الماكرة و الثعلب ( مكتملة )

الحلقة 16

بارت 63
بقلم :كوين

نازلي سمعات باباها قال هاكاك خنزرات: يخ مالو جاي الوزير
بقاو كيتسناو قدام الباب و نازلي طلعات لبيتها كتسنا حتى يعيطو عليها ...
ايمن لبس كوستيم في الكحل شاد صينية فيها 2 كيسان تاع الحليب و طبسيل عامر بالتمر وسط منو باللوز و كيتأفف و قال في خاطرو : مالنا كنتسناو الوزير ( بحالو بحال ختو )
في الطريق
صخر جاي و حداه توم في الطموبيل نوع ميرسيديس سايق بيهم الشيفور .. طموبيلتهم جات وسط جيش تاع الطموبيلات من القدام و اللور ... وصلو للحي و البركاكة كيشوفو فيهم ها اللي كيطل ها اللي كيصور حيتاش فعلا كان منضر غريب على الحي افخم الطموبيلات و مصافين كلهم في الاسود ... السي عمر سمع الصداع حل الباب تصدم من داكشي شكون هذا اللي باغي يخطب بنتو باينة باللي ماشي في مستواه .. نزل صخر و هو الهيبة طاغية عليه مع توم اللي لا يقل وسامة حتى هو لابسين بجوج كوستيمات في الكحل .. دخلو للداخل صخر شاف فتيحة و الجدة اللي يالله بغات ترش بالمرشة و لكن صخر منعها بأيديه بشكل مأدب اما هو كون تيرى فيه .. الجدة حسات بالهيبة و جمعات ايديها هاكاك.. شاف الحليب و التمر مادو ايمن زعما شنو هادشي
ايمن فهمو : هذا الحليب و التمر
هز صخر وحدة و شرب من الحليب مابغاش يخسرها مع نسابو حتى يدير مخططو و يلقا ذات الاعين الزرقاء... فتيحة زغرتات كتفقس في العديان زعما هي و الجدة .. دخلو للداخل و صخر معصب معاجبوش هذا الاوضاع بزز منو خاصو يتحمل ... بداو العيالات كيزغرتو و عمر و ايمن دخلو للداخل
السي عمر : اهلا اهلا مرحبا
بارت 64
بقلم : كوين

صخر بتاسم بزز و ماشي بتسامة غاع غير جبد فمو شوية ...حتى شاف فيه توم زعما دوي
صخر حمحم : جيت طالب راغب في يد بنتكم نازلي لية انا اما بخصوص عائلتي راني ماعندي حتى واحد في العائلة داكشي باش جيت نحطب بوحدي
السي عمر : انا معنديش مشكيل اللي بغاتها بنتي هي اللي تكون الرأي كيرجع ليها فتييييحة ( كيعيط ) فتيحة عيطي على نازلي
مشات فتيحة كتجري طلعات عند نازلي لقاتها كتلعب مع كلبها روكي
فتيحة : اوعدي انا راه باباك تيعيط ليك و نتي مابان ليه الكلب حتى لدابا ( تمات جاية عندها نازلي ) حبسي فين ريحتك
نازلي : راها في البلاكار ..
مشات فتيحة هزاتا و رشات من العطر على نازلي و عينيها دمعو
فتيحة :الله يا بنيتي غادي تمشي و تخليني و لكن هادي نهاية كل بنت غادي تخلي دار باها و تمشي منها في الاخير البنت كتسما ضيفة في دار باهم ( بدات كتبكي ) غنتوحشك ابنيتي و الله نتي هي بنتي الوحيدة
نازلي عنقاتها : الله يهديك اماما راه غادي نعود كل سيمانة نشوفك راه غادي نبقا ساكنة غير هنا
فتيحة كتمسح في عينيها : يالله نمشيو راه كيتسناو ..
نزلو للتحت و دخلو للداخل و الجدة و فتيحة كيزغرتو و نازلي باغة غير ايمتا تسالي هذا الدراما .. قعدات حدا باباها و هو كيشوف فيها بحزن اللي غادي تمشي و تخليه و لكن هذه نهاية كل بنت
عمر شد ايدين بنتو و كيدوي بنبرة فيها الحزن : نازلي بنتي و فرحتي الثانية تزادت عندي بنت وحدة و كنعتابرك كلشي في حياتي ما البنت كلشي في حياة باباها و خاصة لا كانت عندو بنت وحدة غادي تمشي لدارك جاك ولد الناس ( صخر شاف في راسو واش كيهضر علية انا ولد الناس ) بخيرو و غادي يديرك تاج فوق راسو وخا مغاديش تحاملو في الاول و غادي تعيشو في صراع و مشاكيل و لكن انا متأكد انكم غادي تكونو سند لبعضياتكم في هذا الحياة و غادي تكونو نعم الزوجين شفت في عينيه الرجولة اللي مابقاتش في هذا الوقت غادي يديرك بين عينيه انا متأكدة
بارت 65
بقلم :كوين