها كنتي نتي الصبارة فيهم المنانة مولات القلب الكبير اللي نوصيك طهلاي في راجلك و متخليهمش يفرقو بيناتكم تزوجو و جيبي لية شي حفيد نفرح بيه
نازلي تلاحت عليها كتبكي :ميييييي اهئ اهئ
دارز كنازة بالبكاء حتى جمعات فتيحة راسها
فتيحة : المهم غدا في الصباح عندك الحمام( دارت ايديها على وجه نازلي كدوزها بحنان ) باش تمشي في الليل لدار راجلك
مشات فتيحة و نازلي كتنهد اش هذا المشكلة اللي طيحها فيها ليث كون من الاول متحداش الثعلب كون دابا راها مهنية
بدلات تكشيطاها ببيجامة و دارت الديماكيون و تلاحت نعسات ..
في الصباح ..
فاقت على اشعة ضربو وجهها و غوات مها باش تفيق
فتيحة : يالله نازلي فيقي عندك الحمام اليوم
فاقت نازلي كتفوه مشات لبسات عليها جلابة في الابيض و دارت زيف حياتي و الحنة مزينة ليها ايديها.. سمعات الذقان اذنات بالدخول ... كان ايمن جاب ليها الفطور
ايمن : هاكي ختي
نازلي : شكرا
حط ايمن الفطور و بدات نازلي كتاكل و هي تشوفو واقف و كيشوف فيها بحزن ابتاسمات و هي تشير ليها باش يجلس حداها و مشا جلس
ايمن : صافي غادي تمشي و تخلينا ( تذكير عندو 14 عام و حتى هو عندو دور في القصة من بعد غتعرفو علاش )
نازلي شدات ليه في ايديه: خويا هادي نهاية كل بنت خاصها تزوج و تبني حياة بعيدة على واليديها و لكن غنبقاو ندويو كل نهار بالوتساب يااك
بارت 73
بقلم : كوين

ايمن ببتسامة : كيف قال بابا صخر اكيد غادي يطهلا فيك ( بحزن ) وخا ليث مشا و خلانا و حتى نتي غادي تمشي و تخليني شكون غادي نبقا نتناغر معاه
نازلي :كاين روكي غنخليه معاك ياك كتقول لية دائما راني كلب ( ضحكو بجوج ) هاني خليت ليك ذكرى من عندي
ايمن : يالله نخليك خاص تمشي الحمام
فطرات نازلي كان كاس تاع الماء و طوست من فوقو الفرماج .. ماعطاوهاش تشرب شي حاجة بحال اتاي و القهوة باش ميحطوش فيها شي توكال و لا شي حاجة ..
جمعات نازلي الوقفة هازة معاها صاكها و سطل فيه جميع مواد العناية بالجسم .. لقات العيالات فطرو في دارهم نيت بمسمن و هربل .. بقاو غادين لحمام نيت كاريينو و هما كيغنيو و يطبلو .. كانو فقط عيالات من العائلة و الجيران قلال مكتارش شي عشرة
وصلو لحمام لقاوه خاوي و نقي ... حيدو حوايجهم و فتيحة حاضية حوايج العروسة.. دخلو للداخل لقاو الشموع و الملحة مرشوشة .. بداو كيغسلو العيالات و النميمة هي اللي كاينة.. فتيحة دهنات بنازلي ليها الحنة و مختلف الشعوب لشعرها و جسمها .. بداو كيفركو ليها بالكيس حتى تزنغات نازلي غسلو ليها شعرها و دهنو جسمها بمختلف الماسكات و الكريمات .. خرجو من الحمام غاع العيالات كيشعلو و ركبو في الطموبيل كلها يمشي لدارو ... في انتضار ليلة العرس الاسطوري اللي دار الثعلب لنازلي .. طوال فترة العرس نازلي مدوتاش معاه و حتى الثعلب مدواش معاها ..
____________العرس الاسطوري ❤____________
اووومايقوود شهدو اول ابطال محاملينش بعضياتهم ايتزوجو 😂😂😂😅