الماكرة و الثعلب ( مكتملة )

الحلقة 7

بارت 25
بقلم كوين

ليث نقلوه للسجن الفردي .. ماشي بحال السجون الفردية الأخرى كان عبارة عن غرفة بيضاء كلها بفراشها بصباغتها بالضوء ديالها و صغيرة و لابس حوايج بيضين كتخلي العقل مع المدة يحماق و يبدا يهلوس و يدخل و يخرج في الهضرة.. ثلتيام دوزها ليث في هذا السجن خلاتو كيحماق ففكر بذكاء انه يكسر داك اللون الابيض .. بدا كيجرح راسو بفمو حتى خرج الدم و هو يزوق بيه داك الحيط و بدا كيضحك بمكر .
ليث : مغتغلبونييييييش فهمتوووو انا راه لييييث سمعتوني هاااااهاااااهاااا
*******
نازلي مشات للقصر تاع الثعلب بالسكوتر بعيدة عليه واقفة غير في واحد الخلة اللي متواجد في ديك المدينة بغات تأكد واش كاين تماك الثعلب .. المشكلة انه من الخريطة اللي عطاها الروبوت كان شاد القصر و جميع المساحة المحيطة بالقصر بحال ولا مدينة خاص بيه المشكلة حتى لابغات تولي خدامة و لا حارس ميمكنش تنكر حيتاش هما اصلا مكيخرجوش كيبقاو عايشين حياتهم في القصر و كيفنيو فيه حياتهم حتى كيموتو بمعنى اخور كيسينيو على ورقة يوليو عبيد عند الثعلب فكيفاش غادي دخل للقصر غيقولو ليها منين جيتي ...
سرطات ريقها و تنهدات بغضب : كيفاش غادي ندخل ( حتى طاحت في بالها واحد الفكرة تقد تكون احمق فكرة فكرات فيها )
بارت 26
بقلم : كوين

نازلي جبدات تيليفونها عيطات لروبوت
الروبوت كان قاعد ما بيه ماعليه حتى شاف اتصال نازلي مدخل واحد البارتية كيخليه يعرف شكون معيط ليه و تبان تصويرتو ..
الروبورت : اش بيتي الزين
نازلي: التصاور تاع القوادس تاع المدينة كلها
الروبورت : منيتك
نازلي : و لابغيتي بالضبط تاع قصر الثعلب
الروبورت :نتي اكثر وحدة حمقة شفتها في حياتي
نازلي:عارفة راسي
الروبورت : وخا واحد نصف ساعة نصيفطهم ليك
.. تسنات نازلي نصف ساعة صيفطهم ليها في الوقت .. لقات واحد من القوادس كيبدا من مكان قريب ليها لوسط القصر بتاسمات بشر و هي تسنا حتى يضلام لحال ... حيدات تجاكيطها و نزلات جرات داك القادوس و نزلات منو شاعلة تيليفونها بالبيل ... بقات غادة متبعة الخريطة و مضوية المكان و كتشوف في الفيران و الحشرات معمرين المكان .. وصلات لوسط القصر و ريحتها خانزة ... حلات القادوس خرجات نيشان في واحد الجردة ضورات عينيها مكانوش الكاميرات في ديك البلاصة و لكن بانو ليها الغارد عاطين ضهرهم لقصر يعني ماشافها حد حيتاش اصلا الثعلب كيقول الخطر مجايش من الداخل جاي من برا ... بقات غادة حتى دخلات للقصر تصدمات من جماليتو كولو مذهب و مقاد و منقوش وقفها واحد الصوت
المراة : هييييي
ضارت نازلي كتسرط ريقها جات في الليل اذن كلشي ناعس اش باقي كدير هادي فايقة
المراة : شكون نتي
نازلي مثلة ثقة النفس :جيت مع السي الثعلب تبغي نكلمو ليك ؟؟
المراة بدات كترجف :لا الالة سمحي لية مكنتش قاصدة عفاااك
نازلي :وريني بيتو بغيت نعطيه شي حاجة علاش جيت
المراة :معلوم دخلي راه بغيتي تلقايه الفوق اخر جناح على الجهة اليمنية و لكن مكخلي حتى شي واحد يدخل ليه
نازلي : انا جيت اذن غادي ندخل ليه صافي سيري
مشات المراة اللي خدامة في القصر.. طلعات نازلي لبيت الثعلب و دخلات كان كبير و في الاسود و ذكوري قد ابارطومون تاع 100 مليون ..
بارت 27
بقلم :كوين